1 Corintios 3:12 - Kashibo-Kakataibo Biblia

^12-13 Jesucristonën uni, an uni bana ñuixuncë, an ca Nucën Papa Diosan ꞌaquincëxun aín bana upí oquin ꞌunánquin, Jesucristomi catamëtia Nucën Papa Dios cuëëncësabi oi ꞌinun unicama ꞌunánmiti ꞌicën. Usa ꞌaínbi ca uni raírinën, usaquin ꞌunánmiquinma unicama Nucën Papa Dios cuëëncësabi oi ꞌinun ꞌunánmima. Usa ꞌain ca utëcënquin Jesucristonën uin cara aín bana upí oquin ꞌunánmiaxa quixun isnuxun ꞌaia. An upí oquin ꞌunánmicë unin ꞌunánmicë unicamax ca upí ꞌaish maxax upí ꞌimainun curi ꞌimainun uxu manë tsin nëënquinbi picëma usaribi ꞌiti ꞌicën. An upí oquinma ꞌunánmicë unin ꞌunánmicë unicamax ca i, pëi, basi xo acama nëënquin tsin picë usaribi ꞌiti ꞌicën.

Nukën 'Ibu Diosan ain unikama 'inan ain bana

^12-13 Jesucristonën uni, an uni bana ñuixuncë, an ca Nucën Papa Diosan 'aquincëxun aín bana upí oquin 'unánquin, Jesucristomi catamëtia Nucën Papa Dios cuëëncësabi oi 'inun unicama 'unánmiti 'icën. Usa 'aínbi ca uni raírinën, usaquin 'unánmiquinma unicama Nucën Papa Dios cuëëncësabi oi 'inun 'unánmima. Usa 'ain ca utëcënquin Jesucristonën uin cara aín bana upí oquin 'unánmiaxa quixun isnuxun 'aia. An upí oquin 'unánmicë unin 'unánmicë unicamax ca upí 'aish maxax upí 'imainun curi 'imainun uxu manë tsin nëënquinbi picëma usaribi 'iti 'icën. An upí oquinma 'unánmicë unin 'unánmicë unicamax ca i, pëi, basi xo acama nëënquin tsin picë usaribi 'iti 'icën.

1 Corintios 3:12 ပူးပေါင်းရင်းမြစ်များ

Salmos 19:10

¡Usa ꞌaish ka kuri upíira kupíkë usamaira ꞌikën! ¡ꞌianan ka buna rëpa bataira ꞌain bánu ꞌikë usaribi ꞌixun nu ꞌunánmia!

Éxodo 5:12

Ësakian kakëx ka Israel unibu Egipto mekamanu kuani basi bari abísakëxa, abístankëxun ka basi paxa basi chushikë, ꞌakësaribi okin ꞌati biakëxa.

Proverbios 8:10

Usa ꞌain ka ñuñu ꞌisatanan kuríkiñu ꞌianan kuriñu ꞌisatankin sinánkë a ꞌimainun ꞌën ꞌunánmikë banakama ꞌashi ꞌunánkanti ꞌikën.

Isaías 60:17

“Usa ꞌain kana manë panshian ꞌinánkinma kuri mi ꞌinánti ꞌain, ꞌimainun kana manë iru ꞌinánkinma manë uxua a mi ꞌinánti ꞌain, ꞌanan kana i ꞌinánkinma manë panshian a mi ꞌinánti ꞌain. ꞌAnan kana maxá ꞌinánkima manë tunan mi ꞌinánti ꞌain. Usakin ꞌanan kana upiti tsótimi bukukanun ꞌimiti ꞌain, ꞌimianan kana upiokinshi ñu ꞌanun mitsu ꞌamiti ꞌain.

Jeremías 23:28

¡An Dios kikë bana ñuikë unin namáxun ka aín namákë ashi bëtsi ñu ñuikinma ñuiti ꞌikën, ꞌaínbi ka uin kara ꞌën bana ñuia an ꞌën banaishi ñui kiti ꞌikën! Usai ka Nukën ꞌIbu kiakëxa.

