1 Corintios 4:11 - Kashibo-Kakataibo Biblia

¹¹ Bërí nëtë́nbi cananuna bëráma ꞌiásaribiti ꞌacëñuma ꞌianan shimanan chupa upíñuma ꞌain. ꞌImainun ca unin nu bëtsi bëtsi oquin ꞌatimoia. Usa ꞌaish cananuna anu ꞌiti xubuñumabi ꞌain.

Nukën 'Ibu Diosan ain unikama 'inan ain bana

¹¹ Bërí nëtë́nbi cananuna bëráma 'iásaribiti 'acëñuma 'ianan shimanan chupa upíñuma 'ain. 'Imainun ca unin nu bëtsi bëtsi oquin 'atimoia. Usa 'aish cananuna anu 'iti xubuñumabi 'ain.

1 Corintios 4:11 ပူးပေါင်းရင်းမြစ်များ

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 16:23

Usoquin cacëxun cushíinra ꞌitsa oquin rishquitancëxun ca sipuacëxa. Sipuatancëxun ca an sipunu ꞌicë unicama bërúancë uni cacëxa, Pablocëñun camina Silas machiquitia upí oquin bërúanti ꞌai quixun.

Hechos 23:2

Quiáxa quicëbëtan ca sacerdotenën cushicaman ꞌapu, Ananías, an a rapasu ꞌicë unicaman Pablo cuëtáshcanun quixun cacëxa.

Romanos 8:35

¿Uinu ꞌicë unin cara Cristocëñun nu ënananmiti ꞌic? Ca ꞌatima ꞌicën. Nuxnu tëmëranan masá nuituanan bëtsi unin bëtsi bëtsi ocë ꞌianan ꞌacëñuma ꞌianan chupañuma ꞌianan bamatisa ꞌianan unin ꞌaisa tancë ꞌiti, a ñucamanribi ca Cristocëñun nu ënananmitima ꞌicën.

1 Corintios 9:4

—An ꞌën bana ñuixuncëxun cuacë unicaman ꞌë piti ꞌináncëxun ꞌën biti ca asábi ꞌicën.

2 Corintios 11:20

A unicaman atun cuëëncësa oquin ꞌacëxunbi camina mitsun tanshitin. Atun ca mitsu ñu mëëmianan, paránxun mitsun ñu bianan, mitsux camina meu ꞌaish atubë sënë́nma ꞌai quixun canan, mitsu bëtashcaia. Usaquin ꞌacëxunbi camina tanshitin.

2 Corintios 4:8

Unían nu ꞌatimocëxbi cananuna Nucën Papa Diosan nu ꞌaquincë cupí asábi ꞌain. Uisa ñu cara ꞌicëbëbi cananuna sináncasmai bënëtiman.

Filipenses 4:12

Ñuñuma ꞌiti ꞌunánan cana ꞌaisamaira ñuñu ꞌitiribi ꞌunanin. Uisa ñu cara ꞌicëbëbi bënë́tima ꞌunánan cana pitiñu ꞌaish puchácë ꞌianan pitiñuma ꞌaish ꞌacëñuma ꞌitiribi ꞌunan. ꞌAisamaira ñuñu ꞌianan ñuñuma ꞌitiribi cana ꞌunan.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.