1 Corintios 8:1 - Kashibo-Kakataibo Biblia

¹ Unían unínbi ꞌacë ñu rabiquin ꞌaracacë ñuina ꞌacë a namix cara piisa ꞌicë quixunmi ꞌë ñucácë bana, a ñuiquin cana ësaquin mitsu cain. ꞌËn ꞌunáncësaribi oquin camina mitsun asérabi ꞌunan, Nucën Papa Diosëshi dios ꞌain ca unin ꞌacë ñu rabiquin ñuina rëcë a nami ax bëtsi namisaribi ꞌaish piti ꞌicën. Usaquin sinani ca uni raíri ainra isa ñu ꞌunánxa quixun sinani, a nami pi, bëtsibë cëruanánia. Usa ꞌaínbi ca raírinëx, a namix ca bëtsi namisaribi ꞌaish piti ꞌicë quixun ꞌunánxunbi an picëma unicama nuibaquin ꞌuchamisama tanquin piima, Jesucristonën sinánsaribi ꞌixun.

Nukën 'Ibu Diosan ain unikama 'inan ain bana

¹ Unían unínbi 'acë ñu rabiquin 'aracacë ñuina 'acë a namix cara piisa 'icë quixunmi 'ë ñucácë bana, a ñuiquin cana ësaquin mitsu cain. 'Ën 'unáncësaribi oquin camina mitsun asérabi 'unan, Nucën Papa Diosëshi dios 'ain ca unin 'acë ñu rabiquin ñuina rëcë a nami ax bëtsi namisaribi 'aish piti 'icën. Usaquin sinani ca uni raíri ainra isa ñu 'unánxa quixun sinani, a nami pi, bëtsibë cëruanánia. Usa 'aínbi ca raírinëx, a namix ca bëtsi namisaribi 'aish piti 'icë quixun 'unánxunbi an picëma unicama nuibaquin 'uchamisama tanquin piima, Jesucristonën sinánsaribi 'ixun.

1 Corintios 8:1 ပူးပေါင်းရင်းမြစ်များ

Hechos 15:10

¿Usa ꞌaínbi caramina mitsux uisa cupí, usama ca quiax Nucën Papa Diosmi ꞌuchanan, judíosma unibu ca judíos unibu ꞌicësai ꞌiti ꞌicë quiax quin? Moisésnëan usai judíos unicama ꞌiti cuënëo bana cuacë ꞌaíshbi ca a banacama quicësabiira oi nucën raracamax ꞌiáma ꞌicën. Nuxribi cananuna atúxa ꞌiá usaribiti ꞌiacën.

Hechos 15:29

Unínbia uniocë ñu a rabiquian ꞌacë ñuina a camina pitima ꞌain ꞌimainun camina ñuina imi pitima ꞌain ꞌimainun camina tëtsë́cacë ñuina pitima ꞌain ꞌimainun ca aín xanuma ꞌain uni xanubë ꞌitima ꞌicën. Ënë banacama cuati camina mitsux asábi ꞌiti ꞌain. Bërúanx camina ꞌicanti ꞌain”.

Hechos 21:25

Mixmi judío uni ꞌaish usai judíos unicama ꞌiti bana quicësabi oi ꞌiti ꞌaínbi ca nun sináncëx judíosma unicamax usai ꞌitima asábi ꞌicën. Usaquin sinánquin cananuna ësaquin ꞌaxun acama quirica buánmian: Judíos unicama usai ꞌiti banacama quicësa oquin ꞌaquinma camina ësaquinshi ꞌati ꞌain, unínbia uniocë ñu rabiquian ꞌacë ñuina camina pitima ꞌain, ꞌimainun camina ñuina imi pitima ꞌain, ꞌimainun camina tëtsë́cacë ñuina pitima ꞌain, ꞌimainun ca bëtsi xanubë ꞌima uni aín xanubëishi ꞌiti ꞌicën.

Romanos 11:25

ꞌËn xucë́antu, mitsux judíosma uni ꞌixun —nux cananuna judíos unían ꞌacësamaira oquin Cristomi catamëquin Nucën Papa Diosan aín unicama ꞌunánmiti ñu ꞌunáncë ꞌai —qui rabíaxma ꞌinun quixun cana ësaquin unin ꞌunáncëma ñu a ñuiquin mitsu cain: Judíosma unibu uicama cara Cristomi catamëti ꞌicë acamax pain ami catamëtamainun ca Nucën Papa Diosan judíos unicama aín patsan Jesucristomi catamëcëma ꞌaish usabi ꞌinun ëanxa.

