1 Corintios 5:8 - Kashibo-Kakataibo Biblia

⁸ Usa ꞌixun cananuna nun ꞌása oquin ꞌatimaquin sinánquinma upí oquinshi sinánan cëmë ꞌixun uni paránquinma, —nun ꞌucha tërë́ncë ꞌaíshnu Nucën Papa Diosnan ꞌinun ca Cristo bamacëxa —quixun sinánti ꞌain. Usa ꞌixun cananuna ñu ꞌaisama ꞌati sinanima asérabi Cristomishi sinani ax cuëëncësabi oíshi ꞌiti ꞌain.

Nukën 'Ibu Diosan ain unikama 'inan ain bana

⁸ Usa 'ixun cananuna nun 'ása oquin 'atimaquin sinánquinma upí oquinshi sinánan cëmë 'ixun uni paránquinma, —nun 'ucha tërë́ncë 'aíshnu Nucën Papa Diosnan 'inun ca Cristo bamacëxa —quixun sinánti 'ain. Usa 'ixun cananuna ñu 'aisama 'ati sinanima asérabi Cristomishi sinani ax cuëëncësabi oíshi 'iti 'ain.

1 Corintios 5:8 ပူးပေါင်းရင်းမြစ်များ

Salmos 32:2

Chuámarua ka uni ꞌatima ñu ꞌati sinánkëma ax ꞌikën, usa ꞌikë ka Nukën ꞌIbun a ꞌatimokin isima.

Salmos 42:4

Kixuan ꞌë kakan a sinani kana uínsaran karana ꞌëx tëmëra akama sinani anun ꞌitsaira masánuituti paëin; ꞌianan kana anuxun mi rabiti xubu Jerusalénnu ꞌikë anuax unikamabë kuanxun fiesta ꞌakin mi rabi munuma kuëëni ꞌia akama sinanin. ¡Ax ka fiesta chaiira nun ꞌakë ꞌiakëxa!

Éxodo 12:15

Ënë nëtë inúkin kamina anun chamiti ñu këñuma ꞌakë pán mapai achúshi ꞌimainun rabë́ nëtë sënë́nmikin piti ꞌain; usa ꞌain ka a nëtë ꞌikëbëtan uix kara anun pán chamiti ñu aín xubunu nankë ꞌikë an aín xubunua bixun niti ꞌikën. Uin kara ënë bana tankima anun chamiti ñu këñun ꞌakë pán mapai achúshi ꞌimainun rabë́ nëtë ënën, pia ax ka Israel unikaman a rapasu ꞌimikima chikínkë ꞌiti ꞌikën.

Éxodo 12:19

Usa ꞌain ka akëñun pán chamiti ñu, mapai achúshi ꞌimainun rabë́ nëtë mitsun xubunu ꞌitima ꞌikën, uin kara anun pán chamiti ñu këñun ꞌaxun pán pia ax ka Israel unikama ꞌimainun bëtsi menu ꞌikë ꞌaíshbi atubë tsókë atúxribi ka chikínkë ꞌiti ꞌikën.

Éxodo 12:8

ꞌAnan kamina aín nami a imë́ ñunantankëxun anun chamiti ñu këñuma ꞌakë pán ꞌimainun pëi mukakëñun piti ꞌain.

Levítico 23:6

A nëtë ꞌiónxa mapai rabë́ ꞌimainun mapai achúshi nëtë ꞌikë anun kamina anun chamiti ñu këñuma akë pán pikin fiesta min ꞌIbu Diosmi sinánkin ꞌati ꞌain. ꞌAkin kamina mapai achúshi ꞌimainun rabë́ nëtë inumikin anun chamiti ñukëñunma ꞌakë pán piti ꞌain.

Mateo 16:12

Cacëxun ca aín ꞌunánmicë unicaman —Jesusan ca anun pán chamiti ñu ñuiquin caquinbi fariseo unibu ꞌimainun saduceo unibunëan ꞌunánmicë banacama ca asérabi ꞌicë quixun sinánquin a cuatin rabanan bërúancanun nu caxa —quixun ꞌunáncëxa.

Mateo 16:6

Manubiancëbë ca Jesusan cacëxa: —Fariseo unibu ꞌimainun saduceo unibunëxa anua pán chamiti ñusa ꞌicë ax ꞌicësa usaribi ꞌitin rabanan camina bërúancati ꞌain.

Marcos 8:15

Usa ꞌain ca Jesusan aín ꞌunánmicë unicama ësaquin ꞌësëacëxa: —Fariseo unibu ꞌimainun Herodesmi sináncë judíos unicamaxa anun pán chamiti ñusa ꞌicësa usaribi ꞌitin rabanan camina bërúancati ꞌain.

Lucas 12:1

Usomainun ca ꞌaisamaira uni timëcamëꞌëoi tsitsirui anu niti ꞌaíma ꞌain bëtsibë bëtsibë chácanancëxa. Usaía ꞌimainun ca Jesusan aín ꞌunánmicë unicama cacëxa: —Fariseo unibu atux anun pán chamiti ñusa ꞌicë usaribi ꞌitin rabanan camina bërúancati ꞌain. Ësai quiquin cana ësoquin mitsu cain, bana ñuixunquin ca atun ꞌatimaquin unicama parania. Usaquinribi camina mitsun ꞌatima ꞌain.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

1 Corintios 5:1

ꞌËn cana ësoquian chanioia cuan, micama achúshinëx ismina min papan xanubë ꞌin. Usai ꞌiti ca ꞌaisama ꞌicën. An Nucën Papa Diosan bana ꞌunáncëma uníxbi ca usai ꞌima.

1 Corintios 5:6

Bëtsi bëtsi ñu ꞌaisama ꞌaíbi camina mitsux rabinima —nux cananuna asábi ꞌai —qui cuëënin. Usai ꞌiti ca ꞌaisama ꞌicën. ¿Caramina ꞌunaniman, “anun pán chamiti ñun ca chamaratsu ꞌixunbi xuicëma pain ꞌicë páncama choia?” Usaribi oquin ca anu ꞌicë uni achúshinën ꞌuchaxbi sinanacëma ꞌixun anu ꞌicë unicama usaribitia ꞌinun ꞌimiti ꞌicën.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

2 Corintios 8:8

Usoquin ꞌati cuëënquinmabimi ꞌanun quixun cana mitsu caiman. Macedonianu ꞌicë unicaman ca cuëënquin axa Jerusalénuax Jesucristomi catamëcë unicama curíqui ꞌinania quixunmi ꞌunánun quixuinshi cana mitsu can. Usoquin ꞌunánquin camina ꞌunánti ꞌain, caramina asérabi Jerusalénu ꞌicë unicama nuibati ꞌai quixun.

Efesios 6:24

Mitsúxmi a manutëcëntimoi Nucën ꞌIbu Jesucristomi catamëcë ꞌicëa, Nucën Papa Diosan nuibaquin mitsu ꞌaquinti cana cuëënin. Ashi, Pablo.

Josué 24:14

—Ësokian kamabi ñu an a kupín kamina mitsun Nukën ꞌIbu asérabira ami sinánkin rabiti ꞌain. Rabikin kamina mitsun chaitiokëkaman Éufrates kakë baka kuëbí tsókin rabianan Egipto menuxun rabia dios a ënkin Nukën ꞌIbuira ashi rabiti ꞌain.

1 Pedro 4:2

Usa ꞌixun ca axa Jesucristomi sináncëma unin sináncësa oquin sinanima Nucën Papa Dios cuëëncësa oishi ꞌia, anúan bamati nëtëa ꞌitámainun.