1 Corintios 6:12 - Kashibo-Kakataibo Biblia

¹² Asérabi ca ënë bana quia, “unin ca aín cuëëncësoquin ñu ꞌati ꞌicën”. Usa ꞌaínbi cana ꞌëx upí ꞌiisa tanquin camabi ñuira ꞌatima ꞌain. Unin ca aín cuëëncësoquin ñu ꞌati ꞌicën. Usa ꞌaínbi cana unían ñunshínquin ꞌacësoquin ñu ꞌatima ꞌaisama tanin.

Nukën 'Ibu Diosan ain unikama 'inan ain bana

¹² Asérabi ca ënë bana quia, “unin ca aín cuëëncësoquin ñu 'ati 'icën”. Usa 'aínbi cana 'ëx upí 'iisa tanquin camabi ñuira 'atima 'ain. Unin ca aín cuëëncësoquin ñu 'ati 'icën. Usa 'aínbi cana unían ñunshínquin 'acësoquin ñu 'atima 'aisama tanin.

1 Corintios 6:12 ပူးပေါင်းရင်းမြစ်များ

Juan 5:10

cuania isquin ca judíos unicaman ꞌinsíncë ꞌaíshbia pëxcúcë uni cacëxa: —Ënë nëtëx ca anun ñu mëëtima nëtë ꞌicën. Ënë nëtën camina anumi racácë ñu ꞌiábiantima ꞌain.

Romanos 7:14

Cananuna ꞌunanin, a bana uisa ñu cara ꞌati ꞌicë, uisa ñu cara ꞌatima ꞌicë quicë, ax ca upí ꞌicë quixun. A bana asábi ꞌaínbi cananuna Jesucristonanma ꞌaish nun sinan ꞌaisama ꞌixun ñu ꞌatima ꞌatishi sináncën.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

1 Corintios 9:12

Nun cananuna bëtsi unin ꞌacësamaira oquin mitsu ꞌunánmian. Usa ꞌain ca bëtsi unimi ꞌináncësamaira oquin mitsun nu ñu ꞌinánti asábi ꞌitsíanxa. Usa ꞌaínbi cananuna a ñubi mitsunua bicëma ꞌain. Mitsun nun Jesucristo ñuicë bana cuaisama tanti rabanan cananuna ñuñuma ꞌixunbi mitsu ñu ñucácëma ꞌain.

1 Corintios 9:27

ꞌËn Nucën Papa Diosan bana unicama ñuixuncë ꞌixunbi ax cuëëncësabi oi ꞌima ꞌëxbi cëmëia ca an aín bana ñuiaxma ꞌinun ꞌë cati ꞌicën. Usaquian ꞌë cati rabanan cana ꞌën nami ñu ꞌatima ꞌati cuëëncëbëtanbi ꞌaíma Jesucristo cuëëncësabi oíshi ꞌin.

2 Tesalonicenses 3:9

Mitsúnmi nu cupíoquin mitsun piti ꞌimainun mitsun curíqui ꞌináncëxun nun biti ca asábi ꞌitsíanxa. Usa ꞌaínbi cananuna, mitsúnribimi nun ꞌacësaribi oquin ꞌanun, nun cuëëncë ñu binuxun nunbi ñu mëëan.

Judas 1:12

Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.