1 Corintios 3:18 - Kashibo-Kakataibo Biblia

¹⁸ Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

Nukën 'Ibu Diosan ain unikama 'inan ain bana

¹⁸ Uni itsían mitsu sinanamiti rabanan camina bërúancati 'ain. Mitsun camina —'ënbi ñu 'unáncë cana 'ai —quixun sinántima 'ain. Usaquin sinanima camina Jesucristonën sinánmicë 'inux ñu 'unáncëma unisa 'iti 'ain.

1 Corintios 3:18 ပူးပေါင်းရင်းမြစ်များ

Proverbios 3:5

An ñu ꞌunánkë unix ka ësai kiakëxa: Min nuitunënbi sinani kamina Nukën ꞌIbu mi katamëti ꞌain, usai ꞌi kamina rabiakati ꞌën kana bëtsi unin ꞌakësamaira okin ñu ꞌunan kiax kitima ꞌain.

Proverbios 3:7

Min sinanën kamina ꞌëx kana ñu ꞌunainra ꞌai kiax kitima ꞌain; usai ꞌikima kamina Diosmishi katamëkin ñu ꞌatima ꞌatimi sinánkë a manuti ꞌain:

Isaías 44:20

Asérabi ka ax chimapu pikësashi ꞌikën. Ax ka unin nu këmëkin sinánxun paránkëshi ꞌikën. A unikamax ka ië́tima ꞌikën. Usa ꞌixun ꞌën ꞌakë ñukama ënëx ka këmëkinshi ꞌakë ꞌikë kixun ꞌunanima.

Jeremías 37:9

ꞌËx mitsun ꞌIbu ꞌain kamina bërúankati ꞌain: mitsúxi paránani kamina ësai kitima ꞌain, Babilonio unikamax ka rikianxa, usa ꞌain ka amiribishi nu ꞌai utëkëntima ꞌikën kiax kamina kitima ꞌain, usai ka ꞌitima ꞌikë usa ꞌain.

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 18:4

Ui unix cara ënë tuásaribi ꞌaish cha ꞌiti sinanima ꞌëmi catamëtia, ax ca Nucën Papa Dios naínu ꞌicë an iscëx aín uni raírisamaira ꞌicën.

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 18:17

Asérabi cana ꞌën mitsu cain, uix cara tuá xuratsua an a bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 21:8

Usaquin ñucácëxun ca Jesusan anun ax utëcënti nëtë ñuixunquin ësaquin cacëxa: —ꞌItsa unix ca: ꞌËx cana Cristo ꞌai, quianan: Jesús utëcë́nti nëtë ca uaxa quiax quiti ꞌicën. Usai quiquian mitsu paránti rabanan camina bërúancati ꞌain. Aín banax ca asérabi ꞌicë quixun camina sinántima ꞌain.

Romanos 11:25

ꞌËn xucë́antu, mitsux judíosma uni ꞌixun —nux cananuna judíos unían ꞌacësamaira oquin Cristomi catamëquin Nucën Papa Diosan aín unicama ꞌunánmiti ñu ꞌunáncë ꞌai —qui rabíaxma ꞌinun quixun cana ësaquin unin ꞌunáncëma ñu a ñuiquin mitsu cain: Judíosma unibu uicama cara Cristomi catamëti ꞌicë acamax pain ami catamëtamainun ca Nucën Papa Diosan judíos unicama aín patsan Jesucristomi catamëcëma ꞌaish usabi ꞌinun ëanxa.

Romanos 12:16

Camina bëtsibë bëtsibë nishananíma nuibananishi upiti banati ꞌain. Usai ꞌi camina cërúananima, axa uni itsibëtan sënë́nmara unibë upí ꞌaish abë upiti banati ꞌain. Rabíquin camina —ꞌën cana uni itsin ꞌacësamaira oquin ñu ꞌunanin —quixun sinántima ꞌain.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

1 Corintios 3:17

Aín Bëru Ñunshin Upí anu ꞌicë unicamax ca Nucën Papa Diosan iscëx upíira ꞌicën. Usa uni camina mitsux ꞌain. Usa ꞌain ca ui unin cara usa unicama sinanamiquin bëtsi bana ñuixunquin ami manumia, a Nucën Papa Diosan uisa cara oti ꞌicë usoquin ꞌati ꞌicën.

1 Corintios 4:10

Cristonën cacësabi oquin ꞌacë cupí mitsun iscëx nux ñuumara ꞌimainun camina mitsux aín bana ꞌunáncë ꞌain. Mitsun sináncëxa nun bana racuëti banacësa, ꞌimainun ca mitsun bana cushi ꞌicën. Usa ꞌicë nu timaquin nu ñuianan ca mitsuishi unin nuiia.

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

Gálatas 6:3

Ui unin cara asérabi upí ꞌixunmabi ax isa upí uni ꞌicë quixun sinania, ax ca aín sinanëinshi cëmëia.

Gálatas 6:7

Camina upí oquin ꞌunánti ꞌain, Nucën Papa Dios parani ca uni ami cuaitima ꞌicën. Ënëx ca ësa ꞌicën: An ꞌapácë ñu bëru aín bimibi ca unin biti ꞌicën.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.

Santiago 1:26

Ui unix cara —ꞌëx cana Nucën Papa Diosan bana cuacë ꞌai —quibi sinánxmaishi ꞌaisamairai banaia a unix ca Nucën Papa Diosan bana quicësabi oi ꞌíma cëmëia.

1 Juan 1:8

—ꞌËx cana ꞌuchañuma ꞌai —qui cananuna nuxbi cëmëin. Usa ꞌain ca nun bana asérabima ꞌicën.