1 Corintios 7:29 - Kashibo-Kakataibo Biblia

²⁹ ꞌËn xucë́antu, ësaquin cana mitsu caisa tanin, xënibuirai cananuna tsótima ꞌain. Usa ꞌain ca uni xanuñu ꞌaíshbi xanuñumasa ꞌiti ꞌicën.

Nukën 'Ibu Diosan ain unikama 'inan ain bana

²⁹ 'Ën xucë́antu, ësaquin cana mitsu caisa tanin, xënibuirai cananuna tsótima 'ain. Usa 'ain ca uni xanuñu 'aíshbi xanuñumasa 'iti 'icën.

1 Corintios 7:29 ပူးပေါင်းရင်းမြစ်များ

2 Samuel 19:34

ꞌAínbi ka Barzilainën kakëxa: —ꞌËx kana ꞌitsama baritiashi tsóti ꞌain, usa ꞌain kana mibë Jerusalénnu kuantima ꞌain,

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Lucas 14:20

Bëtsi unin ca caxa: Cana mibë cuanti ꞌain, ꞌaínbi cana xanu bitsin. Usa ꞌaish cana mibë cuantima ꞌain.

1 Corintios 7:28

Unin xanu biti, ax ca ꞌuchama ꞌicën. Usaribiti ca xanu bënuti ax ꞌuchama ꞌicën. Usa ꞌaínbi ca an xanu bicë uni ꞌimainun axa bënucë xanu, ax an Nucën Papa Diosan bana cuacëma unicaman ꞌatimocëx ꞌaisamaira tëmërati ꞌicën, an xanu bicëma uni ꞌimainun bënucëma xanu ꞌicësamaira oi.

1 Corintios 7:30

Axa rarumacë uni an ca aín rarumatishi sinántima ꞌicën. Axa bëtsi unicamabë timë́ax cuëëncë unicamax ca axa cuëëncëma unicamasaribi ꞌiti ꞌicën. An ñu bicë uni axribi ca ñuñu ꞌaíshbi ñuñumasa ꞌiti ꞌicën.

1 Corintios 7:31

Ënë nëtënuanu iscë ñu ënëx ca cëñutia. Usa ꞌain ca ënë nëtënuxuan an ñu bicë uni ax ñu bicëma unisa ꞌiti ꞌicën.

1 Pedro 1:24

Nucën Papa Diosan bana cuënëo ca ësai quia: Basix ca upí ꞌitancëxbi chushia. Ro uax ca upíira ꞌitancëxbi tiriqui nëtëtia. Usaribiti ca camabi uni bamai aín upí nëtëtia.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

1 Juan 2:17

Mecama ꞌimainun anu ꞌicë ñucamaxribi ca cëñúti ꞌicën. ꞌImainun ca ñunshínquian unin a ꞌatishi sináncë ñu ꞌatimacamaxribi cënúti ꞌicën. Usa ꞌaínbi ca axa Nucën Papa Dios cuëëncësabi oi ꞌicë unicama xënibua ꞌaínbi abë ꞌiti ꞌicën.