1 Corintios 2:8 - Kashibo-Kakataibo Biblia

⁸ Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

Nukën 'Ibu Diosan ain unikama 'inan ain bana

⁸ Ënë menu 'icë 'apucaman ca a bana 'unánma 'icën. A bana 'unánxun ca Nucën 'Ibu Jesús, Diossaribi cushi, a i curúsocënu matásmiama 'itsíanxa.

1 Corintios 2:8 ပူးပေါင်းရင်းမြစ်များ

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 7:48

Achúshira nun ꞌapúnbi ca axa quicë aín banax ca asérabi ꞌicë quixun sináncëma ꞌicën. Usaribi oquin ca achúshira fariseo unínbi axa quicë banax ca asérabi ꞌicë quixun sináncëma ꞌicën.

Juan 8:19

Usaquian Jesusan cacëxun ca fariseo unin cacëxa: —¿Uinu cara min Papa ꞌic? Cacëxun ca Jesusan cacëxa: —Mitsun camina ꞌunaniman, ui carana ꞌëx ꞌai quixun. ꞌËn Paparibi camina ꞌunaniman. Asérabi ui carana ꞌai quixun ꞌë ꞌunánquin camina ꞌën Paparibi ꞌunántsian.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.

Hechos 7:2

Cacëxun ca Estebanën cacëxa: —ꞌËn aintsicama ꞌimainun caniacëcë unicama nun cushibu, ꞌën mitsu camainun ca cuat. Nucën rara Abrahamnëx ca Harán cacë menu ꞌiisama pain ꞌaish Mesopotamia menu ꞌiacëxa. Anua ꞌicë ca ax upíira ꞌixun nucën rara Abraham Nucën Papa Diosan cacëxa:

1 Corintios 1:20

Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

1 Corintios 2:6

Axa Jesucristomi catamëcë unicaman aín bana quicësabi oquin ꞌaia cananuna a unicama uisaira cara aín banacama quia quixun ñuixunin. Nun banax ca ënë nëtënu ꞌicë axa Cristomi catamëcëma unicaman ñuicë bana ama ꞌicën. ꞌIanan ca aín ꞌapucaman ñuicë bana ama ꞌicën. Acaman banaxa cushi ꞌicëbi ca xënibuquin unin sinanima.

2 Corintios 3:14

Israel unibunën ca uisashi oquin cara Nucën Papa Diosan atu upí ꞌimitisa tancëxunbi ꞌunánma ꞌicën. Usa ꞌaish ca bëmápucucësa ꞌiacëxa. Bërí nëtë́nribi ca a bana isquinbi cuatima. Cristomi catamëquin cuni ca unin, uisashi oquin cara Nucën Papa Diosan Moisés ꞌinan bana quicësabi oi ꞌinun aín unicama ꞌimiti ꞌicë quixun ꞌunánti ꞌicën.

Efesios 1:17

Nucën ꞌIbu Jesucristonën Dios ꞌianan ꞌApuira, Nucën Papa Dios, a cana an ꞌunánmicëxunmi upí oquin sinánquin a ꞌunáncanun quixun mitsu ñucáxunin.

Efesios 4:18

Usa ꞌaish ca bëánquibucë ꞌain mancasmatia uni bënë́cësaribi oi ꞌia. Cristo ñui quicë bana cuaisama tancë ꞌixun ca ainan ꞌiti ꞌunáncëma ꞌaish Nucën Papa Diosnan ꞌitsianxbi ainanma ꞌicën.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.