1 Corintios 6:2 - Kashibo-Kakataibo Biblia

² Jesucristo nun ꞌapu ꞌinux ucëbëtan ca aín unicaman abëtan camabi unin uisa ñu cara ꞌaxa quixun isti ꞌicën. ¿Mitsux Jesucristobë ꞌapu ꞌiti ꞌixun caramina unían bërí ꞌacë ñu ꞌunánquin mëníoxuntima ꞌain?

Nukën 'Ibu Diosan ain unikama 'inan ain bana

² Jesucristo nun 'apu 'inux ucëbëtan ca aín unicaman abëtan camabi unin uisa ñu cara 'axa quixun isti 'icën. ¿Mitsux Jesucristobë 'apu 'iti 'ixun caramina unían bërí 'acë ñu 'unánquin mëníoxuntima 'ain?

1 Corintios 6:2 ပူးပေါင်းရင်းမြစ်များ

Daniel 7:18

Usokin ꞌakë ꞌaínbi ka Dios manámi ꞌikë an kaískë unikama atúxa xënibua ꞌaínbi ꞌapu ꞌinun ꞌinánkë ꞌiti ꞌikën.

Daniel 7:22

usakin ꞌakëbëbi ukin ka uni apan ax bëbakin an ira Diosan kaískë uni ꞌakë unikama ꞌanun ꞌamiaxa, usakin ꞌatankëxun ka anuan ꞌati nëtë sënë́nkë ꞌain atúxa ꞌapu ꞌinun ꞌimiaxa.

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

Lucas 22:30

Usa ꞌixunmi ꞌën nëtënuxun ꞌëbëtan pianan, Israelnën bëchicë mëcën rabë́ ꞌimainun rabë́, aín rëbúnquicamax cara atun ñu ꞌacë cupí, uisai ꞌiti ꞌicë quixun canun cana mitsu ꞌimiti ꞌain.

Romanos 6:16

Camina upí oquin ꞌunanin, mitsun uni itsi —ꞌëx cana min uni ꞌiisa tani —quixun catancëxun camina aín uni ꞌixun ax quicësabi oquinshi ñu ꞌaxunti ꞌain. Usaribiti ca uni ñunshin ꞌatimanën ꞌapu cuëëncësa oquinshi ꞌacë ꞌaish aín uni ꞌicën. Aín uni ꞌaish ca Nucën Papa Diosbë ꞌitimoi bamati ꞌicën. Usa ꞌaínbi ca uni itsix Nucën Papa Dios cuëëncësabi oquin ꞌacë ꞌaish aín uni ꞌianan an iscëx upí ꞌicën.

1 Corintios 1:20

Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 6:4

¿Mitsux Jesucristonën uni ꞌaíshbi mibëa Jesucristomi sináncë unibë nishanantancëx caramina axa ami sináncëma uninu ami manani cuanti ꞌain?

2 Corintios 4:18

Usa ꞌixun cananuna nun bërúnbi iscë ñu ꞌaisamaira oquin sinánquinma unin iscëma ñu, uni nuibati, cëmëi banatima, upí sinánñu ꞌiti, acama sinanin. Nun bërun nu iscë ñucamax ca cëñúti ꞌicën. Usa ꞌaínbi ca unin aín bërun iscëma, nun nuitu mëúnu sináncë ñucamax, Nucën Papa Dios rabiti, uni ꞌaquinti, acamax cëñútima ꞌicën.

1 Tesalonicenses 3:13

Usoquian an ꞌaquincëxmi asérabi a ꞌinamëcë ꞌaish ami cushicë ꞌicëa, Cristo aín unicamabë utëcëncëbëtan, Nucën Papa Diosan añu ꞌuchañumabi ꞌicë mitsu isti cananuna cuëënin.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.