1 Corintios 9:1 - Kashibo-Kakataibo Biblia

¹ Nucën ꞌIbu Jesusan aín bana uni ñuixunti caísa cana ꞌëx ꞌain. An caíscë unicaman ꞌacësaribi oquin cana ꞌënribi Nucën ꞌIbu Jesús isacën. ꞌËn aín bana ñuixuncë cupí camina mitsúxribi ami catamëtin. Usa ꞌain camina mitsúnbi ꞌunánti ꞌain, ꞌëx cana asérabi a usaquin ꞌanúan Nucën Papa Diosan caísa ꞌain.

Nukën 'Ibu Diosan ain unikama 'inan ain bana

¹ Nucën 'Ibu Jesusan aín bana uni ñuixunti caísa cana 'ëx 'ain. An caíscë unicaman 'acësaribi oquin cana 'ënribi Nucën 'Ibu Jesús isacën. 'Ën aín bana ñuixuncë cupí camina mitsúxribi ami catamëtin. Usa 'ain camina mitsúnbi 'unánti 'ain, 'ëx cana asérabi a usaquin 'anúan Nucën Papa Diosan caísa 'ain.

1 Corintios 9:1 ပူးပေါင်းရင်းမြစ်များ

Hechos 13:2

Usa ꞌixuan achúshi nëtën timë́xun ñu piquinma Nucën ꞌIbu Dios rabicëxun ca aín Bëru Ñunshin Upitan atu cacëxa: —ꞌËn caíscësabi oquian bana ñuixunun camina Saulocëñun Bernabé cati ꞌain.

Hechos 14:14

Usaquian ꞌaisa tancëxunbi ꞌunani ca Pablobë Bernabé ratúacëxa. Ratuti atu nëbë́tsi cuanquin ca aín chupabi tucai munuma banaquin cacëxa:

Hechos 14:4

Usa ꞌaínbi ca Iconio ëmanu ꞌicë unicama raírinëxa —judíos uni ꞌixun cananuna Jesucristomi catamëti bana cuatima ꞌai —quimainun raírinëxribishi —Jesusan aín bana ñuixunun caíscë uni rabë́ ënën bana ca upíira ꞌicë —quiacëxa.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Hechos 9:17

Usaquian Jesusan cacëx ca Ananías anua Saulo ꞌicë xubunu cuancëxa. Cuanx atsínxun ca aín mëcënan ramëquin Saulo cacëxa: —ꞌËn xucën Saulo, axa anúnmi ucë bainuax mibë banaëxancë, Nucën ꞌIbu Jesús, an ca minu unun ꞌë xuaxa, amiribishi istëcëananmi aín Bëru Ñumshin Upíñu ꞌinun.

Hechos 9:3

Usaquin cacëxuan quirica ꞌináncëxun bibiani bain cuanxa, Damasco ëmanu bëbai cuaniabi ca naínuxun nëbë́tsioraquin pëcaquin bëtë́nancëxa.

Hechos 9:5

Ësai quia ca cacëxa: —¿Ui caramina ꞌain, Nucën ꞌIbu Dios sapi camina ꞌain. Cacëxun ca cacëxa: —ꞌËx cana Jesús, ami bëtsi bëtsi ocë, a ꞌain. Ami tatíqui chacati nishquin i tapun, taën ꞌaquinmi paë tancësa, usaribiti camina mibi ꞌin.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 11:13

Anu ꞌicë judíosma unicama, cana mitsu cain, ꞌën judíosma unicama aín bana ñuixunun Jesucristonën cacë ꞌixun cana usaquin chiquíshquinma cuëënquin ꞌain.

1 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin aín bana unicama ñuixunun ca Jesucristonën ꞌë caísacëxa. An caísa ꞌixun cana Sóstenesbëtan mitsu quirica buánmin. Axribi ca Jesucristomi catamëcë ꞌaish nucën xucën ꞌicën.

1 Corintios 10:29

—A piti ca asábi ꞌicë —quixun mitsun sináncëbëtanbi an mi cacë unin —usa ñu ꞌën piti ca ꞌucha ꞌicë —quixun sináncëbëtan camina pitima ꞌain. Sapi camina ꞌë ñucáti ꞌain, uisacasquin carana uni itsían, ënë nami piti ca ꞌucha ꞌicë quixun sináncë cupí ꞌën pitima ꞌai quixun.

1 Corintios 10:30

¿Nucën Papa Dios —asábi ca —quixun caxun ꞌën piabi cara unin ꞌuchoquin, —Nucën Papa Diosmi ꞌuchaquin camina pia —quixun ꞌë cati ꞌic?

1 Corintios 11:16

Axa ënë bana cuati cuëbicanáncë unicama cana cain, usai ca xanu ꞌiti ꞌicë quixun cananuna camabi uni cain. Axa Jesucristomi catamëcë unicama timë́cëcamanribi ca —usai ca ꞌiti ꞌicë —quixun sinania.

1 Corintios 3:6

Ënëx ca ësa ꞌicën: Unían ñu bëru anu ꞌapatia ca a me bëtsi unin ꞌumpaxan chabóia. Usoiabi ca Nucën Papa Diosainshi ñu bëru comia. Usaribi oquin cana ꞌën mitsu Nucën Papa Diosan bana ñuixunquin ꞌunánmiacën. ꞌËn mitsu ꞌunánmicë bana a ca Apólonën mitsu ñuixuntëcëancëxa. Usoquinu nu rabëtan ñuixuniabi ca Nucën Papa Diosainshi Jesucristomi catamënun mitsu sinánmiacëxa.

1 Corintios 9:19

ꞌËa unin ñu mëëmicëma, ꞌaíshbi Nucën Papa Dios cuëëncësabi oíshi ꞌiquin cana an camabi uni ñu mëëxuncë unisa ꞌixun, Cristomi catamënun unicama aín bana ñuixunin.

2 Corintios 10:7

Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

2 Corintios 11:5

Mitsúnmi, ꞌësamaira isa a unicama mitsun aín bana cuacë, ax ꞌicë quixun sináncëbëbi, cana ꞌën sináncëx ꞌëx atu meuma ꞌain.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Gálatas 1:1

ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Gálatas 5:1

Nun Moisésnën usai ca judíos unicama ꞌiti ꞌicë quixun cuënëo bana quicësabi oquin ꞌacë cupíma cananuna Cristomi catamëcë cupíshi Nucën Papa Diosnan ꞌain. Usa ꞌain camina asérabi Cristomi catamëquin a ënti sinántima ꞌain. Usai judíos unicama ꞌiti Moisésnën cuënëo bana quicësabi oquin ꞌacë cupí cana Nucën Papa Diosnan ꞌai quixun camina sinántëcëntima ꞌain.

1 Tesalonicenses 2:6

Uisa nëtë́nbi cananuna, raíri unicamanribia ꞌamainun camina mitsúnribi nu rabiti ꞌai quixun sináncëma ꞌain. Unin ca nun nu asérabi Cristonën xucë ꞌixun aín bana ñuixuncëxun upí oquin a bana cuaquin nun cacësabi oquinshi ꞌati ꞌicë quixun ꞌunánxunbi cananuna unían nu rabiti sináncëma ꞌain.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

2 Timoteo 1:11

Usaía Jesucristo ñui quicë banacama camabi judíosma unicama ñuixuanan aín bana quicësabi oía ꞌinun ꞌunánminun ca Nucën Papa Diosan ꞌë ꞌimiacëxa.