1 Corintios 4:20 - Kashibo-Kakataibo Biblia

²⁰ Axa —ꞌëx cana Nucën Papa Diosnan ꞌai —quicë uni ama, an aín bana quicësabi oquin ꞌacë uni ax cuni ca asérabi Nucën Papa Diosnan ꞌicën.

Nukën 'Ibu Diosan ain unikama 'inan ain bana

²⁰ Axa —'ëx cana Nucën Papa Diosnan 'ai —quicë uni ama, an aín bana quicësabi oquin 'acë uni ax cuni ca asérabi Nucën Papa Diosnan 'icën.

1 Corintios 4:20 ပူးပေါင်းရင်းမြစ်များ

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

1 Corintios 1:24

A unicama usai ꞌimainunbi ca uicama cara Nucën Papa Diosan Cristomi catamënun sinánmicë ꞌicë acama, judíos unicama ꞌimainun griego banan banacë judíosma unicamanribi, —Cristo cupíshi ca Nucën Papa Diosan upí oquin sinánquin nun ꞌuchacama tërë́nquin ainan ꞌinun nu ië́mia —quixun ꞌunania.

1 Corintios 2:4

An ñu ꞌunáncë unían aín sinanënshi sinánquin bana ñuicësa oquin cana Jesucristo ñuiquin mitsu ñuixuncëma ꞌain. Ama, aín Bëru Ñunshin Upitan ꞌaquincëxun cana Nucën Papa Diosan cushínshi ñuixunquin Jesucristomi catamënun mitsu sinanamian.

2 Corintios 10:8

Nucën ꞌIbu Jesucristonën ca aín bana mitsu ñuixunun ꞌë cacëxa, masá nuitumiquin ꞌuchoquin ñu caquinma ax quicësabi oquin ꞌanun mitsu ꞌunánminun quixun. Usoquin ꞌanuan Jesucristonënbi ꞌimicë ꞌaish cana ꞌitsa oquin mitsu caíbi rabiniman.

1 Tesalonicenses 1:5

Jesucristomi catamëti ca uni Nucën Papa Diosnan ꞌiti ꞌicë quixun bana ñuixunquin cananuna nun cuëbitainshi banaquinma, aín Bëru Ñunshin Upitan nu sinánmicëx Nucën Papa Diosmi cushicë ꞌixun aín bana mitsu ñuixuan. Nun ñuicë banax ca cëmëma ꞌaish asérabi ꞌicë quixun ꞌunáncë ꞌixun cananuna upí oquin a bana mitsu ñuixuan. Mitsúxmi upí ꞌiti cupí cananuna mitsubë ꞌaish usai ꞌia quixun camina ꞌunáncanin.