1 Corintios 6:9 - Kashibo-Kakataibo Biblia

⁹ ¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

Nukën 'Ibu Diosan ain unikama 'inan ain bana

⁹ ¿Aín nëtënu abë 'iisa 'aíshbi ca an ñu 'aisama 'acë uni aín nëtënu Nucën Papa Diosbë 'itima 'icë quixun caramina 'unaniman? Camina 'unánti 'ain, ainanmabi xanu cuëëncë unicama 'imainun an Nucën Papa Diosmi sinánquinma unin 'acë ñu rabicë unicama 'imainun aín xanuma 'aínbi bëtsi unin xanubë 'icë uni 'imainun xanúxmabi uni itsibë 'icë uni,

1 Corintios 6:9 ပူးပေါင်းရင်းမြစ်များ

Génesis 19:5

usai ꞌikin ka munuma sharati kushin banakin Lot kakëxa: —¿Uinu kara mibëa ënë ñantan min xubunu ukë uni rabë́ ax ꞌik? ¡Kamina chikínti ꞌain! ¡Atubë kananuna ꞌisatanin ënë imë́ kamina nu bëxúnti ꞌain!

Proverbios 7:27

Uinu ꞌikë unikamax kara aín xubunu atsínia, ax ka aín ñuti baria anu kuankë ꞌikën.

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Ezequiel 18:11

usakin ꞌakin ka aín papan ꞌasama okin ñu ꞌakë ꞌiti ꞌikën, usa ꞌixun ka anuxua unikaman aín dios rabikin piti ꞌaxun pikë matá me anu anribi atubëtan rabi kuania kuanxun ka anuxun bëtsi uni aín xanu bikuania,

Levítico 19:15

Unin mix ꞌapu aín bëtsi unibëtan bana mëníoxun kakëxun kamina kana ꞌaima kakinma an ñu ꞌakë ëanan, an ñu ꞌakëma a tëmëratanun ꞌatima otima ꞌain, uisa ñu kara ꞌaxa kixun pain istankëxun kamina a rabë́bi tëmëramiti ꞌain.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Lucas 21:8

Usaquin ñucácëxun ca Jesusan anun ax utëcënti nëtë ñuixunquin ësaquin cacëxa: —ꞌItsa unix ca: ꞌËx cana Cristo ꞌai, quianan: Jesús utëcë́nti nëtë ca uaxa quiax quiti ꞌicën. Usai quiquian mitsu paránti rabanan camina bërúancati ꞌain. Aín banax ca asérabi ꞌicë quixun camina sinántima ꞌain.

Hechos 20:32

Bërí cana an bërúanun Nucën Papa Dios mitsu ñucáxunin. An ca nuibaquin mitsu ami cushinun ꞌimianan axa ami sináncë unicama ꞌimicësaribi oquin asérabi ainan ꞌaíshmi ax cuëëncësa oíshi ꞌinun mitsu ꞌimiti ꞌicën.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

Romanos 1:18

Cananuna ꞌunanin, Nucën Papa Diosan ca an aín bana quicësabi oquin ꞌaisama tancë ꞌixun bëtsi uniribi ami sinánxma ꞌinun quixun paráncë unicama, a uisa cara oti ꞌicë usoquin castícanti ꞌicë quixun.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

1 Corintios 15:50

ꞌËn xucë́antu, ësaquin cana mitsu cain, nucën nami, nucën xo, acamax ca Nucën Papa Diosan nëtënu ꞌitima ꞌicën. Aín nëtënu ꞌicë ñucamaxa chëquitima ꞌain ca chëquiti ñucamax anu ꞌitima ꞌicën.

1 Corintios 3:16

¿Mitsun caramina ꞌunaniman, anua Nucën Papa Dios ꞌicë a camina mitsux ꞌai quixun? Nucën Papa Diosan Bëru Ñunshin Upí ax ca mitsunu ꞌicën.

1 Corintios 5:1

ꞌËn cana ësoquian chanioia cuan, micama achúshinëx ismina min papan xanubë ꞌin. Usai ꞌiti ca ꞌaisama ꞌicën. An Nucën Papa Diosan bana ꞌunáncëma uníxbi ca usai ꞌima.

