1 Corintios 7:2 - Kashibo-Kakataibo Biblia

² Usa ꞌaínbi ca camabi unin xanu cuëënia. Usa ꞌain ca xanu itsi cuëënti rabanan camabi uni xanuñu ꞌiti ꞌicën, camabi xanúxribi ca bënëñu ꞌiti ꞌicën.

Nukën 'Ibu Diosan ain unikama 'inan ain bana

² Usa 'aínbi ca camabi unin xanu cuëënia. Usa 'ain ca xanu itsi cuëënti rabanan camabi uni xanuñu 'iti 'icën, camabi xanúxribi ca bënëñu 'iti 'icën.

1 Corintios 7:2 ပူးပေါင်းရင်းမြစ်များ

Malaquías 2:14

¿Usa ꞌaínbi kamina mitsux ñukákananin kin uisa kupín kara Diosan nun ꞌinainshikë ñu bitsima kikanin? Diosan ka bëná ꞌixunmi mitsun biti xanu usakin kana mi ñu ꞌaxunti ꞌai kixun ká ꞌixunbi ꞌaxunkëma a ꞌunánxa. ¡Abëmi ꞌikë xanu ꞌikë kamina mitsun ꞌën kana mi uisabi otima ꞌai kixun kakën!

Mateo 5:32

Usaía Moisésnën cuënëo bana quicë ꞌaínbi cana ꞌën mitsu cain, an aín xanúxa uni itsibë ꞌicëmabi ëncë unin ca a xanumi ꞌuchaquin a ꞌaisama xanu ꞌicësai ꞌinun ꞌimia. Usaribiti ca an uni itsin ëncë xanu bicë uni ax ꞌuchaia, uni itsin xanubë ꞌicësaribiti.

1 Corintios 6:18

Usa uni ꞌimainun usa xanumi camina ꞌunánti ꞌain. Aín xanu ꞌaímabi xanu itsibë ꞌicë uni ꞌimainun xanúxmabi uni itsibë ꞌicë uni an ca abi aín namibi ꞌuchoquin ꞌatimamia. Ñu raíri ꞌaisama ꞌaquinbi ca unin usoquin aín nami ꞌuchoima.

1 Corintios 7:1

Mitsúnmi ꞌë quirica bëmiquin ñucácë banacama a ñuiquin cana ësaquin mitsu cain, unin xanu bitima ca asábi ꞌicën.

1 Corintios 7:3

Nucën Papa Diosan mëníosabi oi ca uni aín xanubë ꞌiti ꞌicën. Usaribiti ca xanu aín bënëbë ꞌiti ꞌicën.

1 Corintios 7:9

Usa ꞌaínbi ca xanuñuma ꞌiti tënëtisama tanquin unin xanu biti ꞌicën, xanúxribi ca bënëñuma ꞌiti tënëtisama tani bënuti ꞌicën.

Efesios 5:28

Cristonëan aín unicama nuibaquin bërúancësaribi oquin ca unin aín xanu nuibati ꞌicën. Uinu ꞌicë uníxbi ca aín namimi nishima. Usaribi oquin ca unin ami nishquinma aín xanu nuibati ꞌicën. An aín xanu nuibaquin bërúancë uni ax ca axbi bërúancacësa ꞌicën.

Efesios 5:33

Usa ꞌaínbi cana mitsu cain, min namimi bërúancësaribi oquin camina mitsun xanuribi nuibaquin bërúanti ꞌain. Usaribi oquin ca xanúnribi ami sinánquin aín bënën bana cuati ꞌicën.

1 Tesalonicenses 4:4

Ax ca cuëënia, mitsúnmi xanu bitancëxun masóquinma abë nuibananquin upí oxun ꞌiquinti.

1 Timoteo 4:3

A unicamax ca axa Nucën Papa Diosmi catamëcë unicaman isa xanu bitima ꞌicë quianan bëtsi bëtsi ñuribi pitima ꞌicë quiax quia, an ꞌináncëxun aín unicama an aín bana ꞌunáncë ꞌixun a —asábi ca —caquin piti oquian camabi ñu Nucën Papa Diosan unio ꞌaínbi.