1 Corintios 9:14 - Kashibo-Kakataibo Biblia

¹⁴ Usaribi oquin ca Nucën ꞌIbu Jesusan mëníocëxa, an a ñuiquin aín bana uni ñuixuncë unicama a ca an aín bana cuacë unicaman anúan aín ñu biti ꞌinánti ꞌicën.

Nukën 'Ibu Diosan ain unikama 'inan ain bana

¹⁴ Usaribi oquin ca Nucën 'Ibu Jesusan mëníocëxa, an a ñuiquin aín bana uni ñuixuncë unicama a ca an aín bana cuacë unicaman anúan aín ñu biti 'inánti 'icën.

1 Corintios 9:14 ပူးပေါင်းရင်းမြစ်များ

Mateo 10:10

Camina burasa ió anun min ñu buánti bitima ꞌain. Camina rabë́ tari ꞌimainun bëtsi taxaca ꞌimainun min tsati buántima ꞌain. An unicama ꞌaquincë uni a ca a ꞌaquincë unin aín piti ꞌimainun aín cuëëncë ñu ꞌinánti ꞌicën. Usa ꞌain camina ñu buanima usashi cuanti ꞌain.

Lucas 10:7

Camina xubu itsi xubu itsinu ꞌibë́quintima ꞌain, anu paínmi atsíncë xubu anuishi camina ñantan ñantan ꞌuxti ꞌain. Anuxun camina piti ñu ꞌimainun xëati ñu a anu ꞌicë xanúan mitsu ꞌináncëxun piti ꞌain. An ñu mëëxuncë uni a ca an ñu mëëmicë unin cupíoia. Usa ꞌain camina atúan mitsu ꞌináncë ñu a piishiti ꞌain.

Lucas 10:8

Cuanx ëmanu bëbaia upí oquin mitsu biquian mitsun bana cuaisa tancëbëtan camina anu ꞌixun uisa piti ñu cara mitsu ꞌinania a piti ꞌain.

Hechos 18:3

Aquila ax ca Pablonëan ꞌacësaribi oquian an chupa xubu ꞌacë uni ꞌiacëxa. Usa ꞌain ca Pablonën aín xubunu ꞌixun Aquilabëtan chupa xubu ꞌacëxa.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

1 Corintios 9:11

Nun mitsúxmi Jesúsmi catamënun Nucën Papa Diosan bana ñuixuncëxunmi mitsun nun piti ñu nu ꞌinánti ca asábi ꞌicën.

1 Corintios 9:12

Nun cananuna bëtsi unin ꞌacësamaira oquin mitsu ꞌunánmian. Usa ꞌain ca bëtsi unimi ꞌináncësamaira oquin mitsun nu ñu ꞌinánti asábi ꞌitsíanxa. Usa ꞌaínbi cananuna a ñubi mitsunua bicëma ꞌain. Mitsun nun Jesucristo ñuicë bana cuaisama tanti rabanan cananuna ñuñuma ꞌixunbi mitsu ñu ñucácëma ꞌain.

1 Corintios 9:16

ꞌËn Jesusan bana unicama ñuixuncë cupí cana rabiacátima ꞌain. ¡Aín bana ñuixunun Jesucristonën ꞌë cacë ꞌixunbi an cacësa oquin ꞌacëma ꞌaish carana uisai ꞌicë ꞌitsían!

1 Corintios 9:4

—An ꞌën bana ñuixuncëxun cuacë unicaman ꞌë piti ꞌináncëxun ꞌën biti ca asábi ꞌicën.

2 Corintios 2:12

Troas ëmanuxun Cristo ñuiquin bana ñuixunux bëbatancëxun, ax cuëëncësabi oquin ꞌën ñuixuncëxun cuati ca unicama cuëëanxa.

Gálatas 6:6

An Nucën Papa Diosan bana ꞌunánmicë uni a ca a ꞌunánmicë unin cupíoquin uisa ñuñu cara, a mësú ꞌinánti ꞌicën.

1 Tesalonicenses 1:5

Jesucristomi catamëti ca uni Nucën Papa Diosnan ꞌiti ꞌicë quixun bana ñuixunquin cananuna nun cuëbitainshi banaquinma, aín Bëru Ñunshin Upitan nu sinánmicëx Nucën Papa Diosmi cushicë ꞌixun aín bana mitsu ñuixuan. Nun ñuicë banax ca cëmëma ꞌaish asérabi ꞌicë quixun ꞌunáncë ꞌixun cananuna upí oquin a bana mitsu ñuixuan. Mitsúxmi upí ꞌiti cupí cananuna mitsubë ꞌaish usai ꞌia quixun camina ꞌunáncanin.