1 Corintios 16:12 - Kashibo-Kakataibo Biblia

¹² Nucën xucën, Apolo, a ñuiquinmi mitsun ꞌë ñucácë, a ñuiquin cana mitsu cain, a cana axa Jesucristomi catamëcë uni raíribëa mitsu isi cuantánun quixun can. Cacëxbi ca bërí cuainsama tanxa. Usa ꞌain ca uinsaran cara cuanti ꞌicë quixun isti ꞌicën.

Nukën 'Ibu Diosan ain unikama 'inan ain bana

¹² Nucën xucën, Apolo, a ñuiquinmi mitsun 'ë ñucácë, a ñuiquin cana mitsu cain, a cana axa Jesucristomi catamëcë uni raíribëa mitsu isi cuantánun quixun can. Cacëxbi ca bërí cuainsama tanxa. Usa 'ain ca uinsaran cara cuanti 'icë quixun isti 'icën.

1 Corintios 16:12 ပူးပေါင်းရင်းမြစ်များ

Eclesiastés 3:1

Ënë menu ka anun kamabi ñu ꞌiti nëtë ꞌikën; usa ꞌain ka uínsaran kara ꞌia a nëtë ꞌikëbë anun ñukamax ꞌia:

Marcos 6:21

Usa ꞌaínbi ca achúshi nëtë anun Juan ꞌati nëtë ꞌiacëxa. Axa anun bacë́an nëtë ꞌain ca Herodesnën aín tucuricubu ꞌimainun aín suntárunën ꞌapucama ꞌimainun Galileanu ꞌicë aín cushi uniburibi abëtan pi unun camiacëxa.

Hechos 15:34

Usa ꞌaínbi ca Silanën Judas cuantámainun ax bërúti sináncëxa.

Hechos 18:24

Pablonëan Galacia menu cuanan Frigia menuribi cuanquin axa Jesucristomi catamëcë unicama ꞌësëmainun ca Alejandría ëmanu ꞌicë judíos uni achúshi, Apolo, ax Efeso ëmanu cuanx anu ꞌiacëxa. Ax ca an Nucën Papa Diosan bana cuënëo upí oquin ꞌunáncë ꞌaish unicama upí oquin bana ñuixuncë ꞌiacëxa.

Hechos 19:1

Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

1 Corintios 1:12

Usoquian cacëxun ꞌën sináncëx ca ësa ꞌicën: mitsu raírinëx ca ax isa ꞌën ꞌunánmicë ꞌicë quia. Quimainun ca raírinëxribi ax isa Apolonën ꞌunánmicë ꞌicë quimainun, raírinëxribishi ax isa Pedronën ꞌunánmicë ꞌicë quimainun raírinëxribishi ax isa Cristonën ꞌunánmicë ꞌicë quiax quia.

1 Corintios 3:22

ꞌË ꞌimainun Apolo ꞌimainun Pedro, nucaman mitsu ñuixuncë banacama camina camaxunbi ꞌunánti ꞌain. Nucën Papa Diosan ca ënë menu ꞌicë ñu mitsu ꞌinania. An ꞌimicëx camina ënë menu upiti bucuin. An ꞌimicëx camina bamatancëxbi abë upiti bucuti ꞌain. Bërí camina an ꞌimicëx asábi ꞌain, usabi camina ꞌiti ꞌain, xënibua ꞌaínbi.

1 Corintios 3:5

¿ꞌËx Pablo ꞌaish carana min sináncëx uisa uni ꞌain? ¿Mitsun sináncëx cara Apolo uisa uni ꞌic? Nucën Papa Diosan nu sinánmicësabi oquin mitsu bana ñuixuncëishi cananuna nux ꞌain. Nun aín bana ñuixunia cuati camina Nucën ꞌIbu Jesucristomi catamëacën.

Tito 3:13

Ucëma pain ꞌixun camina an bana ꞌunánquin unicama ꞌësëcë uni, Zenas, abëtan Apolonën cuanuxun aín ñu mëníoia ꞌaquinti ꞌain. ꞌAquianan camina cuania uisa ñu cara cuëënia a ꞌinánti ꞌain.

Tito 3:4

Usaínu ꞌiá ꞌicëbi ca Nucën Papa Dios, an nu ainan ꞌinun ië́miti, an, an ca upíira ꞌixun nu nuibatia quixun nu ꞌunánmiacëxa.