1 Corintios 4:17 - Kashibo-Kakataibo Biblia

¹⁷ Mitsúxmi ꞌëx ꞌicësaribiti ꞌinun cana Timoteo mitsu istánun xuan. ꞌËn bana ñuia cuati axribi asérabi Nucën ꞌIbu Jesucristomi catamëcë ꞌaish ca ꞌën nuibacë bëchicësa ꞌicën. Mitsunu cuanxun ca uisai carana ꞌëx Jesucristomi catamëcë ꞌaish ꞌi, a mitsu ñuixunti ꞌicën. Camabi ëmanuaxa timë́cë axa Jesucristomi catamëcë unicama a cana usai cana ꞌëx Jesucristomi catamëti ꞌi quixun ꞌunánmin.

Nukën 'Ibu Diosan ain unikama 'inan ain bana

¹⁷ Mitsúxmi 'ëx 'icësaribiti 'inun cana Timoteo mitsu istánun xuan. 'Ën bana ñuia cuati axribi asérabi Nucën 'Ibu Jesucristomi catamëcë 'aish ca 'ën nuibacë bëchicësa 'icën. Mitsunu cuanxun ca uisai carana 'ëx Jesucristomi catamëcë 'aish 'i, a mitsu ñuixunti 'icën. Camabi ëmanuaxa timë́cë axa Jesucristomi catamëcë unicama a cana usai cana 'ëx Jesucristomi catamëti 'i quixun 'unánmin.

1 Corintios 4:17 ပူးပေါင်းရင်းမြစ်များ

Proverbios 13:17

An bana ñuitia bëtsi unin xukë uni an ꞌatima banaishi uni ñuixunkë an ka ꞌatima bana ñuixunkin uni ꞌaisama sinánmia, ꞌaínbi ka an bana upí ñuitia bëtsi unin xukë uni an kuni asérabi bana ñuia.

Números 12:7

usa ꞌaínbi kana ꞌën uni Moisés abëishi usai banaima ꞌëxbi abë banakin kana asérabi kain. Ax ka ꞌën uni raíri ꞌikësai ꞌima ꞌën kakësabi oi ꞌia,

Mateo 24:45

Anun ꞌëx utëcënti nëtë ca ësaribi ꞌiti ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca —an ca asérabi ꞌën cacësabi oquin ꞌati ꞌicë —quixun sinánxa. Sinánquin usoquian ñu ꞌanun quixun catancëx ca bëtsi menu cuanxa.

Mateo 25:21

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Mateo 25:23

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

1 Corintios 11:16

Axa ënë bana cuati cuëbicanáncë unicama cana cain, usai ca xanu ꞌiti ꞌicë quixun cananuna camabi uni cain. Axa Jesucristomi catamëcë unicama timë́cëcamanribi ca —usai ca ꞌiti ꞌicë —quixun sinania.

1 Corintios 11:2

ꞌËn xucë́antu, mitsun ꞌë manuquinma camina ꞌën mitsu ñuixuncë bana quicësabi oquin ꞌain. Usaími ꞌia cuaquin cana —asábi ca —quixun mitsu cain.

1 Corintios 11:34

Usai ꞌiimi upiti timëtiama isquian Nucën Papa Diosan mitsu castícanti rabanan camina panancë ꞌixun mitsun xubunuxun piti ꞌain. Usa ꞌain cana mitsu isi cuanxun uisai caramina ꞌicani, a mitsu mëníoxunti ꞌain.

1 Corintios 16:1

Axa Jesucristomi catamëcë unicama curíqui ꞌinánti ñuiquinmi ꞌë ñucácëxun cana mitsu cain, ꞌën Galacia menu ꞌicë unicama cacësabi oquin camina mitsúnribi curíqui ꞌinánti ꞌain.

1 Corintios 16:10

ꞌËn ꞌacësaribi oquin ca Timoteonën Nucën ꞌIbu Jesucristo ñuiquin unicama bana ñuixunia. Usa ꞌain camina axa bëbaia upí oquin biti ꞌain, mitsubë ꞌaísha upí oquin sinani cuëënun.

1 Corintios 4:14

Mitsúxmi masá nuitunun cana ënë ñucama mitsu cuënëoxuniman. Mitsúxmi ꞌën bëchicësa ꞌicë cana nuibaquin upí ꞌinun mitsu ꞌësëin.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

1 Corintios 4:2

Uinu ꞌicë unin cara uni ñu mëëxunia an ca —upí oquin ca ñu mëëxunia —quixuan an ñu mëëmicë unin ꞌunánun upí oquin ñu mëëti ꞌicën. Usaribi ca an Nucën Papa Diosan bana ñuixuncë uni ꞌiti ꞌicën.

