1 Corintios 6:6 - Kashibo-Kakataibo Biblia

⁶ ¿Axa Jesucristomi catamëcë uníxa bëtsi ñui ami manani, axa Jesucristomi sináncëma ꞌapunu cuanti cara asábi ꞌic?

Nukën 'Ibu Diosan ain unikama 'inan ain bana

⁶ ¿Axa Jesucristomi catamëcë uníxa bëtsi ñui ami manani, axa Jesucristomi sináncëma 'apunu cuanti cara asábi 'ic?

1 Corintios 6:6 ပူးပေါင်းရင်းမြစ်များ

Génesis 45:24

Usakin ñukama ꞌinántankëxun ka Josénën kuantanun xukin aín xukë́nkama kakëxa: —Bainuax atumina kuani mëëanankanin. Kaxúan xukëx ka aín xukë́nkama rikiankëxa.

Hechos 7:26

Usoquin ꞌonx isi cuantëcënquinbi ca aín aintsi rabë́ mëëanania mëracëxa. Mëraquin ca ënananmicasquin cacëxa: ¿Uisacatsi caramina nuibananshitima min aintsibë mëëananin?

1 Corintios 6:1

Mitsux Jesucristonën uni ꞌaíshbi mibëa Jesucristomi sináncë unibë nishanantancëxun camina axa Cristomi sináncëma ꞌapumi manánquinma, mitsúnbi an Nucën Papa Diosan bana cuacë uni raíribëtan mëníoti ꞌain.

1 Corintios 6:7

An mitsubëtan Jesucristonën bana ꞌunáncë unimi manánbëquinti ax ca ꞌaisama ꞌicën. Ami manánquinmami an uisa cara mi ocëxunbi tanshiquin min ñua mëcamatiabi isëshiti ca asábi ꞌiti ꞌicën.

2 Corintios 6:14

An ñu upíshi ꞌacë unin sináncësaribi oquin ca an ñu ꞌaisama ꞌacë unicaman sinaníma. Usa ꞌain camina mitsux Jesucristomi catamëcë ꞌixun axa Jesucristomi catamëcëma unicamabëtan atun cuëëncësa oquin ñu ꞌatima ꞌain. Nëtëx ca imë́bë mëscutíma. Usaribiti ca Cristonën unicamax Cristonanma unicamabë nuianantima ꞌicën.

2 Corintios 6:15

¿Cristonën cara ñunshin ꞌatimanën ꞌapúan sináncësa oquin sinanin? Usaquin ca sinaníma. ¿Axa Cristomi catamëcë unin cara axa Cristomi catamëcëma unin sináncësaribi oquin sinanin? Usaquin ca sinaníma.

1 Timoteo 5:8

Uni ꞌimainun xanu Jesucristomi catamëcë ꞌixunbia, an aín xubunu ꞌicëcama ꞌimainun aín aintsi ꞌibucamaribi ami sinánquin ꞌaquincëma, ax ca Jesucristomi catamëcëmasa ꞌicën. Usa ꞌaish ca axa Jesucristomi catamëcëma uníxa ꞌicësamaira oi ꞌatimaira ꞌicën.