1 Corintios 4:10 - Kashibo-Kakataibo Biblia

¹⁰ Cristonën cacësabi oquin ꞌacë cupí mitsun iscëx nux ñuumara ꞌimainun camina mitsux aín bana ꞌunáncë ꞌain. Mitsun sináncëxa nun bana racuëti banacësa, ꞌimainun ca mitsun bana cushi ꞌicën. Usa ꞌicë nu timaquin nu ñuianan ca mitsuishi unin nuiia.

Nukën 'Ibu Diosan ain unikama 'inan ain bana

¹⁰ Cristonën cacësabi oquin 'acë cupí mitsun iscëx nux ñuumara 'imainun camina mitsux aín bana 'unáncë 'ain. Mitsun sináncëxa nun bana racuëti banacësa, 'imainun ca mitsun bana cushi 'icën. Usa 'icë nu timaquin nu ñuianan ca mitsuishi unin nuiia.

1 Corintios 4:10 ပူးပေါင်းရင်းမြစ်များ

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Mateo 5:11

Mitsun ꞌën bana cuacë upí unin mitsu ꞌatima banan canan bëtsi bëtsi onan cëmëi mitsumi manáncëxbi camina chuámarua tani cuëënti ꞌain.

Lucas 10:16

Caxun ca a xuti unicama ësaquinribi cacëxa: —An mitsun bana cuacë uni, an ca ꞌën banaribi cuatia. ꞌImainun ca an mitsun bana cuaisama tancë uni, an ꞌën banaribi cuaisama tania. An ꞌën bana cuaisama tancë uni, an ca Nucën Papa Dios, an ënë menu ꞌë xua, aín banaribi cuaisama tania.

Lucas 18:9

Uni raírinëxa —nuxbi cananuna Nucën Papa Dios quicësabi oi ꞌi —quixun sinani raíri unicama timai atumi nishia ꞌunánquin ca Jesusan bana itsi ñuicësoquin ësoquin cacëxa:

Lucas 6:22

Uni ꞌinux Nucën Papa Diosnuax uá ꞌën bana cuacë cupí unin mitsumi nishanan, mitsu cuëënquinma ꞌatimaquin ñuianan, mitsun anëmibi ꞌatimati banacëxbi camina chuámarua tani cuëënti ꞌain.

Hechos 17:18

Cananmainun ca raíri unicama usa isa uni ꞌiti icë quixun epicúreo cacë unicaman bana ñuia cuacë, ꞌimainun estoico cacë unicamanribia bëtsi bana ñuia cuacë, a unicamaxribi uax Pablobë banacëxa. Abë banatancëx ca raírinëx quiacëxa: —¿Añu cara banañuira ꞌixun ënë unin nu ñuixuinsa tanin? Quicëbë ca raírinëx Pablonëan Jesús ñuianan —bama ꞌaish ca uni baísquiti ꞌicë —quixun cacëxun cuax quiacëxa: —Nun rabicë diosma, bëtsi dios ñui sapi ca quia.

Hechos 17:32

Usaquian bamatancëx ca Jesús baísquiacëxa quixun ñuia cuati ca uni raírinëx Pablomi cuaiacëxa. Cuaimainun ca raírinën Pablo cacëxa: —Minmi ñuicë bana ënëmi ñuitëcënia cananuna bëtsi nëtën cuatëcënti ꞌain.

Hechos 26:24

Usaía Pablo an ñu ꞌacëcama ñui quicëbë ca Festo munuma banai quiacëxa: —Pablo, camina ñunshían. ꞌItsairami quirica ꞌacë cupí camina ñunshían.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 1:23

A unicamaxa usa ꞌaínbi cananuna nun i curúsocënu matáscë Cristo, a ñuiquin unicama bana ñuixunin. A bananu nun unicama ñuixuncëbë ca judíos unicamax rabini, uisa ꞌaish caraisa Cristo i curúsocënu bamati ꞌicë quixun sinani, ami catamëisama tania. Usaía judíos unicama ꞌimainun ca judíosma unicaman —Diosan Bëchicë ca i curúsocënuax bamacëxa —quixun ñuiquin ꞌusania.