Romanos 12:16

Camina bëtsibë bëtsibë nishananíma nuibananishi upiti banati ꞌain. Usai ꞌi camina cërúananima, axa uni itsibëtan sënë́nmara unibë upí ꞌaish abë upiti banati ꞌain. Rabíquin camina —ꞌën cana uni itsin ꞌacësamaira oquin ñu ꞌunanin —quixun sinántima ꞌain.

Romanos 14:10

Anúan ax uti nëtë sënë́ncëbëtan ca Cristonën uisai caranuna ꞌia, uisa ñu caranuna ꞌa quixun nu isti ꞌicën. ¿Usa ꞌain caramina uisacasquin Nucën Papa Diosan uni itsíxa miisaribi uni ꞌaínbi, a ñui manánti ꞌain? Camina ꞌitima ꞌain. ¿Uisacasquin caramina a ñuiti ꞌain? Camina ꞌatima ꞌain.

Romanos 14:14

Nucën ꞌIbu Jesúsnan ꞌixun cana ꞌunanin, camabi piti ñu piti ca asábi ꞌicë quixun. Usa ꞌaínbi ca a uni —Nucën Papa Diosan sinánëx ca a ñux pitima ꞌicë —quixun sinánquinbi picë ꞌaish ꞌuchati ꞌicën.

Romanos 14:19

Usa uni ꞌixun cananuna camáxbia bëtsibë nuibananun uni raíri nuibaquin ꞌaquinti ꞌain. ꞌAquianan cananuna Cristomia upiti sinánun bëtsibë bëtsibë sinánmiananti ꞌain.

Romanos 14:22

A picëma ꞌixunbi a piía bëtsi uni ꞌuchati rabanan camina an picëma ñu pitima ꞌain. Usa ꞌixunbi camina min —usa ñu piti ca ꞌuchama ꞌicë —quixun min ꞌacësabi oquin sinánti ꞌain, usoquin sinánti ca Nucën Papa Diosan iscëx asábi ꞌicë quixun ꞌunánquin. Ui unin cara ñu ꞌaquin, —ꞌën ësa ñu ꞌati ca asábi ꞌicën, ꞌën ësaquin ꞌati ca Nucën Papa Dios cuëënia —quixun ꞌunania ax ca chuámarua tani cuëënia.

Romanos 14:3

An camabi ñu picë unin ca bëtsi unían an picë ñu piamoquin ñuitima ꞌicën. Usaribi oquin ca an camabi ñu picëma uni an bëtsi unían piia isquin ñuiquin —min camina ñu ꞌatima ꞌai —quixun caquinma a uníxribi ca Nucën Papa Diosnan ꞌicë quixun sinánti ꞌicën.

Romanos 15:14

ꞌËn xucë́antu, ꞌën cana ꞌunanin, mitsun camina bëtsibë bëtsibë nuibanani ꞌaquiananquin Nucën Papa Diosan bana Cristonën ñuicë a upí oquin ꞌunanin. ꞌUnánan camina ami cushicë ꞌinux raíri unibë ꞌësëanánti ꞌunanin.

1 Corintios 1:5

Cristobë ꞌaíshmi aín sinánsaribi ꞌicë ca Nucën Papa Diosan an aín unicama ꞌunánmiti ñu ꞌunánmiquin upí oquin sinanimi upiti bananun mitsu ꞌimiaxa.

1 Corintios 10:15

Mitsúxmi sinánñu uni ꞌicë cana usaquin mitsu cain. Usa ꞌixun camina ꞌën mitsu cacëxun cuaquin ënë banax ca asérabi ꞌicë quixun ꞌunánti ꞌain.

1 Corintios 10:28

Mitsun piti ꞌaínbia uni itsin mitsu —ënë namix ca unin ꞌacë ñu rabiquin piti ꞌacë ꞌicë —quixun mitsu cacëxun cuni camina pitima ꞌain. An mitsu cacë uni an Jesucristomi catamëcë ꞌixunbi, camabi nami ca bëtsi namisaribi ꞌicë quixun upí oquin ꞌunáncëma ꞌixun, —ënë nami pi cana Nucën Papa Diosmi ꞌuchain —quixun sináncë ꞌain camina a nami pitima ꞌain.

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

1 Corintios 4:10

Cristonën cacësabi oquin ꞌacë cupí mitsun iscëx nux ñuumara ꞌimainun camina mitsux aín bana ꞌunáncë ꞌain. Mitsun sináncëxa nun bana racuëti banacësa, ꞌimainun ca mitsun bana cushi ꞌicën. Usa ꞌicë nu timaquin nu ñuianan ca mitsuishi unin nuiia.

