1 Corintios 7:10 - Kashibo-Kakataibo Biblia

¹⁰ Bënëñu xanu ñuiquin cana ësaquin cain, an ca aín bënë ëntima ꞌicën. ꞌËn sinanënbi caquinma cana Nucën ꞌIbu Jesusan sinánmicëxun usaquin cain.

Nukën 'Ibu Diosan ain unikama 'inan ain bana

¹⁰ Bënëñu xanu ñuiquin cana ësaquin cain, an ca aín bënë ëntima 'icën. 'Ën sinanënbi caquinma cana Nucën 'Ibu Jesusan sinánmicëxun usaquin cain.

1 Corintios 7:10 ပူးပေါင်းရင်းမြစ်များ

Mateo 5:32

Usaía Moisésnën cuënëo bana quicë ꞌaínbi cana ꞌën mitsu cain, an aín xanúxa uni itsibë ꞌicëmabi ëncë unin ca a xanumi ꞌuchaquin a ꞌaisama xanu ꞌicësai ꞌinun ꞌimia. Usaribiti ca an uni itsin ëncë xanu bicë uni ax ꞌuchaia, uni itsin xanubë ꞌicësaribiti.

Marcos 10:2

Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Unin aín xanu ënti cara asábi ꞌic?

Lucas 16:18

An aín xanu ënxun xanu itsi bicë uni ax ca ꞌuchaia, aín xanuma ꞌaínbi xanu itsibë ꞌia ꞌicësaribiti. ꞌImainun ca an uni itsin ëncë xanu bicë uni axribi ꞌuchaia, uni itsin xanubëa ꞌicësa ꞌaish.

1 Corintios 7:11

Aín bënë ënquinbi ca xanun uni itsi bitima ꞌicën. Biisa tanquin ca aín bënë bitëcënti ꞌicën. Usaribi oquin ca unin aín xanu ëntima ꞌicën.

1 Corintios 7:12

Ënë banaribi ñuiquin cana Nucën ꞌIbu Jesusan ꞌë sinánmicëma, ꞌënbi sinánquin, ësaquin mitsu cain: axa Jesucristomi catamëcë unin ca aín xanúxa Jesucristomi catamëcëma ꞌaíshbi abë upí ꞌixun ëinsama tancëxun ëntima ꞌicën.

1 Corintios 7:15

Usa ꞌaínbi ca axa Jesúsmi catamëcëma unin aín xanu Jesúsmi catamëcë ꞌicë ëinsa tanquin ënti ꞌicën. Usaía ꞌicëxbi ca aín xanun ꞌuchama ꞌicën. Usaribi oquin ca axa Jesúsmi catamëcëma xanun aín bënë Jesúsmi catamëcë ꞌicë ëinsa tanquin ënti ꞌicën. Usaía ꞌicëxbi ca aín bënën ꞌuchama ꞌicën. Nucën Papa Dios ca nuxnu nun xanubë ꞌatimonani cuëbícanani tsoti cuëënima.

1 Corintios 7:25

Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

1 Corintios 7:40

Usa ꞌaínbi ca ꞌën sináncëx bënëñu ꞌaish ꞌicësamairai bënëñuma ꞌaish chuámarua tani cuëënti ꞌicën. ꞌËn sináncëxun ca Nucën Papa Diosan Bëru Ñunshin Upitan usaquin ꞌë sinánmiaxa.

1 Corintios 7:6

Unían asérabi xanu binun quixun cana ꞌën caiman. Biisa tanquin ca biti ꞌicën.