1 Corintios 2:9 - Kashibo-Kakataibo Biblia

⁹ Nun nu ñuicë banax ca Nucën Papa Diosan bana cuënëosaribi ꞌicën. A banax ca ësai quia: Uinu ꞌicë unínbi ca iscëma ꞌicën, uinu ꞌicë unínbi ca a ñui quia cuacëma ꞌicën, uinu ꞌicë unínbi ca aín sinanën sináncëma ꞌicën, uisairai cara an a nuibacë uni abë ꞌaish ꞌiti ꞌicë quixun, Nucën Papa Diosan mëníosabi oi.

Nukën 'Ibu Diosan ain unikama 'inan ain bana

⁹ Nun nu ñuicë banax ca Nucën Papa Diosan bana cuënëosaribi 'icën. A banax ca ësai quia: Uinu 'icë unínbi ca iscëma 'icën, uinu 'icë unínbi ca a ñui quia cuacëma 'icën, uinu 'icë unínbi ca aín sinanën sináncëma 'icën, uisairai cara an a nuibacë uni abë 'aish 'iti 'icë quixun, Nucën Papa Diosan mëníosabi oi.

1 Corintios 2:9 ပူးပေါင်းရင်းမြစ်များ

Isaías 64:4

Uinsaranbi ka uinu ꞌikë unínbi, anu ka misaribi bëtsi dios ꞌikë kixun ñuia unin kuananbi ꞌisama ꞌikën, usa ꞌain ka bëtsi dios an min ꞌakësokin an ñu ꞌakin, axa ami katamëkë unikama ꞌakinkin ꞌakë ꞌaíma ꞌiakëxa.

Isaías 65:17

“Ësai ka Dios kiakëxa: Ka kuat, ꞌën kana naíkamë ꞌëo ió ꞌanan me ióribi ꞌatëkënti ꞌain. Usa ꞌain ka ax pain ꞌia naíkamë ꞌëo xëni a ꞌimainun me xëni a uínbi sinántëkëntima ꞌikën.

Mateo 20:23

Cacëxun ca Jesusan cacëxa: —ꞌËn ꞌacësaribi oquin camina bëtsi bëtsi ocë ꞌiti ꞌain. Usa ꞌaínbi cana ꞌën, mix camina ꞌën mëqueu tsónan ꞌën mëmiu tsóti ꞌai quixun ui unibi caiman. ꞌËn Papa Diosan cuni ca cati ꞌicën, uix cara anu tsóti ꞌicë quixun, an mëníosabi oía ꞌinun.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

Hebreos 11:16

Cuantëcënti ꞌaíshbi ca anu cuantëcëinsama tancëxa. A menu ꞌicësamaira oi bëtsi nëtë, upíira a Nucën Papa Diosan atu mëníoxuncë, anu ꞌiti ca cuëëancëxa. Usa ꞌain ca Nucën Papa Dios —ꞌëx cana atun Dios ꞌai —quixun sinani cuëënia. Usai cuëënquin ca anua atux abë ꞌiti nëtë mëníocëxa.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.

1 Juan 4:19

An paían nu nuiba ꞌain cananuna nuxribi Nucën Papa Diosmi sinani ami catamëtin.