1 Corintios 3:8 - Kashibo-Kakataibo Biblia

⁸ Ainra paían uni bana ñuixuncë uni asaribi ca anribia uni bana ꞌunánmitëcëncë uni ax ꞌicën. Uisoquin cara aín ñu mëëti ꞌaxa istancëxun ca Nucën Papa Diosan a unicama cupíoti ꞌicën.

Nukën 'Ibu Diosan ain unikama 'inan ain bana

⁸ Ainra paían uni bana ñuixuncë uni asaribi ca anribia uni bana 'unánmitëcëncë uni ax 'icën. Uisoquin cara aín ñu mëëti 'axa istancëxun ca Nucën Papa Diosan a unicama cupíoti 'icën.

1 Corintios 3:8 ပူးပေါင်းရင်းမြစ်များ

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Lucas 19:19

Cacëxun ca ꞌapun caxa: Mix camina mëcën achúshi ëmanu ꞌicë unicaman cushi ꞌiti ꞌain.

Romanos 2:6

A nëtën ca Nucën Papa Diosan camabi uni uisaquin cara oti ꞌicë quixun isti ꞌicën, atun ñu ꞌacësabi oquin.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

1 Corintios 3:14

An a ñuiquin bana ñuixuncëxun cuati ami catamëquian unin Jesucristo quicësabi oquin ꞌacë ꞌain ca an atu bana ñuixuncë uni a Nucën Papa Diosan, upí oquin camina uni ꞌë ñuiquin bana ñuixuancë quixun caquin cuëënquin upí oquin cupíoti ꞌicën.

1 Corintios 3:7

An ñu bëru ꞌapácë uni ꞌimainun an a me ꞌunpaxan chabócë uni anbi ca ñu comima. Nucën Papa Diosan cuni ca comia. Usaribi oquin ca unin aín bana ñuixuniabi Nucën Papa Diosanshi uni Jesucristomi catamëti ainan ꞌinun ꞌimia.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

1 Corintios 9:7

Suntárunën ca anbi aín ñu maruima, ꞌapun cuni ca a ꞌinania. Usaribi oquin ca an ñu ꞌapácë unin an ꞌapácë ñuxa tuaia, aín bimi bixun piia. Usaribi oquin ca an vaca bërúancë unin vaca xuma bixun xëaia.

Gálatas 6:4

Ñu ꞌaquin ca aín unin —¿Cristo cuëëncësabi oquin carana ꞌai? —quixun sinánti ꞌicën. Usai ꞌi ca unían a cuëënti sinanima —Cristo cuëëncësabi oi cana ꞌi —quixun sináncë cupí a uni chuámarua tani cuëënti ꞌicën.

Gálatas 6:5

Cristonan ꞌixun ca unin uisa cara aín sinan ꞌicë quixun sinánan uisa ñu cara ꞌati ꞌicë quixun anbi sinánti ꞌicën.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

1 Pedro 5:4

Usoquin ꞌaia ca Jesucristo, unin ꞌacësamaira oquian an aín unicama bërúancë, an utëcënquin mitsu —asábi ca —quixun catancëxun aín nëtënuaxmi xënibua ꞌaínbi abë cuëënun mitsu ꞌimiti ꞌicën. Ënë nëtënuax cuaiquin canania uisa ñu cara ꞌináncëxun bitsia uni cuëëncëbëbi ca an bicë ñu chëquia. Usaía uni ꞌicë ꞌaínbi camina mitsux xënibua ꞌaínbi Nucën Papa Diosbë ꞌaish cuëënti ꞌain.

2 Juan 1:8

Usa ꞌaínbi ca an mitsun a ꞌati ꞌináncë ñucamami ax quicësabi oquin sënë́onquin ꞌaia a cupí aín nëtënuxun Nucën Papa Diosan an mëníosabi oquin mitsu ꞌimiti ꞌicën. Uisaira oquin cara ꞌimiti ꞌicë usoquian mitsu ꞌiminun camina an ꞌatimaquin Cristo ñuicë unían mitsu paránunma bërúanracati ꞌain.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

Apocalipsis 22:12

Xënibucëma ꞌain cana uti ꞌain. Uquin cana an ñu upí ꞌacë ꞌën unicama uisoquin cara ñucama ꞌaxa, usaribi oquin cupíoquin cuëënun ꞌimiti ꞌain.