1 Corintios 4:18

Mitsu raírinëx camina ꞌëx sapi isna anu cuanti racuëti quixun sinani cërutin.

1 Corintios 4:6

ꞌËn xucë́antu, Apolobë ꞌëx ꞌicësaribitimi mitsux bëtsi bana sinanima Nucën Papa Dios quicësabi oíshi ꞌinun cana ënë ñucama ñuiquin mitsu cain. —An mitsu ꞌunánmicë unin ꞌunánmicësamaira oquin ca an nu ꞌunánmicë unin nu ꞌunánmia —quixun camina bëtsi uni catima ꞌain.

1 Corintios 5:2

¿An usa ñu ꞌacë uni mitsubë ꞌaínbi caramina mitsun —nux cananuna asábi ꞌai —quixun sinanin? Usaquin sinanima camina mitsux —nux cananuna ꞌaisama ꞌai —quixun sinani rabínti ꞌain. Rabínquin camina a uni mitsubë ꞌinúnma chiquínti ꞌain.

1 Corintios 5:6

Bëtsi bëtsi ñu ꞌaisama ꞌaíbi camina mitsux rabinima —nux cananuna asábi ꞌai —qui cuëënin. Usai ꞌiti ca ꞌaisama ꞌicën. ¿Caramina ꞌunaniman, “anun pán chamiti ñun ca chamaratsu ꞌixunbi xuicëma pain ꞌicë páncama choia?” Usaribi oquin ca anu ꞌicë uni achúshinën ꞌuchaxbi sinanacëma ꞌixun anu ꞌicë unicama usaribitia ꞌinun ꞌimiti ꞌicën.

1 Corintios 8:2

An —ꞌën cana ñu ꞌunan —quixun sináncë uni an ñu ꞌunánxunbi ca asérabi uisai ꞌiti cara quixun upí oquin ꞌunánima.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

1 Corintios 8:7

Usa ꞌaínbi ca axa Jesúsmi catamëcë uni raírinën —unían rabinuxun ꞌacë ñu ax ca ñuishi ꞌaish anu nun rabiti dios, ama ꞌicë —quixun upí oquin ꞌunaníma. ꞌUnánquinma ca usabi oquin unin ꞌacë ñu rabicë ꞌixun, Jesucristomi catamëquinbi a ñu rabiquin ñuina rëxun aín nami piia. Piquinbi ca —unían a ñu rabiquin rëcë ñuina nami pi sapi cana ꞌucha —quixun sinania.

Efesios 4:16

Nun namicama amanu amanu ꞌaish nun mëcën, nun taë, nun pëñan, nun bëru, acama upiti tacáshquiama ꞌaish cananuna unima ꞌitsían. Usa ꞌaíshbi ca uni camabi aín namia upiti unia ꞌain, asábi ꞌicën. Usaribiti ca axa Jesucristomi catamëcë unicamax amanu amanu sinánquinma Cristonën ꞌaquincëx camaxunbi bëtsin sináncësa oquin sináncë ꞌiti ꞌicën. Usai ꞌi ca Cristonëx cuëëncësabi oi bëtsibë bëtsibë nuibanani, an sináncësaribi oquin sinani Cristosaribi ꞌia.

Colosenses 2:18

Atúnbi ca —ꞌëx asama ꞌixun cana Nucën Papa Diosma ángelcamaishi rabiti ꞌai —quixun sinánquin atúnbi sináncë ñu ñui rabíquin unicana bana ñuixunia. Usa ꞌain camina Cristonan ꞌiti ëntin rabanan atúan mitsu ñuixuncë bana a tantima ꞌain.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.

Apocalipsis 2:20

Mitsúxmi usa ꞌicëbi cana ësaquin mitsu cain. Bëráma ca Jezabal ax ꞌatima xanu ꞌaíshbi judíos unicaman ꞌapu ꞌiacëxa. Usaribi oquin ca micamáxmi timë́cëbëtan achúshi xanu ꞌatimanën bana ñuixunia. An isa Nucën Papa Dios quicë bana unicama ñuixunia quiquinbi ca axa ꞌëmi sináncë unicama parania. Paránquin ca aín xanuma ꞌaínbia uni xanu itsibë ꞌiti ca asábi ꞌicë quixun ꞌunánmianan ñu ax isa dios ꞌicë quixuan unin cacë a rabiquin ñuina rëcë piti isa asábi ꞌicë quixun unicama ꞌunánmia. An usaquin ꞌatima ñu ꞌanun uni ꞌunánmiabi camina isëshitin.