1 Corintios 4:8 - Kashibo-Kakataibo Biblia

⁸ Mitsun camina ësaquin sinanin, —nun cananuna upí oquin Nucën Papa Diosan Bëru Ñunshin Upitan ꞌunánmicëxun camabi ñu ꞌunanin —quixun. Usa ꞌaish camina nun bëtsi ñu mitsu ꞌunánmiti cuëëniman. Mitsun sinani camina mitsúxbi ꞌapusa ꞌain, Jesucristo utëcëncëma ꞌaínbi. Mitsúxmi ꞌapu ꞌain cananuna nuxribi cuëëni ꞌapu ꞌitsían.

Nukën 'Ibu Diosan ain unikama 'inan ain bana

⁸ Mitsun camina ësaquin sinanin, —nun cananuna upí oquin Nucën Papa Diosan Bëru Ñunshin Upitan 'unánmicëxun camabi ñu 'unanin —quixun. Usa 'aish camina nun bëtsi ñu mitsu 'unánmiti cuëëniman. Mitsun sinani camina mitsúxbi 'apusa 'ain, Jesucristo utëcëncëma 'aínbi. Mitsúxmi 'apu 'ain cananuna nuxribi cuëëni 'apu 'itsían.

1 Corintios 4:8 ပူးပေါင်းရင်းမြစ်များ

Proverbios 13:7

Anu ka bëtsi bëtsi uni ñuñuma ꞌaishi ñuñu ꞌisatankë ꞌikën, ꞌimainun ka bëtsi bëtsi uni ñuñuira ꞌaishi ñuñuma unisa ꞌikën.

Números 11:29

Kiabi ka Moisésnën kakëxa: —¿ꞌËn usakin ñu ꞌati kuëënima kaina usai kin? ¡ꞌËn kana kuëënin Nukën ꞌIbun ain bëru ñunshin ꞌinánkëx ka kamabi unix an aín bana ñuikë unikamasaribi ꞌiti ꞌikën!

Mateo 5:1

ꞌAisamaira uni isbiani cuantancëxa Jesús matá me mapëracëtancëx anu tsóbutia ca aín ꞌunánmicë unicaman nëbë́tsioracëxa.

Lucas 6:25

Pitiñu ꞌimainun camabi ñuñu unicama, anúnmi mitsux pitiñuma ꞌianan ñuñuma ꞌiti nëtë ca uti ꞌicën. Ucëbë camina masá nuituirati ꞌain. Usaribiti mitsux bërí ꞌëmi sinanima cuëëni cuaicë ꞌaínbi ca anúnmi mitsux rarumati inti nëtë uti ꞌicën. Ucëbë camina masá nuituirai inti ꞌain.

Hechos 26:29

Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

1 Corintios 1:5

Cristobë ꞌaíshmi aín sinánsaribi ꞌicë ca Nucën Papa Diosan an aín unicama ꞌunánmiti ñu ꞌunánmiquin upí oquin sinanimi upiti bananun mitsu ꞌimiaxa.

1 Corintios 4:18

Mitsu raírinëx camina ꞌëx sapi isna anu cuanti racuëti quixun sinani cërutin.

1 Corintios 5:6

Bëtsi bëtsi ñu ꞌaisama ꞌaíbi camina mitsux rabinima —nux cananuna asábi ꞌai —qui cuëënin. Usai ꞌiti ca ꞌaisama ꞌicën. ¿Caramina ꞌunaniman, “anun pán chamiti ñun ca chamaratsu ꞌixunbi xuicëma pain ꞌicë páncama choia?” Usaribi oquin ca anu ꞌicë uni achúshinën ꞌuchaxbi sinanacëma ꞌixun anu ꞌicë unicama usaribitia ꞌinun ꞌimiti ꞌicën.

2 Corintios 11:1

Sinánñuma uni ꞌicësai ꞌëx rabiti banaiabi mitsun ꞌën bana cuati cana cuëënin. Usai banaiabi ꞌën bana cuatibi camina ꞌicanin.

2 Corintios 13:9

Nux cushimasa ꞌixunbi ꞌaquincëxmi mitsux upí ꞌain cananuna cuëënin. Mitsun ñu ꞌatima ꞌacëcama mëníocë ꞌaish upíshi ꞌinun cananuna ënquinma Nucën Papa Dios mitsu ñucáxunin.

Gálatas 6:3

Ui unin cara asérabi upí ꞌixunmabi ax isa upí uni ꞌicë quixun sinania, ax ca aín sinanëinshi cëmëia.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Filipenses 2:12

ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

Apocalipsis 3:17

Mitsux camina quin, ꞌëx cana asábi ꞌain, ñuñu ꞌaish cana cha ꞌain, uisa ñu carana cuëëni, a cana bitsin. Mitsux ënë nëtënu ꞌicë ñuñu ꞌaíshbi camina Nucën Papa Diosan iscëx ñuumasa ꞌianan bëxuñusa ꞌianan chupañumasa ꞌain.

Apocalipsis 5:10

Ië́mianan camina atu Nucën Papa Diosbë ꞌapu ꞌinun ꞌimianan judíos sacerdotesa ꞌimiquin an Nucën Papa Diosbë banaquin a rabicë ꞌimian. Usaquinmi ꞌimicëx ca mibë ënë menu ꞌicë unicaman ꞌapusa ꞌiti ꞌain.