1 Corintios 16:14 - Kashibo-Kakataibo Biblia

¹⁴ Uisa ñu caramina ꞌain a ꞌaquin camina uni nuibaquin ꞌati ꞌain.

Nukën 'Ibu Diosan ain unikama 'inan ain bana

¹⁴ Uisa ñu caramina 'ain a 'aquin camina uni nuibaquin 'ati 'ain.

1 Corintios 16:14 ပူးပေါင်းရင်းမြစ်များ

Juan 15:17

Usa ꞌain cana mitsu catëcënin, camina bëtsibë bëtsibë nuibananti ꞌain.

Romanos 14:15

Usa ꞌain ca axa —ꞌën usa ñu pi cana ꞌuchati ꞌai —quixun sinánquinbi mitsúnmi ꞌaia isquin anribi usa ñu pi ꞌuchacë, ax ca min ꞌucha ꞌiti ꞌicën. Min a uni nuibacëma ꞌixun camina usaquin ꞌan. Usa ꞌain camina mitsun an picëma ñu piquin, anun rabanan Cristo bama ꞌicëbi, uni ꞌuchamitima ꞌain.

1 Corintios 12:31

Camabi ñu ꞌaquinmabi camina añu ꞌaquin caramina camabi unia Jesucristomi upiti sinánun ꞌaquinti ꞌai, a ñumi ꞌanúan mi ꞌaquinun Nucën Papa Dios ñucáti ꞌain. A ñucamami upí oquin ꞌaiabi cana mitsu ꞌunánmiti ꞌain, bëtsi ñu upíirami ꞌanun.

1 Corintios 14:1

Usa ꞌain camina manúquinma unicama nuibati ꞌain. Nuibanan camina Nucën Papa Diosan Bëru Ñunshin Upitan mitsu bëtsi bëtsi ñumi ꞌanun ꞌamiti cuëënti ꞌain. Bëtsi ñu ꞌati cuëëncësamaira oi camina an mi sinánmicëxun aín bana upí oquin unicama ñuixunti cuëënti ꞌain.

1 Corintios 16:15

ꞌËn xucë́antu, camina ꞌunanin, Acaya menu ꞌicë raírinëxa ꞌicëma pan ꞌain ca Estéfana ꞌimainun aín xubunu ꞌicëcamax Jesucristomi catamëacëxa. Ami sinánquin ca axa Jesucristomi catamëcë unicama ꞌaquinquin ñu ꞌaxunia. —Ësaquin nun ꞌati ënëx ca nun ñu mëëti ꞌicë —quixun ca sinánxa.

1 Corintios 8:1

Unían unínbi ꞌacë ñu rabiquin ꞌaracacë ñuina ꞌacë a namix cara piisa ꞌicë quixunmi ꞌë ñucácë bana, a ñuiquin cana ësaquin mitsu cain. ꞌËn ꞌunáncësaribi oquin camina mitsun asérabi ꞌunan, Nucën Papa Diosëshi dios ꞌain ca unin ꞌacë ñu rabiquin ñuina rëcë a nami ax bëtsi namisaribi ꞌaish piti ꞌicën. Usaquin sinani ca uni raíri ainra isa ñu ꞌunánxa quixun sinani, a nami pi, bëtsibë cëruanánia. Usa ꞌaínbi ca raírinëx, a namix ca bëtsi namisaribi ꞌaish piti ꞌicë quixun ꞌunánxunbi an picëma unicama nuibaquin ꞌuchamisama tanquin piima, Jesucristonën sinánsaribi ꞌixun.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

1 Tesalonicenses 3:6

Usa ꞌaínbi ca Timoteonën mitsunuax uxun nu caxa, mitsun camina asérabi Jesucristomi catamëanan bëtsibë bëtsibë nuibananquin, nun mitsu ꞌacësaribi oquin ꞌitsaira istisa tanquin nu sinani quixun.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.

1 Pedro 4:8

ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.