1 Corintios 3:23 - Kashibo-Kakataibo Biblia

²³ ꞌIanan camina Cristonan ꞌain. Cristo ax ca Nucën Papa Diosnan ꞌicën.

Nukën 'Ibu Diosan ain unikama 'inan ain bana

²³ 'Ianan camina Cristonan 'ain. Cristo ax ca Nucën Papa Diosnan 'icën.

1 Corintios 3:23 ပူးပေါင်းရင်းမြစ်များ

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Juan 17:18

Minmi ënë nëtënu ꞌicë unicama mimi sinánun ꞌaquinun ꞌë xuásaribi oquin, cana ënë unicama mimi sinánun unicama ꞌaquinun xutin.

Juan 17:21

An ꞌën bana cuati unicaman, ꞌëmi catamëquin, bëtsin sináncësaribi oquin sinánti cupí cana mi ñucatin. Mixmi ꞌëbë ꞌimainun ꞌëx mibë ꞌicësaribitia nun sinánsaribi ꞌaish atux nubë achúshisa ꞌinun cana mi ñucatin. Ënë nëtënu ꞌicë unicaman, asérabi camina min ꞌë xuacë quixun ꞌunánuan atux bëtsin sináncësa oquinshi sinani, ꞌitsa ꞌaíshbi achúshisa ꞌinun cana mi ñucatin.

Romanos 14:8

Usa ꞌaish cananuna nux bamacëma pain ꞌaish Nucën ꞌIbu Jesucristo cuëëncësabi oi ꞌin. ꞌIanan cananuna nux anun bamati nëtë ucëbë ax cuëëncësabi oi abë ꞌinux bamati ꞌain. Nuxnu tsotax ꞌicësaribiti cananuna bamatancëxribi aín uni ꞌain.

1 Corintios 11:3

Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

1 Corintios 15:23

Nucën Papa Diosan mëníosabi oi ca Cristo pain baísquiacëxa. Baísquitancëx naínu cuan ꞌaísha ax utëcëncëbë ca aín unicama baísquiti ꞌicën.

1 Corintios 15:28

A camabi uni ꞌimainun camabi ñun ꞌIbu ꞌimicë ꞌixun, ca Cristonën Nucën Papa Dios —mix camina ꞌën ꞌApuira ꞌai —quixun canuxun ꞌaia. Usai ꞌicëbë ca Nucën Papa Dios aín unicama ꞌimainun uisa ñu cara, aín cushi ꞌiti ꞌicën.

1 Corintios 7:22

Uni an uni ñu mëëmicë uninan ꞌixun ca aín ꞌibu cuëëncësabi oquin ꞌaia. Usa ꞌaíshbi ca Nucën ꞌIbu Jesucristonën ainan ꞌinun ꞌimicë ꞌixun a unin an ñu mëëmicë uni ñu mëëxuníbi, Nucën ꞌIbu Jesucristomi catamëcë ꞌixun upí oquin ꞌacë ꞌaish, abi ꞌaxuncësa ꞌia. Usaribi oquin ca uni an uni ñu mëëxuncëma a Nucën Papa Diosan ainan ꞌinun Cristomi sinánmicë ꞌixun, ax aín bamati nëtë sënë́ntamainun Cristonën uni ꞌixun ax cuëëncësabi oquinshi ꞌaia.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

2 Corintios 10:7

Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Efesios 1:10

Ësaquin ca nu ꞌunánmiaxa: An ca anúan ax utëcënti nëtëa sënë́ncëbëtan Cristo xuti ꞌicën, an unio ñucama, naínu ꞌicë ꞌimainun menu ꞌicë aín ꞌibua ꞌinun.