1 Corintios 7:25 - Kashibo-Kakataibo Biblia

²⁵ Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

Nukën 'Ibu Diosan ain unikama 'inan ain bana

²⁵ Nucën 'Ibu Jesusan sinánmicëma 'ëxbi cana, bënëñuma xanu 'imainun xanuñuma uni ñuiquinmi mitsun 'ë ñucácë a ñui ësai quin, Nucën 'Ibu Jesusan aín bana unicama ax cuëëncësabi oquin ñuixunti 'imicë 'aish.

1 Corintios 7:25 ပူးပေါင်းရင်းမြစ်များ

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 4:2

Uinu ꞌicë unin cara uni ñu mëëxunia an ca —upí oquin ca ñu mëëxunia —quixuan an ñu mëëmicë unin ꞌunánun upí oquin ñu mëëti ꞌicën. Usaribi ca an Nucën Papa Diosan bana ñuixuncë uni ꞌiti ꞌicën.

1 Corintios 7:10

Bënëñu xanu ñuiquin cana ësaquin cain, an ca aín bënë ëntima ꞌicën. ꞌËn sinanënbi caquinma cana Nucën ꞌIbu Jesusan sinánmicëxun usaquin cain.

1 Corintios 7:12

Ënë banaribi ñuiquin cana Nucën ꞌIbu Jesusan ꞌë sinánmicëma, ꞌënbi sinánquin, ësaquin mitsu cain: axa Jesucristomi catamëcë unin ca aín xanúxa Jesucristomi catamëcëma ꞌaíshbi abë upí ꞌixun ëinsama tancëxun ëntima ꞌicën.

1 Corintios 7:28

Unin xanu biti, ax ca ꞌuchama ꞌicën. Usaribiti ca xanu bënuti ax ꞌuchama ꞌicën. Usa ꞌaínbi ca an xanu bicë uni ꞌimainun axa bënucë xanu, ax an Nucën Papa Diosan bana cuacëma unicaman ꞌatimocëx ꞌaisamaira tëmërati ꞌicën, an xanu bicëma uni ꞌimainun bënucëma xanu ꞌicësamaira oi.

1 Corintios 7:34

Usaribi oquin ca bënëñuma xanun Nucën Papa Diosan iscëxun ñu upíshi ꞌati sinánan aín sinan upí ꞌixun Nucën ꞌIbu Jesús cuëëncësa oquinshi ꞌati sinania, ax cuëëntanun. Usa ꞌaínbi ca bënëñu xanu an ënë nëtënu ꞌicë ñuishi sinania, aín bënë cuëëntanun.

1 Corintios 7:40

Usa ꞌaínbi ca ꞌën sináncëx bënëñu ꞌaish ꞌicësamairai bënëñuma ꞌaish chuámarua tani cuëënti ꞌicën. ꞌËn sináncëxun ca Nucën Papa Diosan Bëru Ñunshin Upitan usaquin ꞌë sinánmiaxa.

1 Corintios 7:6

Unían asérabi xanu binun quixun cana ꞌën caiman. Biisa tanquin ca biti ꞌicën.

2 Corintios 11:17

Nucën ꞌIbu Jesucristonën ca rabiacanun ꞌë cacëma ꞌicën. Sinánñuma uni ꞌicësaishi cana rabiacatin.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.