1 Corintios 4:9 - Kashibo-Kakataibo Biblia

⁹ Usami mitsux ꞌaínbi ca ꞌën sináncëxun Nucën Papa Diosan nu uni raíri meuira ꞌimiaxa, aín bana ñuixunun Jesusan caíscë nux ꞌicëbi. Unían —ꞌuchañu ꞌaish ca bamati ꞌicë —quixun ñuicë unisa cananuna nux ꞌain. Nuxnu usaquin unin ñuicë ꞌicë ca unicama ꞌimainun ángelcamanribi ꞌisia.

Nukën 'Ibu Diosan ain unikama 'inan ain bana

⁹ Usami mitsux 'aínbi ca 'ën sináncëxun Nucën Papa Diosan nu uni raíri meuira 'imiaxa, aín bana ñuixunun Jesusan caíscë nux 'icëbi. Unían —'uchañu 'aish ca bamati 'icë —quixun ñuicë unisa cananuna nux 'ain. Nuxnu usaquin unin ñuicë 'icë ca unicama 'imainun ángelcamanribi 'isia.

1 Corintios 4:9 ပူးပေါင်းရင်းမြစ်များ

Jeremías 20:18

¿Uisa kupín kara ꞌëx paë tani masá nuituti ꞌianan, ꞌëx anun tsókë nëtëkaman rabinishi tsótiokin ꞌën titan ꞌë tuakëx? ¿Uisa kupín karana ꞌën titan puku ꞌukë mëuküax rabinishi ꞌëx bamati nëtë ꞌitámainun tsónux bakë́ankën?

Hechos 19:29

Usari quicëbë ca Efeso ëmanu ꞌicë unicama sharati tsuáquiruacëxa. Tsuáquiruquin Macedonia menu ꞌicë uni rabë́, Gayo ꞌimainun Aristarco, axa Pablobë nicë, a bixun nirínbianx ca anua unicama timë́cë xubunu abáquianx atsíancëxa.

Hechos 19:31

Camainun ca an ꞌunáncë Asia menu ꞌicë ꞌapu raírinënribi anu timë́canti xubunu atsíanxma ꞌinun quixun Pablo camiacëxa.

Romanos 8:36

Ësai ca Nucën Papa Diosan bana cuënëo quia: Nuxnu minan ꞌicë ca unin numi nishquin nuibaquinma nu bëtsi bëtsi oia. ꞌAracacë ñuinacama ꞌanuxun ꞌacësa oquin ca nu ꞌaisa tanquin bëtsi bëtsi oia.

1 Corintios 15:19

Aín nëtënuaxribi cana ainan ꞌiti ꞌai quixun sinanima, ënë nëtënuaxëshi Cristonan ꞌiti sináncë ꞌaish cananuna uni raíri ꞌicësamaírai masá nuituti bënë́tsian.

2 Corintios 11:23

¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

2 Corintios 6:9

—Uínbi ꞌunáncëma ca a uni ꞌicë —quiax nu ñui quicancëbëbi ca raíri —nun ꞌunáncë ca Pablo ꞌimainun abë ꞌicë unicama ꞌicë —quia. Bamatisa ꞌaíshbi cananuna ië́an. Usai ꞌínu upiti ami catamëti ꞌunánti cupía Nucën Papa Diosan nu castícancëxbi cananuna bamacëma ꞌain.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 10:33

Mitsu raírinëx camina unin mitsumi cuaiquin ꞌitsa unin ismainun mëëcë ꞌiacën. Usai ꞌimainun ca axa Cristomi catamëcë uni raírinën mitsux usai ꞌicë isi masá nuituquin ënquinma ꞌaquiancëxa.

Hebreos 11:36

Raíri uni ca Nucën Papa Diosmi catamëcë cupí unin ami cuaianan rishquiacëxa. Raíri ca unin manë risin nëaxun sipuacëxa.