1 Corintios 6:10 - Kashibo-Kakataibo Biblia

¹⁰ ꞌimainun an ñu mëcamacë uni ꞌimainun an bëtsi unin ñu cuëëncë uni, ꞌimainun axa ñuianancë uni ꞌimainun paë́ncë uni ꞌimainun an uni paránxun aín ñu bicë uni, acamax ca Nucën Papa Diosan nëtënu ꞌitima ꞌicën.

Nukën 'Ibu Diosan ain unikama 'inan ain bana

¹⁰ 'imainun an ñu mëcamacë uni 'imainun an bëtsi unin ñu cuëëncë uni, 'imainun axa ñuianancë uni 'imainun paë́ncë uni 'imainun an uni paránxun aín ñu bicë uni, acamax ca Nucën Papa Diosan nëtënu 'itima 'icën.

1 Corintios 6:10 ပူးပေါင်းရင်းမြစ်များ

Proverbios 7:27

Uinu ꞌikë unikamax kara aín xubunu atsínia, ax ka aín ñuti baria anu kuankë ꞌikën.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Jeremías 7:11

¿Atun kara anuxun ꞌë rabiti xubu ënëx ka anua mëkama unibu bukukë ꞌikë kixun sinánkanin? ꞌËnbi kana usakin ꞌakania kamabi isan. ꞌËx Nukën ꞌIbu ꞌaish kana ësai kin.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma ꞌaísha aín pëchishi ocëxa. Usa ꞌicë isquin ca Jesusan cacëxa: —Min camina tuatëcëntima ꞌain. Usaquian cacëxëshi ca higuera i chushi xanáncëxa.

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Mateo 23:33

ꞌAtima ꞌixun uni paráncë ꞌaish camina mitsux runu an uni picë asa ꞌain, mitsun raracama ꞌiásaribiti camina ꞌin. Mitsúxmi usai ꞌicë cupí ca Nucën Papa Diosan asérabi mitsux bamaia anuaxmi tëmërati manë tsinu mitsu ꞌimiti ꞌicën.

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Hechos 20:32

Bërí cana an bërúanun Nucën Papa Dios mitsu ñucáxunin. An ca nuibaquin mitsu ami cushinun ꞌimianan axa ami sináncë unicama ꞌimicësaribi oquin asérabi ainan ꞌaíshmi ax cuëëncësa oíshi ꞌinun mitsu ꞌimiti ꞌicën.

1 Corintios 15:50

ꞌËn xucë́antu, ësaquin cana mitsu cain, nucën nami, nucën xo, acamax ca Nucën Papa Diosan nëtënu ꞌitima ꞌicën. Aín nëtënu ꞌicë ñucamaxa chëquitima ꞌain ca chëquiti ñucamax anu ꞌitima ꞌicën.

1 Corintios 5:11

Ësaquinshi cana mitsu caisa tanin. Axa —ꞌëx cana Jesucristomi sináncë ꞌai —quibi cëmëcë unibë camina nitima ꞌain. Jesucristonainsa quiquinbia ainanmabi xanu cuëënbëquincë uni ꞌimainun xanúxmabi uni itsibëribi ꞌicë uni ꞌimainun bëtsi unin ñu cuëëncë uni ꞌimainun Nucën Papa Diosmi sinánquinma unin ꞌacë ñu rabicë uni ꞌimainun ñuianancë uni ꞌimainun paë́ncë uni ꞌimainun mëcamacë uni, usa unibubë camina nitima ꞌain, abëtanbi camina pitima ꞌain.

Gálatas 5:21

ꞌImainunribi ca ꞌaia, bëtsi unin ñu cuëënti, uni ꞌati, paë́nti, picë́ntapun ꞌiti, acama. Usa ñucama ca unin aín cuëëncësa oquin ñu ꞌaquin ꞌaia. Usa ꞌain cana ën mitsu cacësaribi oquin mitsu catëcënin, usa ñua an ꞌacë unicamax ca aín unima ꞌaish Nucën Papa Diosan nëtënu abë ꞌitima ꞌicën.

Efesios 4:28

An ñu mëcamacë uni an ca usaquin ꞌatëcëntima ꞌicën. Usaquin ꞌatëcënquinma ca chiquíshquinma aín mëcënanbi upí oquin ñu mëëti ꞌicën, cupí bixun anun ñuñuma uniribi ꞌaquinti sinánquin.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

1 Pedro 4:15

Mitsua Jesucristonan cupí unin bëtsi bëtsi ocëx camina a sinani rabíntima ꞌain. Usa ꞌaíshbi camina uni ꞌacë cupí ꞌianan ñu mëcamacë cupí ꞌianan ñu ꞌatima ꞌacë cupí ꞌianan ñuianancë cupími tëmëracë a sinani rabínti ꞌain.