1 Corintios 4:19 - Kashibo-Kakataibo Biblia

¹⁹ Usaquin sináncëbëbi cana Nucën ꞌIbu Jesucristo cuëëncëbë ꞌitsama nëtë ꞌicëbë mitsu isi cuanti ꞌain. Cuanxun cana a unicaman cara aín cuëbitainshi banaquinma asérabi ax quicësabi oquin ꞌaia quixun isti ꞌain.

Nukën 'Ibu Diosan ain unikama 'inan ain bana

¹⁹ Usaquin sináncëbëbi cana Nucën 'Ibu Jesucristo cuëëncëbë 'itsama nëtë 'icëbë mitsu isi cuanti 'ain. Cuanxun cana a unicaman cara aín cuëbitainshi banaquinma asérabi ax quicësabi oquin 'aia quixun isti 'ain.

1 Corintios 4:19 ပူးပေါင်းရင်းမြစ်များ

Hechos 18:21

Abë ꞌiquinma ëbianquin ca atu cacëxa: —Judíos unicama anun timë́ti nëtë sënë́ncëbë atubë Jerusalénu ꞌitancëx cana Nucën Papa Dios cuëëncëbë mitsu isi utëcënti ꞌain. Quixun cabiani ca Efesonuax cuancëxa.

Hechos 19:21

Usa ꞌain ca Pablonën Macedonia me ꞌimainun Acaya menu pain cuantancëx Jerusalénu cuanti sináncëxa. Jerusalénu cuanti sinani ca quiacëxa: Anu pain ꞌitancëx cana Roma ëmanuribi cuanti ꞌain.

Hechos 20:2

Cuanquin ca a menua ꞌicë ëmacamanua ꞌicë axa Jesucristomi catamëcë unicama, ëníma Jesúsmi catamënun quixun caquin sinánmiacëxa. Sinánmibiani ca Grecia ꞌicëbi Acayaribi cacë menu cuancëxa.

Romanos 15:32

Usaquin ñucácëx Nucën Papa Dios cuëëncëbë cuanxun mitsu isi cana chuámarua tani cuëënti ꞌain. Mitsucëñuan ꞌë Jesucristonën cushiocë ꞌaish cana ami sinani cuëënti ꞌain.

1 Corintios 11:34

Usai ꞌiimi upiti timëtiama isquian Nucën Papa Diosan mitsu castícanti rabanan camina panancë ꞌixun mitsun xubunuxun piti ꞌain. Usa ꞌain cana mitsu isi cuanxun uisai caramina ꞌicani, a mitsu mëníoxunti ꞌain.

1 Corintios 14:5

Mitsúxmi unin cuacëma banan banati cana ꞌëx cuëënin. Usa ꞌaínbi cana mitsúxmi usai banati cuëëncësamaira oi mitsúnmi Nucën Papa Diosan sinánmicëxun aín bana unicama ñuixunti cuëënin. Unin cuacëma banan banaquinbi uisai quicë cara a bana ꞌicë quixun ñuixuncëxunma ca bëtsi unin uisai quicë cara quixun ꞌunántima ꞌicën. Nucën Papa Diosan ꞌimicëxuinshi ca unin ꞌunánti ꞌicën. Usa ꞌain ca ami catamëcë unicama Jesucristo cuëëncësabi oi ꞌinun ꞌaquinuxun an a bana ꞌunáncë unin uisai quicë cara quixun raíri ñuixunti ꞌicën.

1 Corintios 16:5

Macedonia mecamanu cuanti cana sinanin. Anu cuantancëx cana anuax mitsu isi cuanti ꞌain.

1 Corintios 16:7

Inúquinshi mitsu isti cana cuëëniman. Nucën ꞌIbu Jesucristo cuëëncëbë cana mitsubë ꞌëora pain ꞌi cuanti ꞌain.

1 Corintios 2:6

Axa Jesucristomi catamëcë unicaman aín bana quicësabi oquin ꞌaia cananuna a unicama uisaira cara aín banacama quia quixun ñuixunin. Nun banax ca ënë nëtënu ꞌicë axa Cristomi catamëcëma unicaman ñuicë bana ama ꞌicën. ꞌIanan ca aín ꞌapucaman ñuicë bana ama ꞌicën. Acaman banaxa cushi ꞌicëbi ca xënibuquin unin sinanima.

1 Corintios 4:18

Mitsu raírinëx camina ꞌëx sapi isna anu cuanti racuëti quixun sinani cërutin.

1 Corintios 4:6

ꞌËn xucë́antu, Apolobë ꞌëx ꞌicësaribitimi mitsux bëtsi bana sinanima Nucën Papa Dios quicësabi oíshi ꞌinun cana ënë ñucama ñuiquin mitsu cain. —An mitsu ꞌunánmicë unin ꞌunánmicësamaira oquin ca an nu ꞌunánmicë unin nu ꞌunánmia —quixun camina bëtsi uni catima ꞌain.

2 Corintios 1:23

Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

2 Corintios 10:9

Racuë́oti cupí cana mitsu quirica buánmi quixunmi sináncanti cana cuëëniman.

Hebreos 6:3

Ësa banacama mitsu ñuixuntëcënquinma cananuna Nucën Papa Dios cuëëncëbëtan bëtsi ñu mitsu ñuixunti ꞌain.

Santiago 4:15

Usai quima camina ësai quiti ꞌain: Nucën ꞌIbu Dios cuëëncëbë, bamacëma ꞌixun cananuna nun sináncë ñu ꞌati ꞌain.