1 Corintios 7:34 - Kashibo-Kakataibo Biblia

³⁴ Usaribi oquin ca bënëñuma xanun Nucën Papa Diosan iscëxun ñu upíshi ꞌati sinánan aín sinan upí ꞌixun Nucën ꞌIbu Jesús cuëëncësa oquinshi ꞌati sinania, ax cuëëntanun. Usa ꞌaínbi ca bënëñu xanu an ënë nëtënu ꞌicë ñuishi sinania, aín bënë cuëëntanun.

Nukën 'Ibu Diosan ain unikama 'inan ain bana

³⁴ Usaribi oquin ca bënëñuma xanun Nucën Papa Diosan iscëxun ñu upíshi 'ati sinánan aín sinan upí 'ixun Nucën 'Ibu Jesús cuëëncësa oquinshi 'ati sinania, ax cuëëntanun. Usa 'aínbi ca bënëñu xanu an ënë nëtënu 'icë ñuishi sinania, aín bënë cuëëntanun.

1 Corintios 7:34 ပူးပေါင်းရင်းမြစ်များ

Juan 10:13

An carnero upí oquin bërúanti sinánquinma curíqui binuxuinshi ñu mëëcë uni, ax ca carnerocaman rabanan nëëtima abatia.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

1 Corintios 6:20

Nucën Papa Diosan ca mitsúxmi ainainshi ꞌiti oquin aín Bëchicë bamati oquin mëníocëxa. Ainan ꞌaish camina mitsux cuëëncësa oi ꞌima ax cuëëncësabi oíshi ꞌiti ꞌain. Usa ꞌixun camina mitsun nami ꞌimainun mitsun sinan upí ꞌixun Nucën Papa Dios cuëëncësa oquinshi ñu ꞌati ꞌain. Usaími mitsux ꞌia isquin ca raírinën —upí ca Nucën Papa Dios ꞌicë —quixun ꞌunánti ꞌicën.

1 Corintios 7:33

Usa ꞌaínbi ca xanuñu uni an ënë nëtënu ꞌicë ñuñu ꞌiti sinania, aín xanu cuëëntanun.

1 Corintios 7:35

Mitsu ënë nëtënu ꞌicë ñucama ꞌaisamaira sinánxma ꞌinun caquin cana mitsu masá nuitumitisama tanin. Mitsúxmi chuámarua ꞌiti cupíshi cana usaquin mitsu can, mitsúxmi bëtsi ñumi sinanima Nucën ꞌIbu Jesús cuëëncësabi oíshi ꞌi cuëënun.

2 Corintios 11:28

Ënë ñucama ꞌimainun cana camabi nëtën, camabi ëmanu ꞌicë axa Jesucristomi catamëcë unicama cara asérabi Jesucristomi catamëtia quixun sinani bënëtin.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

1 Tesalonicenses 5:23

Nucën Papa Dios, an nu bënëtima chuámarua ꞌimiti, an mitsu upíshi ꞌinun ꞌimianan mitsun sinan, mitsun nuitu ꞌimainun mitsun namíxbia uisa ꞌuchañumabi ꞌinun mitsu ꞌimiti cana cuëënin, utëcënquian Nucën ꞌIbu Jesucristonën usa ꞌicë mitsu isti cupí.

1 Timoteo 3:5

Aín xubunu ꞌicë aín aintsicama upí ꞌinun bërúanti ꞌunáncëma ꞌixun ca unin axa Jesucristomi catamëcë unicama upí ꞌinun bërúantima ꞌicën.

1 Timoteo 5:5

An ñu ꞌaquinti ꞌaíma ꞌain ca xanu casunamëcënëx Nucën Papa Diosmishi catamëtia. Usa ꞌaish nëtë́nbi, imë́bi ëníma abë banaquin ca Nucën Papa Dios raíri uni ñucáxunia.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.