1 Corintios 7:17

Nucën ꞌIbu Dios cuëëncësabi oi camina a nëtë́an an mitsu ainan ꞌimicë, usaíbi ꞌiti ꞌain. Usoquin cana camabi ëmanu ꞌicë axa Jesucristomi catamëcë unicama cain.

1 Corintios 7:25

Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

2 Corintios 8:18

Bëtsi uniribi —an ca upí oquin Cristo ñuiquin bana ñuixunia —quixuan camabi ëmanuxun ꞌunáncancë, aribi cananuna Titobë cuanun xutin.

Efesios 6:21

Mitsúnmi uisai carana ꞌëx ꞌi quixun ꞌunánun ca Tíquiconën minu cuanxun mitsu ñuixunti ꞌicën. Axribi ainan ꞌaish nun nuibacë xucën ꞌixun ca Nucën ꞌIbu Jesucristo ñuiquin upí oquin uni bana ñuixunun ꞌë ꞌaquianxa.

Filipenses 2:19

Nucën ꞌIbu Jesús cuëëncëbëtan Timoteo mitsu istánun ꞌitsama nëtë ꞌicëbëtan xuti cana sinanin. An mitsu isbëtsíntancëxun uisa caramina ꞌicani quixun ñuixuncëxun cuati cana cuëënti ꞌain.

Filipenses 2:22

Acamaxa usa ꞌaínbi camina Timoteonën ca Nucën Papa Dios cuëëncësabi oquin ꞌaia quixun ꞌunanin. An ca ꞌëbëtan Cristo ñuiquin bana ñuixuanxa. Aín bëchicënëan aín papa ꞌaquincësaribi oquin ca Timoteonën ꞌë ꞌaquianxa.

Colosenses 1:7

A bana ca nun nuibacë Epafrasnën, axribi nubëtan uni bana ñuixuncë ꞌixun nux cuancëbëtanmabi ñuixunquin upí oquin mitsu ꞌunánmiaxa.

Colosenses 4:9

ꞌImainun cana mitsubëa Colosasnu ꞌicë uni Onésimo, axribia Jesucristomi catamëcë ꞌaish nubë nuibanancë, aribi xutin. Usa ꞌain ca a uni rabëtan ënuxun nun ꞌacë ꞌimainun ënuaxnu ꞌicëcama mitsu upí oquin ñuixunti ꞌicën.

1 Timoteo 1:18

Timoteo, ꞌën bëchicësa ꞌicë, cana mi cain, Nucën Papa Diosan sinánmicëx ca aín unicama mi ñui quiacëxa, —Timoteonëx upí ꞌixun ca Nucën Papa Diosan bana unicama ñuixunti ꞌicën. Mi ñuia usai quicë unicaman bana sinánquin camina ami catamëquin, Jesucristo cuëëncëma ñu ꞌaquinma ꞌaisama ñu ꞌati sinánquinbi tënëquin upí ñuishi ꞌati ꞌain.

1 Timoteo 1:2

Timoteo, ꞌën cana ënë quirica mi buánmin. ꞌËx ami sináncësaribi oi mix Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámarua ꞌiti cana cuëënin.

2 Timoteo 1:2

Timoteo, ꞌën bëchicësa ꞌicë nuibaquin cana ënë quirica mi buánmin. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámashirua ꞌiti cana cuëënin.

2 Timoteo 2:2

Axa timë́cë unicama ꞌën caiami cuacë banacama, a camina, an asérabi uni raíri ꞌunánmiisabi sinánñu uni caístancëxun usaribi oquian ꞌanun ꞌunánmiti ꞌain.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.

Tito 1:5

Anuax uquin cana nun nu sënë́oncëma ñucama ami sënë́onun Creta nasínu mi ëbëtsían, anuxunmi ꞌën mi cacësabi oquin ëmacamanu cuanquin, uicamax cara axa Jesucristomi catamëcë unicaman cushi ꞌiti ꞌicë quixun caístancëxun anënun.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 2:13

ꞌËn cana ꞌunanin, anumi mitsux ꞌicë anu ca ñunshin ꞌatimanën ꞌapu, Satanás, ax cushi ꞌicën. Anu ꞌicë unicama an sinánmicëxun ꞌatima ñu ꞌacëbëtanbi camina mitsun ꞌëmi sinánti ëncëma ꞌain. Micama achúshi, Antipas cacë, ax ꞌëmi sinánti ëncëma ꞌixun ꞌë ñuiquin bana ñuixuncë cupía axa ꞌëmi sináncëma unicaman ꞌacë́xa bamacëbëtanbi camina mitsun ꞌëmi sinánti ëncëma ꞌain.