1 Corintios 5:10

Camabi unibë niaxma ꞌinun quixun cana mitsu caiman. Ënë nëtënu ꞌicë ñuishi sináncë unicaman ca ainanmabi xanu cuëëanan, uni itsin ñu cuëëanan, ñu mëcamanan, Nucën Papa Diosmi sinánquinma unin ꞌacë ñu rabia. Camabi menu ca usa uni ꞌicën. Usa unibubë ꞌiisa tanquinmabi camina uinu ꞌicë menuabi usa uni isíma ꞌitima ꞌain.

1 Corintios 5:11

Ësaquinshi cana mitsu caisa tanin. Axa —ꞌëx cana Jesucristomi sináncë ꞌai —quibi cëmëcë unibë camina nitima ꞌain. Jesucristonainsa quiquinbia ainanmabi xanu cuëënbëquincë uni ꞌimainun xanúxmabi uni itsibëribi ꞌicë uni ꞌimainun bëtsi unin ñu cuëëncë uni ꞌimainun Nucën Papa Diosmi sinánquinma unin ꞌacë ñu rabicë uni ꞌimainun ñuianancë uni ꞌimainun paë́ncë uni ꞌimainun mëcamacë uni, usa unibubë camina nitima ꞌain, abëtanbi camina pitima ꞌain.

1 Corintios 6:10

ꞌimainun an ñu mëcamacë uni ꞌimainun an bëtsi unin ñu cuëëncë uni, ꞌimainun axa ñuianancë uni ꞌimainun paë́ncë uni ꞌimainun an uni paránxun aín ñu bicë uni, acamax ca Nucën Papa Diosan nëtënu ꞌitima ꞌicën.

1 Corintios 6:18

Usa uni ꞌimainun usa xanumi camina ꞌunánti ꞌain. Aín xanu ꞌaímabi xanu itsibë ꞌicë uni ꞌimainun xanúxmabi uni itsibë ꞌicë uni an ca abi aín namibi ꞌuchoquin ꞌatimamia. Ñu raíri ꞌaisama ꞌaquinbi ca unin usoquin aín nami ꞌuchoima.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

1 Corintios 9:24

Camina ꞌunanin, cuai ca uni uix pain cara bëbati ꞌicë isnux, camáxbi abatia. Camáxbi abácëbëtanbi ca ax paían bëbacë ainshi ñu bitsia. Usaribiquin camina Jesucristobë tsóti sinani cuëënquin ax quicësabi oquinshi ꞌati ꞌain.

2 Corintios 12:21

Mitsu isi cuantëcënia sapi ca aín bana cuacë ꞌaíshbimi usai ꞌicancëbëtan Nucën Papa Diosan mitsu cupí ꞌë rabínmiti ꞌicë quixun cana sinanin. ꞌImainun cana sinanin, mitsu raírinën ñu ꞌaisama ꞌai mitsunanmabi xanu itsibë ꞌianan xanusa unibë ꞌianan ñunshinacëquin ñu ꞌatima ꞌaquin, a ñucama manuquin sinanacëma cupí sapi cana bëunan mëscúti ꞌai quixun.

Gálatas 6:7

Camina upí oquin ꞌunánti ꞌain, Nucën Papa Dios parani ca uni ami cuaitima ꞌicën. Ënëx ca ësa ꞌicën: An ꞌapácë ñu bëru aín bimibi ca unin biti ꞌicën.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.

Hebreos 12:16

Uni aín xanubëishi ꞌitioquin mënío ꞌain ca micama ui uníxbi aín xanuma ꞌain, xanu itsibë ꞌitima ꞌicën, bëbúxribi ca xanúxmabi uni itsibë ꞌitima ꞌicën. Nucën Papa Dios ca uni ꞌimainun xanuribi usai ꞌiti cuëënima. Usai ꞌitin rabanan camina camáxbi upí sinánñu ꞌinun ꞌaquiananti ꞌain. Esaúnën ca Nucën Papa Diosan cacë bana sinánquinma, ax rëcuën ꞌixunbi aín piti cuëëncë cupíshi aín xucën aín rëcuën ꞌimiacëxa. Ax piti cuëëncë cupía Esaú ꞌiásaribiti camina ꞌitima ꞌain.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.

Santiago 1:16

ꞌËn nuibacë xucë́antu, uinu ꞌicë unínbi paráncë camina ꞌicantima ꞌain.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.