1 Corintios 5:10 - Kashibo-Kakataibo Biblia

¹⁰ Camabi unibë niaxma ꞌinun quixun cana mitsu caiman. Ënë nëtënu ꞌicë ñuishi sináncë unicaman ca ainanmabi xanu cuëëanan, uni itsin ñu cuëëanan, ñu mëcamanan, Nucën Papa Diosmi sinánquinma unin ꞌacë ñu rabia. Camabi menu ca usa uni ꞌicën. Usa unibubë ꞌiisa tanquinmabi camina uinu ꞌicë menuabi usa uni isíma ꞌitima ꞌain.

Nukën 'Ibu Diosan ain unikama 'inan ain bana

¹⁰ Camabi unibë niaxma 'inun quixun cana mitsu caiman. Ënë nëtënu 'icë ñuishi sináncë unicaman ca ainanmabi xanu cuëëanan, uni itsin ñu cuëëanan, ñu mëcamanan, Nucën Papa Diosmi sinánquinma unin 'acë ñu rabia. Camabi menu ca usa uni 'icën. Usa unibubë 'iisa tanquinmabi camina uinu 'icë menuabi usa uni isíma 'itima 'ain.

1 Corintios 5:10 ပူးပေါင်းရင်းမြစ်များ

Lucas 18:11

Cuanx, nitsax abë banaquin ca fariseo unin ësaquin Nucën Papa Dios caxa: Nucën Papa Dios, ꞌëx uni raírisama ꞌixun cana mi, asábi ca cain. Raírinëx ca an uni paránquin aín curíqui bicë uni ꞌimainun upí sinánñuma uni ꞌimainun aín xanuma ꞌaínbia uni itsin xanubë ꞌicë uni, usa ꞌicën. Usa unicama ꞌaisama ꞌaínbi cana ꞌëx usai ꞌima. An ꞌapu buánmiti curíqui bicë, ënë uníxribia ꞌaisama ꞌaínbi cana ꞌëx usai ꞌiman.

Juan 15:19

Mitsun atun sinánsaribi ꞌicë ca an Nucën Papa Diosmi sinánquinma ënë nëtënu ꞌicë ñuishi sináncë unicaman mitsu nuibatsianxa. ꞌAínbi camina mitsux ꞌën caíscë ꞌaish, atun sinánsama ꞌain. Usa ꞌain ca atun nuibatima mitsumi nishia.

Juan 17:6

Minmi usama ꞌicëbi ꞌëmi sinánmicë, acama cana uisa caramina mix ꞌai quixun ꞌunánun bana ñuixuan. Min unio ꞌaísha minan ꞌicëbi camina ꞌëmia sinánun ꞌimia. Usaquinmi ꞌimicëx ca ꞌën min bana ñuixuncëxun cuati ax quicësabi oi ꞌiaxa.

Juan 17:9

Atu sinani cana mibë banain. An min bana cuacëma unicama cana mi ñucáxuniman. Minmi minan ꞌinun ꞌëmi sinánmicë unicama ënëishi cana mi ñucáxunin.

Juan 8:23

Quiáxa quia ca Jesusan cacëxa: —Mitsux camina ënë nëtënu ꞌicë unishi ꞌain. ꞌËx cana naínu ꞌicë ꞌain. Mitsux camina ënë nëtënu ꞌicë ꞌain. ꞌËx cana ënë nëtënu ꞌicëma ꞌain.

1 Corintios 1:20

Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

1 Corintios 10:27

Axa Jesucristomi catamëcëma unían abëtanmi pi cuanun quixun cacëx camina cuainsa tani cuanti ꞌain. Cuanxun camina —uinua bëcë cara a nami ꞌicë —quixun ñucáquinma piishiti ꞌain. —A nami pi sapi cana ꞌaisama ꞌiti ꞌai —quixun camina sinántima ꞌain.

1 Corintios 5:11

Ësaquinshi cana mitsu caisa tanin. Axa —ꞌëx cana Jesucristomi sináncë ꞌai —quibi cëmëcë unibë camina nitima ꞌain. Jesucristonainsa quiquinbia ainanmabi xanu cuëënbëquincë uni ꞌimainun xanúxmabi uni itsibëribi ꞌicë uni ꞌimainun bëtsi unin ñu cuëëncë uni ꞌimainun Nucën Papa Diosmi sinánquinma unin ꞌacë ñu rabicë uni ꞌimainun ñuianancë uni ꞌimainun paë́ncë uni ꞌimainun mëcamacë uni, usa unibubë camina nitima ꞌain, abëtanbi camina pitima ꞌain.

1 Corintios 5:9

Mitsu buánminuxun ꞌën cuënëocë quirica itsi anu cana ësaquin mitsu cacën, ainanmabi xanu cuëënbëquincë uni ꞌimainun xanúxmabi uni itsibë ꞌicë uni abë niaxma ꞌinun.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

1 Juan 4:5

A unicamax ca ënë menu ꞌicë ñuishi sináncë ꞌaish a ñuishi ñui banaia. Usa ꞌicë ca asaribi unicaman aín bana cuatia.

1 Juan 4:7

ꞌËn nuibacë xucë́antu, cana mitsu cain, Nucën Papa Diosan sinánmicëxun ca unin uni itsi nuibatia. Usa ꞌain cananuna ainan ꞌaish bëtsibë bëtsibë nuibananti ꞌain. An uni itsi nuibacë unicamax ca Nucën Papa Diosan bëchicë ꞌianan a ꞌunáncë ꞌixun an sináncësa oquin sinania.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.