1 Corintios 16:6 - Kashibo-Kakataibo Biblia

⁶ Cuantancëx bëbatancëx sapi cana mitsunu pan ꞌiti ꞌain, anuxun mita inúmi. ꞌItancëx anuax cuania camina ꞌën cuanti ꞌë mëníoxuncanti ꞌain.

Nukën 'Ibu Diosan ain unikama 'inan ain bana

⁶ Cuantancëx bëbatancëx sapi cana mitsunu pan 'iti 'ain, anuxun mita inúmi. 'Itancëx anuax cuania camina 'ën cuanti 'ë mëníoxuncanti 'ain.

1 Corintios 16:6 ပူးပေါင်းရင်းမြစ်များ

Hechos 15:3

Xuquian Antioquíanu ꞌicë unicaman —bërúanx ca cuantan —quixun cacëx cuani Fenicia me ꞌabiani cuanan Samaria me ꞌabiani cuanquin ca —judíosma unicamaxribi ca sinanati Jesucristomi catamëaxa —quixun ñuixuancëxa. Usaquian ñuia cuati ca Fenicia ꞌimainun Samarianu ꞌicë axa Jesucristomi catamëcë unicamax cuëë́inra cuëë́ancëxa.

Hechos 17:15

Bërúmainun ca an buáncë unicaman Pablo Atenas ëmanu buáncëxa. Buántancëxun a ëbianía Bereanu cuantëcënia ca Pablonën a unicama Timoteocëñuan Silas bënëtishi a isi unun quixun camiacëxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 27:12

Usa ꞌain ca mita inúmi anu ꞌiti cuëënquinma, unicama aín patsanën ësaquin sináncëxa: —Ënuax cuanx caranuna Fenice ëma, Creta nasí aúa bari cuabúcë, au cuanx mita inútamainun anu ꞌi cuanti ꞌai quixun cananuna tanti ꞌain.

Hechos 28:11

Usa ꞌain cananuna rabë́ ꞌimainun achúshi ꞌuxën Malta nasínu ꞌiacën. ꞌItancëx cananuna anuxun mita inúmia aín ꞌibu anu ꞌain, Alejandríanuxuan bëcë manë nunti anun cuanux anu ꞌiruacën. A manë nuntin rëbunu ca uni rabëtan bëmánan tanxun ꞌacë i ꞌiacëxa, ax ca Cástor ꞌimainun Pólux caquin anëcë ꞌiacëxa.

Romanos 15:24

Usa ꞌain cana bërí cuanti sinanin. Cuanx ꞌitsama nëtëishi mitsubë ꞌiquiani España nëtënu mitsúnmi ꞌë ꞌaquinmainun cuanti cana sinanin.

1 Corintios 16:11

Usa ꞌain camina a ñui uisaíbi banacantima ꞌain. Axa nucën xucë́antu raíribë aia cana cainin. Usa ꞌain camina mitsubë ꞌitancëxa ënu unun anúan uti ñu ꞌinánan upí oxun xuti ꞌain.

2 Corintios 1:16

Macedonia menu cuanquin mitsu isbiantancëxun Macedonia menuax utëcënquinribi mitsu isti cana sinan. Anu ꞌicëmi Judea menu cuanun mitsun ꞌë ꞌaquinti cana sinan.

Tito 3:12

Nicópolisnuxun mita inúmiti cana sinanin. Usa ꞌain, Artemas carana xuti ꞌain, Tíquico carana xuti ꞌain, xucëbë camina panatima Nicópolisnu ꞌë isi uti ꞌain.