1 Corintios 7:17 - Kashibo-Kakataibo Biblia

¹⁷ Nucën ꞌIbu Dios cuëëncësabi oi camina a nëtë́an an mitsu ainan ꞌimicë, usaíbi ꞌiti ꞌain. Usoquin cana camabi ëmanu ꞌicë axa Jesucristomi catamëcë unicama cain.

Nukën 'Ibu Diosan ain unikama 'inan ain bana

¹⁷ Nucën 'Ibu Dios cuëëncësabi oi camina a nëtë́an an mitsu ainan 'imicë, usaíbi 'iti 'ain. Usoquin cana camabi ëmanu 'icë axa Jesucristomi catamëcë unicama cain.

1 Corintios 7:17 ပူးပေါင်းရင်းမြစ်များ

Mateo 19:12

Bëtsi bëtsi unin ca aín nami ꞌaisama cupí bacë bëchima, usa ꞌixun ca xanu bitsima. Bëtsi bëtsi unin ca uni itsían axa bëchicëñuma ꞌinun mëníocë ꞌixun xanu bitsima. Bëtsi bëtsi unin ca Nucën Papa Diosmishi sinánquin aín bana quicësabi oquin upí oquin ꞌanuxun xanu bitsima. Usa cupía axa xanuñuma ꞌiisa tancë uni ax xanuñuma ꞌiti ca asábi ꞌicën.

1 Corintios 10:32

Usoquin camina uinu ꞌicë unibi, judíos uni ꞌimainun judíosma uniribi, ꞌimainun axa Jesucristomi catamëcë unicamaribi, Nucën Papa Diosmi ꞌuchati sinánmitima ꞌain.

1 Corintios 11:16

Axa ënë bana cuati cuëbicanáncë unicama cana cain, usai ca xanu ꞌiti ꞌicë quixun cananuna camabi uni cain. Axa Jesucristomi catamëcë unicama timë́cëcamanribi ca —usai ca ꞌiti ꞌicë —quixun sinania.

1 Corintios 11:34

Usai ꞌiimi upiti timëtiama isquian Nucën Papa Diosan mitsu castícanti rabanan camina panancë ꞌixun mitsun xubunuxun piti ꞌain. Usa ꞌain cana mitsu isi cuanxun uisai caramina ꞌicani, a mitsu mëníoxunti ꞌain.

1 Corintios 16:1

Axa Jesucristomi catamëcë unicama curíqui ꞌinánti ñuiquinmi ꞌë ñucácëxun cana mitsu cain, ꞌën Galacia menu ꞌicë unicama cacësabi oquin camina mitsúnribi curíqui ꞌinánti ꞌain.

1 Corintios 4:17

Mitsúxmi ꞌëx ꞌicësaribiti ꞌinun cana Timoteo mitsu istánun xuan. ꞌËn bana ñuia cuati axribi asérabi Nucën ꞌIbu Jesucristomi catamëcë ꞌaish ca ꞌën nuibacë bëchicësa ꞌicën. Mitsunu cuanxun ca uisai carana ꞌëx Jesucristomi catamëcë ꞌaish ꞌi, a mitsu ñuixunti ꞌicën. Camabi ëmanuaxa timë́cë axa Jesucristomi catamëcë unicama a cana usai cana ꞌëx Jesucristomi catamëti ꞌi quixun ꞌunánmin.

1 Corintios 7:18

Ënëx ca ësa ꞌicën. Mitsux judíos uni ꞌicë Nucën Papa Diosan Jesúsmi catamënun sinánmicëx camina mitsux judíos unicama ꞌicësaribiti ꞌunánti ocë ꞌaish usabi ꞌiti ꞌain. Usaribiti mitsux judíosma uni ꞌaish Jesúsmi catamëti ami sinántancëx camina judíos uni ꞌicësaribiti ꞌinux ꞌunánti oracatima ꞌain.

1 Corintios 7:24

ꞌËn xucë́antu, cana mitsu catëcënin, uisai caramina Nucën Papa Diosan Jesucristomi sinánmicëma pan ꞌaish ꞌia, usabii camina ꞌiti ꞌain, Nucën Papa Dios cuëëncësabi oi.

1 Corintios 7:7

ꞌËn sináncëx ca camabi uni ꞌësaribi xanuñuma ꞌiti asábi ꞌicën. Usa ꞌaínbi ca Nucën Papa Diosan achúshi achúshi uni, xanuribi, uisai cara ꞌiti ꞌicë quixun mëníoia.

2 Corintios 11:28

Ënë ñucama ꞌimainun cana camabi nëtën, camabi ëmanu ꞌicë axa Jesucristomi catamëcë unicama cara asérabi Jesucristomi catamëtia quixun sinani bënëtin.

2 Corintios 8:18

Bëtsi uniribi —an ca upí oquin Cristo ñuiquin bana ñuixunia —quixuan camabi ëmanuxun ꞌunáncancë, aribi cananuna Titobë cuanun xutin.

Gálatas 1:22

Usa ꞌain ca Judea menu ꞌicë ëmacamanu ꞌicë axa Jesucristomi catamëcë unicaman ꞌë ꞌunánma ꞌicën.

1 Tesalonicenses 2:14

Nucën xucë́antu, mitsux camina Judea menuaxa Jesucristomi catamëti Nucën Papa Diosan unicamax ꞌicësaribi ꞌain. Acama ca aín aintsi ꞌixunbi judíos unicaman bëtsi bëtsi ocëxa. Usaribi oquin ca mitsuribi mitsun aintsinbi bëtsi bëtsi oxa.

2 Tesalonicenses 1:4

A rabianan cananuna camabi ëmanuxun axa Jesucristomi catamëcë unicamaxa timë́cë mitsu ñuiquin ësaquin cain, mitsux camina unían ubíonan bëtsi bëtsi ocëx tëmëraquinbi tanshianan, uisa ñu cara ꞌicëbëtanbi ëníma Jesucristomi catamëti quixun.