1 Corintios 7:21 - Kashibo-Kakataibo Biblia

²¹ Mixmi an uni ñu mëëxuncë uni ꞌicë Nucën Papa Diosan ainan ꞌimicëxun camina bënë́quinma min ꞌacësabi oquin an mi ñu mëëmicë uni ñu mëëxunti ꞌain. Usa ꞌaínbi camina an mi ꞌaisa tanquin chiquíncëx anuax cuanti ꞌain.

Nukën 'Ibu Diosan ain unikama 'inan ain bana

²¹ Mixmi an uni ñu mëëxuncë uni 'icë Nucën Papa Diosan ainan 'imicëxun camina bënë́quinma min 'acësabi oquin an mi ñu mëëmicë uni ñu mëëxunti 'ain. Usa 'aínbi camina an mi 'aisa tanquin chiquíncëx anuax cuanti 'ain.

1 Corintios 7:21 ပူးပေါင်းရင်းမြစ်များ

Lucas 12:29

Añu ñu caramina piti ꞌain, añu ñu caramina xëati ꞌai quixun camina bënëti masá nuituquin sinántima ꞌain.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

1 Corintios 12:13

Nux Cristonën uni ꞌaish cananuna ësa ꞌain: raírinëx judíos uni ꞌimainun raírinëxribi axa griego bana banacë uni ꞌimainun raírinëxribi an ñu uni mëëxuncë uni ꞌimainun cananuna raírinëxribi an uni ñu mëëxuncëma uni ꞌain. Usa ꞌaíshbi cananuna nucamax Nucën Papa Diosan Bëru Ñunshin Upitan sinánmicë ꞌianan Cristonan ꞌaish achúshisa ꞌain. Abënu ꞌinun ca Nucën Papa Diosan aín Bëru Ñunshin Upí nucama ꞌinánxa.

1 Corintios 7:20

Uisai cara Nucën Papa Diosan ainan ꞌinun ꞌimicëma pain ꞌaish ꞌiaxa, usaíbi ca ainan ꞌaish uni ꞌiti ꞌicën.

1 Corintios 7:22

Uni an uni ñu mëëmicë uninan ꞌixun ca aín ꞌibu cuëëncësabi oquin ꞌaia. Usa ꞌaíshbi ca Nucën ꞌIbu Jesucristonën ainan ꞌinun ꞌimicë ꞌixun a unin an ñu mëëmicë uni ñu mëëxuníbi, Nucën ꞌIbu Jesucristomi catamëcë ꞌixun upí oquin ꞌacë ꞌaish, abi ꞌaxuncësa ꞌia. Usaribi oquin ca uni an uni ñu mëëxuncëma a Nucën Papa Diosan ainan ꞌinun Cristomi sinánmicë ꞌixun, ax aín bamati nëtë sënë́ntamainun Cristonën uni ꞌixun ax cuëëncësabi oquinshi ꞌaia.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Filipenses 4:11

Usa ꞌain cana uni ucëbëmabi asábi ꞌian. Ñuñu ꞌaish ꞌicësaribiti cana ñuñuma ꞌaíshbi bënëtiman.

Filipenses 4:6

Usa ꞌain camina uisa ñu cara ꞌicëbëbi bënë́tima ꞌain. Bënë́quinma camina abë banaquin Nucën Papa Dios a ñucama ñuiquin cati ꞌain. An mitsu ꞌaquinun ñucáquin camina ami catamëquin —asábi ca —quixun rabiquin cati ꞌain.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

1 Pedro 5:7

Uisaquin sinani caramina masá nuituti, añu ñu sinani caramina racuëti, a ñuiquin camina Nucën Papa Dios cati ꞌain, an ca mitsu nuibaquin bërúanquin ꞌaquinia quixun ꞌunánquin.