1 Corintios 7:38 - Kashibo-Kakataibo Biblia

³⁸ Usa ꞌain ca unin aín bëchicë bënumiti asábi ꞌicën. ꞌImainun ca unían aín bëchicë bënumitima ax asábiira ꞌicën.

Nukën 'Ibu Diosan ain unikama 'inan ain bana

³⁸ Usa 'ain ca unin aín bëchicë bënumiti asábi 'icën. 'Imainun ca unían aín bëchicë bënumitima ax asábiira 'icën.

1 Corintios 7:38 ပူးပေါင်းရင်းမြစ်များ

Mateo 5:32

Usaía Moisésnën cuënëo bana quicë ꞌaínbi cana ꞌën mitsu cain, an aín xanúxa uni itsibë ꞌicëmabi ëncë unin ca a xanumi ꞌuchaquin a ꞌaisama xanu ꞌicësai ꞌinun ꞌimia. Usaribiti ca an uni itsin ëncë xanu bicë uni ax ꞌuchaia, uni itsin xanubë ꞌicësaribiti.

1 Corintios 7:26

Axa ami catamëcëma unicaman ca axa Jesucristomi catamëcë unicama ami nishquin bëtsi bëtsi oia. Usaquian ꞌacëx cananuna upitax bucuiman. Usa ꞌain ca ꞌën sináncëx, xanuñuma uni ax usabi ꞌiti ꞌicën, bënëñuma xanu axribi ca usabi ꞌiti ꞌicën.

1 Corintios 7:37

Usa ꞌaínbi ca uni itsin upí oquin sinánxun, aín bëchicë xanu bënumisama tanquin axribia bënutisama tania, a bënumitima ꞌicën. Usaía ꞌiti ca asábi ꞌicën.

1 Corintios 7:39

Bënëñu xanu an ca usai uni ꞌiti quicësabi oquin, bamacëma ꞌicë aín bënë ëntima ꞌicën. Aín bënë bamacëbë cuni ca ꞌiisa tani bënuti ꞌicën, Nucën ꞌIbu Jesús cuëëncëbë.

1 Corintios 7:8

Ësaquin cana mitsu cain, xanuñuma unin xanu bitima ca asábi ꞌicën, ꞌëx ꞌicësaribiti. ꞌImainun ca bënëñuma xanu ꞌimainun casunamëcë xanu bënutima asábi ꞌicën.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.