1 Corintios 6:8 - Kashibo-Kakataibo Biblia

⁸ Usai ꞌiti asábi ꞌaínbi camina mitsun uni itsimi ꞌuchaquin aín ñu mëcamanan bëtsi bëtsi ñuribi ꞌain, abëtanmi Jesucristonën bana cuacë unibi camina usoquin ꞌain.

Nukën 'Ibu Diosan ain unikama 'inan ain bana

⁸ Usai 'iti asábi 'aínbi camina mitsun uni itsimi 'uchaquin aín ñu mëcamanan bëtsi bëtsi ñuribi 'ain, abëtanmi Jesucristonën bana cuacë unibi camina usoquin 'ain.

1 Corintios 6:8 ပူးပေါင်းရင်းမြစ်များ

Levítico 19:13

Mi rapasu ꞌikë uni kamina ꞌatima okin mëëxun ꞌain ñu bikuantima ꞌain. ꞌIanan kamina an mi ñu mëëxunkë uni pëkarakëbëtan kupíoxun kakinma a nëtënbi kupíoti ꞌain.

Miqueas 2:2

Bëtsi unin mekama kuëënkin ka atun bikuankania; usakin ꞌanan ka xubukama aribi biti kuëënkin mëkamakania. ꞌAnan ka uni ꞌimainun ꞌain ꞌaintsi ꞌibukamabi, an kasunankë ꞌain ñukama binuxun ꞌatima oia.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Mateo 20:13

Cacëxun ca an unicama ñu mëëmicë unin caxa: ꞌËn cana mi paraniman. Mibëtan mëníopuncësabi oquin cana mi cupíon.

Marcos 10:19

Uisai cara aín bana cuënëo quia quixun camina ꞌunanin. Ca quia: “Uni camina ꞌatima ꞌain. Uni itsin xanubë camina ꞌitima ꞌain. Uni itsin ñu camina mëcamatima ꞌain. Camina bëtsi unimi cëmëi manántima ꞌain. Camina uni parántima ꞌain. Min papa, min titan bana camina upí oquin cuaquin tanti ꞌain”.

Colosenses 3:25

Usa ꞌaínbi ca an ꞌaisama ñu ꞌacë uni, a aín ꞌucha cupí uisa cara oti ꞌicë usoquin Nucën Papa Diosan ꞌati ꞌicën. Usa ꞌain ca ꞌapu uni, ꞌimainun ꞌapuma uni, uisa uni cara, acamaxbi ꞌaisama ñu ꞌacë ꞌaish an ñu ꞌacë usaribi oquin castícancë ꞌiti ꞌicën.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.