1 Corintios 4:21 - Kashibo-Kakataibo Biblia

²¹ ¿ꞌËn mitsu ñu cai cuanti caramina cuëënin? ¿ꞌËn ñu caquinma mitsu nuibaquin upí oquinshi cai cuanti caramina cuëënin?

Nukën 'Ibu Diosan ain unikama 'inan ain bana

²¹ ¿'Ën mitsu ñu cai cuanti caramina cuëënin? ¿'Ën ñu caquinma mitsu nuibaquin upí oquinshi cai cuanti caramina cuëënin?

1 Corintios 4:21 ပူးပေါင်းရင်းမြစ်များ

1 Corintios 4:18

Mitsu raírinëx camina ꞌëx sapi isna anu cuanti racuëti quixun sinani cërutin.

1 Corintios 5:5

Timë́xun camina a uni ñunshin ꞌatimanën ꞌapun uisoquin cara ꞌati ꞌicë usoquian ꞌanun ënti ꞌain. Usaquian ꞌacë́xa sinanacë ca a uni bamacëbi aín bëru ñunshin Nucën ꞌIbu Jesusan utëcënquin upí isti ꞌicën.

2 Corintios 1:23

Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

2 Corintios 10:6

ꞌËn mitsu cacë ñucamami mëníoquin sënë́oncëbë mitsunu cuanquin cananuna an Nucën Papa Diosan bana cuaisama tancë unicama sinananun ꞌësëquin, atun ꞌaisama ñu ꞌacë a ëinsama taniabi ëmiti ꞌain.

2 Corintios 10:8

Nucën ꞌIbu Jesucristonën ca aín bana mitsu ñuixunun ꞌë cacëxa, masá nuitumiquin ꞌuchoquin ñu caquinma ax quicësabi oquin ꞌanun mitsu ꞌunánminun quixun. Usoquin ꞌanuan Jesucristonënbi ꞌimicë ꞌaish cana ꞌitsa oquin mitsu caíbi rabiniman.

2 Corintios 12:18

Mitsu istánun cana Titocëñun axa Cristomi catamëcë uni itsiribi xuan. ¿Titon cara mitsu paranx? Titobëtan ca axa abë ꞌicë unin mitsu paráncëma ꞌicën. ꞌËn ꞌacësaribi oquin sinánquin ca atun ñu ꞌaxa.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 13:2

Mitsu isi cuanx anu ꞌixun cana mitsu can, ꞌën mitsu istëcëni uxun iscë́xa an ñu ꞌatima ꞌacë unicama ꞌimainun raíri uníxribi sinanatíma usabi ꞌain, cana atu ꞌësëquin cushin cati ꞌain. Usoquin ꞌën mitsu cacësabi oquin cana ꞌura ꞌixunbi ënë quiricanën mitsu catëcënin.

2 Corintios 2:1

Mitsu masá nuitumiti rabanan cana mitsu isi bënëtishi cuantëcëntima sinan.

2 Corintios 2:3

Mitsu isi cuaniami ꞌë masá nuitumiti rabanan cana cuanquinma mitsu usaía quicë quiricashi buánmian. Buánmiquin cana sinan, ꞌëx cuani masá nuitutíma cuëënia isi camina mitsúxribi upí oquin sinani cuëënti ꞌai quixun.

2 Corintios 3:10

Moisésnëan uni ꞌinan banaxa ꞌiásamaira oi ca Cristo ñui quicë bana upí ꞌicën.

Gálatas 6:1

ꞌËn xucë́antu, axa Jesucristomi catamëcë unían manúxun ñu ꞌaisama ꞌaia camina mitsux asérabi Nucën Papa Diosan Bëru Ñunshin Upitan sinánmicë ꞌixun axa upí ꞌinun quixun nuibaquin ꞌaquinti ꞌain, rabíquin —ꞌëx cana ꞌuchañuma ꞌai —quixun sinánquinma. Mixribi usai ꞌitin rabanan camina bërúancati ꞌain.

1 Tesalonicenses 2:7

Nun cananuna xanúan aín tuá chamara ꞌicë anun cuëënquin ꞌacësa oquin, ꞌitsaira nuibaquin mitsu ꞌaquian.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.