1 Corintios 16:16 - Kashibo-Kakataibo Biblia

¹⁶ A unicamabë upí ꞌianan camina aín bana cuati ꞌain. An ꞌacësaribi oquin ñu ꞌacë unicama ꞌimainun an unicama ꞌaquinquin ñu mëëcë unicama camina abë upí ꞌianan aín bana cuati ꞌain.

Nukën 'Ibu Diosan ain unikama 'inan ain bana

¹⁶ A unicamabë upí 'ianan camina aín bana cuati 'ain. An 'acësaribi oquin ñu 'acë unicama 'imainun an unicama 'aquinquin ñu mëëcë unicama camina abë upí 'ianan aín bana cuati 'ain.

1 Corintios 16:16 ပူးပေါင်းရင်းမြစ်များ

Romanos 16:12

Trifena ꞌimainun Trifosa, a xanu rabë́ Nucën ꞌIbu Jesucristomi catamëcë ꞌixun tëmëraquinbi ax cuëëncësabi oquin ꞌacë, aribi camina bërúanxa ꞌinun ꞌë caxunti ꞌain. Nucën chirabacë Pérsida, a nun sináncë, anribi tëmëraquinbi upí oquin Nucën ꞌIbu Jesucristo cuëëncësabi oquin ñu ꞌacë, aribi camina bërúanxa ꞌinun ꞌë caxunti ꞌain.

Romanos 16:3

Priscila ꞌimainun Aquila, an ꞌëbëtan Cristo Jesús ñuiquin bana ñuixuncë, a camina bërúanxa ꞌinun ꞌë caxunti ꞌain.

Romanos 16:6

María an mitsu ꞌitsa oquin ꞌaquincë, aribi camina bërúanxa ꞌinu ꞌë caxunti ꞌain.

Romanos 16:9

Urbano an nubëtan Cristo Jesús ñuiquin bana ñuixuncë, a ꞌimainun Estaquis, ꞌën nuibacë, aribi camina bërúanxa ꞌinun ꞌë caxunti ꞌain.

1 Corintios 12:28

Nucën Papa Diosan mëníosabi oquin ca axa Jesucristomi catamëcë unicaman bëtsi bëtsi ñu ꞌaia. Raíri unix ca aín bana ñuixunuan Jesucristonën caíscë ꞌia. Raíri unin ca Nucën Papa Dios quicë bana unicama ñuixunia. Raíri unin ca axa Jesúsmi catamëcë unicama aín bana ꞌunánmia. Raíri unin ca uni itsin ꞌacëma ñu ꞌaia. Raíri unínribi ca uni ñucë pëxcuia, raíri unin ca unicama ꞌaquinia, raíri unix ca Nucën Papa Diosan bana cuatia timë́cë unicama aín cushi ꞌia, raíri uníxribi ca Nucën Papa Dios rabi unían cuatima banan banaia.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Filipenses 4:3

An ꞌëbëtan Jesucristo ñuiquin uni bana ñuixuncë a cana ësoquin cain, ënë xanu rabë́ camina bëtsibë upí ꞌinun ꞌaquinti ꞌain. Atun ca ꞌë ꞌimainun Clemente, ꞌimainun anribia ꞌën ꞌacësaribi oquin aín bana ñuixuncë a unicamabëtan, Jesucristomia sinánun unicama ꞌaquianxa. An usoquin uni ꞌaquincë unicaman anë ca Nucën Papa Diosbë ꞌitioquian aín nëtënu ꞌicë quiricanu cuënëo ꞌicën.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Tesalonicenses 2:9

Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.

1 Tesalonicenses 5:12

Nucën xucë́antu, cananuna mitsu cain, mitsun cushicama ꞌimainun an mitsu ꞌaquincëcama ꞌimainun an mitsu Nucën ꞌIbu Jesús ñuiquin ꞌësëcë unicama acaman mitsu cacësabi oquin ꞌanan camina atun bana cuati ꞌain.

1 Timoteo 5:17

Aín cushían upí oquin ꞌaquincëxun ca axa Jesucristomi catamëcë unicaman ami sinánquin nuibaquin aín bana cuati ꞌicën. Usa ꞌixun ca bëtsi ꞌacësamaira oquin an bana ñuixuanan upí oquin ꞌunánmicë, ami sinánquin nuibanan upíira oquin aín bana cuati ꞌicën.

Hebreos 13:17

Mitsun cushicaman ca mitsúxmi upiti Jesucristomi sinánun mitsu ꞌaquinia. Usaquin mitsu ꞌaquinuan Nucën Papa Diosan caíscë ꞌixun ca an cacësabi oquin upí oquin ꞌaisa tania, ax cuëëntanun. Usa ꞌain camina aín bana cuaquin atux quicësabi oquin ꞌati ꞌain. Mitsun usaquin ꞌaia isquin ca atun masá nuituquinma cuëënquin mitsu ꞌaquinti ꞌicën. A unicaman bana cuaquinbimi an cacësa oquin ꞌaiama isi ca Nucën Papa Dios cuëëntima ꞌicën.

Hebreos 13:24

Anu ꞌicë Jesucristomi catamëcë unicama ꞌimainun mitsun cushicama a camina bërúanxa ꞌinun ꞌë caxunti ꞌain. Italianuax ucë unicamanribi ca mitsu bërúanxmi ꞌinun mitsu camia.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

3 Juan 1:8

Usa ꞌain cananuna nunbi atu ꞌaquinti ꞌain, Nucën Papa Diosan bana upí oquin ñuia ninun.

Apocalipsis 2:3

Usai tëmëraquinbi camina mitsun ꞌëmi sinánti ëncëma ꞌain. ꞌËnan ꞌicë cupí unin ꞌatimocëxunbi camina ënquinma ꞌëmi sinánquin ꞌëx cuëëncësabi oquin ꞌan.