Hechos 20:30

Ësaquinribi cana ꞌunanin, axa Jesucristomi catamëcë unicamabë timë́cë unicama bëtsi bëtsin ca Nucën Papa Dios cuëëncësabi oquin ñuixunquinma, cëmë bana ñuixunti ꞌicën, a bana quicësabi oi isa ꞌinun quixun.

Romanos 16:17

ꞌËn xucë́antu, cana mitsu cain, bëtsi bëtsi unix Jesucristomi catamëcë ꞌaish mitsubë timë́cë ꞌixunbi ca an mitsu bana ñuixuncë unin ꞌunánmicësabi oquin ꞌaima. Usa unin ca uni raíri bëtsibë bëtsibë cuëbicanánmiquin ꞌatimaquin sinánun ꞌimia. Usai ꞌicë uni abë camina nitima ꞌain. Abë camina ënánanti ꞌain.

1 Corintios 3:11

Unían bëtsi bana ñuixuncëxbi ca ꞌën a ñuiquin ñuixuncë banaishi cuati Jesucristomi catamëti uni Nucën Papa Diosnan ꞌiti ꞌicën.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

2 Corintios 4:2

Uni itsimi unë́xunu ꞌacë ñucama ënquin cananuna a ꞌaínu rabínti ñu ꞌatimaribi ꞌaiman. Uni paránti sinánquinma cananuna Nucën Papa Diosan banaribi bëtsi oquinma ax asérabi quicë banaishi uni ñuixunin. Usaquin ñuixunia cuaquin ca camabi unin ꞌunánti ꞌicën, Nucën Papa Diosan iscëxun cananuna ax quicësabi oquin aín bana ñuixuni quixun.

Colosenses 2:8

An uni bëtsi bëtsi bana ñuixunquin paráncë unicaman mitsu, Cristomi catamëcë ꞌicëbi, ami manúnun quixun paránti rabanan camina bërúancati ꞌicanin. A unicaman ca Cristo ñuiquinma atúnbi sinánxuan unin ñuicë bana ꞌimainun ënë nëtënu ꞌicë ñu sinánti, a banacamaishi uni ꞌunánmia.

1 Timoteo 6:3

Ui unin cara unínbi sináncë bana uni ꞌunánmiquin Nucën ꞌIbu Jesucristonën ñuicë bana, anun uni ië́ti, a ꞌimainun an sinánmicëxuan aín unicamanribi ñuicë bana cuaisama tania,

2 Timoteo 2:20

Ñuñu unin xubu chanu ca curi ꞌacë xanpa ꞌimainun uxu manë ꞌacë xanpa ꞌimainun i ꞌacë xanparibi ꞌimainun mapú ꞌacë xanparibi ꞌicën. Usa ꞌain ca curi ꞌacë ꞌimainun uxu manë ꞌacë upíira anúinshi aín ꞌibun piti ꞌicën. Usa ꞌaínbi ca i ꞌacë ꞌimainun mapú ꞌacë ñu ax anun ñu ꞌarutishi ꞌicën.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

2 Timoteo 3:7

Usa ꞌixun ca bëtsi bëtsi bana cuaquinbi uisai cara Jesucristomi catamëti ꞌicë quixun ꞌunanima.

2 Timoteo 4:3

Jesucristo utëcënti nëtë ꞌurama ꞌain ca unin Nucën Papa Diosan bana anúan atux upí ꞌiti a cuaisama tanti ꞌicën. A bana cuaisama tanquin ca unin, ainsa atúan cuaisa tancë bana ñuixunun quixun bëtsi unicama bariti ꞌicën.

Hebreos 13:9

Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.

Apocalipsis 21:18

Cënëcë ax ca jaspe cacë maxax paxa ꞌaíshbi tunántani ꞌaish, nibaníbaquicë ꞌiaxa. ꞌImainun ca a ëmanu ꞌicë ñucama ax curi upí ꞌacë ꞌaish, bëxnan bëxnánquicësa ꞌiaxa.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.