1 Corintios 1:25

Nucën Papa Diosan Cristo i curúsocënuaxa bamanun ëncë, ax ca ꞌaisama ꞌicë uni quicëbëtanbi ca axa usai quicë unicaman sináncësamaira oquin sinánquin Nucën Papa Diosan Cristo nun ꞌucha cupí i curúsocënuax bamanun ëancëxa. —Ax cushima ꞌixun ca Diosan Jesucristo bamanun ëanxa —quixun sináncancëbëtanbi ca Nucën Papa Diosan unin cushisamaira ꞌixun ië́mitsinxunbi camabi unin ꞌucha cupía bamanun Cristo ꞌimiacëxa.

1 Corintios 10:12

Nux cananuna usai ꞌitima ꞌai quixun sinanibi camina bërúinraoracati ꞌain, usai atu mina ꞌin.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu ꞌunanima. A ñucamax ca an iscëx ꞌusani ami cuaitisa ꞌicën. Unin ca a ñu ꞌunánti ꞌicën, Nucën Papa Diosan Bëru Ñunshin Upitan ꞌunánmicëxuinshi.

1 Corintios 2:3

Mitsubë ꞌëx ꞌain ca ꞌën nami ꞌaisama ꞌiaxa. Mitsúnmi ꞌën bana cuaisamasa sinani cana racuëti bërëan.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

1 Corintios 3:2

Tuá xuratsu aín titan ñu pain pimiquinma aín xuma pain ꞌamicësa oquin, cana a pain ꞌunánti banaishi mitsu ꞌunánmiacën, Cristonëan mitsu ꞌunánmiti ñumi asérabi ꞌunántisama pain ꞌicë. Bëríbi camina usabi ꞌain.

1 Corintios 4:8

Mitsun camina ësaquin sinanin, —nun cananuna upí oquin Nucën Papa Diosan Bëru Ñunshin Upitan ꞌunánmicëxun camabi ñu ꞌunanin —quixun. Usa ꞌaish camina nun bëtsi ñu mitsu ꞌunánmiti cuëëniman. Mitsun sinani camina mitsúxbi ꞌapusa ꞌain, Jesucristo utëcëncëma ꞌaínbi. Mitsúxmi ꞌapu ꞌain cananuna nuxribi cuëëni ꞌapu ꞌitsían.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 11:19

Mitsun, nux sinánñuma ꞌimainun ismina mitsux sinánñuira ꞌai quixun sinánquinbi camina a unicamax banaia cuëënquin cuatin, atúxa sinánñuma ꞌicëbi.

2 Corintios 11:29

Ui unix cara ami catamëcë ꞌaíshbi Jesucristomi manutia a uni cupí cana ꞌëxbi Jesucristomi manucësa ꞌaish masá nuitutin. Usa ꞌaish cana unían axa Jesucristomi catamëcë uni ꞌuchamicëbë ꞌëribia usoquin ꞌacësa ꞌaish rabíanan an a uni ꞌuchamicë unimi nishin.

2 Corintios 13:9

Nux cushimasa ꞌixunbi ꞌaquincëxmi mitsux upí ꞌain cananuna cuëënin. Mitsun ñu ꞌatima ꞌacëcama mëníocë ꞌaish upíshi ꞌinun cananuna ënquinma Nucën Papa Dios mitsu ñucáxunin.

2 Corintios 4:12

Aín bana ñuixuncë cupí nu bamamisa tani uni numi ësë́nanmainunbi camina mitsux nun nu ñuicë bana cuati Jesúsmi catamëti nëtë́timoi Nucën Papa Diosnan ꞌinux ië́cë ꞌain.

2 Corintios 6:8

Raíri uni nu ñui —a unicamax ca aín nuitu upí ꞌicë —quimainun raírinëxribishi nu ñui ꞌatimati banaia. Usaribitia raírinëx nun isanuna Nucën Papa Diosan bana upí oquin ñuixuni quimainun ca raírinëxribi nun isanuna Nucën Papa Diosan bana ꞌunáncëma ꞌai quia. Usaribiti ca raíri uníxa —Pablonën bana ca asérabi ꞌicë —quimainun raírinëxribishi —a banax ca cëmë ꞌicë —quia.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.