1 Corintios 7:6 - Kashibo-Kakataibo Biblia

⁶ Unían asérabi xanu binun quixun cana ꞌën caiman. Biisa tanquin ca biti ꞌicën.

Nukën 'Ibu Diosan ain unikama 'inan ain bana

⁶ Unían asérabi xanu binun quixun cana 'ën caiman. Biisa tanquin ca biti 'icën.

1 Corintios 7:6 ပူးပေါင်းရင်းမြစ်များ

1 Corintios 7:10

Bënëñu xanu ñuiquin cana ësaquin cain, an ca aín bënë ëntima ꞌicën. ꞌËn sinanënbi caquinma cana Nucën ꞌIbu Jesusan sinánmicëxun usaquin cain.

1 Corintios 7:12

Ënë banaribi ñuiquin cana Nucën ꞌIbu Jesusan ꞌë sinánmicëma, ꞌënbi sinánquin, ësaquin mitsu cain: axa Jesucristomi catamëcë unin ca aín xanúxa Jesucristomi catamëcëma ꞌaíshbi abë upí ꞌixun ëinsama tancëxun ëntima ꞌicën.

1 Corintios 7:25

Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

1 Corintios 7:40

Usa ꞌaínbi ca ꞌën sináncëx bënëñu ꞌaish ꞌicësamairai bënëñuma ꞌaish chuámarua tani cuëënti ꞌicën. ꞌËn sináncëxun ca Nucën Papa Diosan Bëru Ñunshin Upitan usaquin ꞌë sinánmiaxa.

2 Corintios 11:17

Nucën ꞌIbu Jesucristonën ca rabiacanun ꞌë cacëma ꞌicën. Sinánñuma uni ꞌicësaishi cana rabiacatin.

2 Corintios 8:8

Usoquin ꞌati cuëënquinmabimi ꞌanun quixun cana mitsu caiman. Macedonianu ꞌicë unicaman ca cuëënquin axa Jerusalénuax Jesucristomi catamëcë unicama curíqui ꞌinania quixunmi ꞌunánun quixuinshi cana mitsu can. Usoquin ꞌunánquin camina ꞌunánti ꞌain, caramina asérabi Jerusalénu ꞌicë unicama nuibati ꞌai quixun.