1 Corintios 6:13 - Kashibo-Kakataibo Biblia

¹³ Ësaía uni quicë ax ca asérabi ꞌicën: Piisa tanquin nun picë ñu ax ca nun pucunu atsíntancëxun nun nami cushioia, Nucën Papa Diosan mëníosabi oquin. Usa ꞌaínbi cananuna ënë menuxunu ꞌacësa oquin Nucën Papa Diosan nëtënu ꞌixun usa ñucama sinántëcëniman. Usa ꞌaínbi ca unin usai ꞌiti sinánquinbi tënëquin aín nami ꞌuchotima ꞌicën, aín xanuma ꞌaínbi xanu itsibë ꞌianan unix uni itsibë ꞌiquin. Unían ainan ꞌixun ax cuëëncësa oquinshi sinánun ca Nucën ꞌIbu Diosan camabi uni uniocëxa.

Nukën 'Ibu Diosan ain unikama 'inan ain bana

¹³ Ësaía uni quicë ax ca asérabi 'icën: Piisa tanquin nun picë ñu ax ca nun pucunu atsíntancëxun nun nami cushioia, Nucën Papa Diosan mëníosabi oquin. Usa 'aínbi cananuna ënë menuxunu 'acësa oquin Nucën Papa Diosan nëtënu 'ixun usa ñucama sinántëcëniman. Usa 'aínbi ca unin usai 'iti sinánquinbi tënëquin aín nami 'uchotima 'icën, aín xanuma 'aínbi xanu itsibë 'ianan unix uni itsibë 'iquin. Unían ainan 'ixun ax cuëëncësa oquinshi sinánun ca Nucën 'Ibu Diosan camabi uni uniocëxa.

1 Corintios 6:13 ပူးပေါင်းရင်းမြစ်များ

Mateo 15:17

Unían ñu aín cuëbitan picëx ca aín pucunuishi atsinia. Atsíntancëx ca amiribishi chiquitia. ¿A caramina ꞌunaniman?

Mateo 15:20

An usa ñucama ꞌacë unicama ca Nucën Papa Diosan iscëx upíma ꞌicën. Mëchucaxunma picë ꞌaíshbi aín sinan upí ꞌicë ca Nucën Papa Diosan uni upíma isima.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 6:49

Mitsun raracamax ca anu uni ꞌicëma menuxun Nucën Papa Diosan ꞌináncë maná cacë ñu pibi bamatimoi tsoóma ꞌicën.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

Romanos 6:12

Usa ꞌixun camina ꞌuchañu ꞌaish ꞌatima sinánñu ꞌixun mitsun sináncësa oquinshi ꞌaisama ñu ꞌatima ꞌain.

Romanos 7:4

ꞌËn xucë́antu, usaribi camina mitsux ꞌain. Usai uni ꞌiti bana quicësa oíshi ꞌiá ꞌaíshbi camina bërí abë axa bamaxbi baísquicë Cristo ami catamëti, aín bana quicësabi oíshi ꞌin. Usa ꞌixun camina ax cuëëncësabi oi ꞌiquin Nucën Papa Dios cuëënmin.

1 Corintios 3:16

¿Mitsun caramina ꞌunaniman, anua Nucën Papa Dios ꞌicë a camina mitsux ꞌai quixun? Nucën Papa Diosan Bëru Ñunshin Upí ax ca mitsunu ꞌicën.

1 Corintios 6:15

¿Caramina, mitsux camina Jesucristonan ꞌai quixun ꞌunaniman? ¿ꞌËx Jesucristonan ꞌaíshbi carana ꞌëx ꞌatima xanubë asaribi ꞌinux ꞌiti ꞌain? Uisa ꞌaíshbi cana ꞌitima ꞌain.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

2 Corintios 11:2

Cristonainshi ꞌinun cana mitsu aín bana ñuixuan. Usa ꞌixun cana xanúxa bëtsi unin bana cuatima aín bënën banaishi cuati ami sináncësaribi oi, mitsux bëtsi bana quicësa oíma Cristo quicësabi oíshi ꞌiti cupí, mitsu cain, Nucën Papa Diosan ꞌë sinánmicëxun.

2 Corintios 5:15

Aín unicamaxa ënë nëtënuax atux cuëëncësa oi ꞌima, ax cuëëncësabi oi ꞌinun ca Cristo, axa atu cupí bamatancëx baísquia, ax camabi unin ꞌucha cupí bamacëxa.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Efesios 5:23

Cristo ax ca an aín unicama aín ꞌucha tërë́nquin Nucën Papa Diosnan ꞌinun ië́micë a ꞌicën. An ië́micë ꞌixun ca aín unicaman aín bana cuatia.