1 Corintios 16:1 - Kashibo-Kakataibo Biblia

¹ Axa Jesucristomi catamëcë unicama curíqui ꞌinánti ñuiquinmi ꞌë ñucácëxun cana mitsu cain, ꞌën Galacia menu ꞌicë unicama cacësabi oquin camina mitsúnribi curíqui ꞌinánti ꞌain.

Nukën 'Ibu Diosan ain unikama 'inan ain bana

¹ Axa Jesucristomi catamëcë unicama curíqui 'inánti ñuiquinmi 'ë ñucácëxun cana mitsu cain, 'ën Galacia menu 'icë unicama cacësabi oquin camina mitsúnribi curíqui 'inánti 'ain.

1 Corintios 16:1 ပူးပေါင်းရင်းမြစ်များ

Hechos 11:28

Acama achúshinëx ca Agabo caquin anëcë ꞌiacëxa. An ca Nucën Papa Diosan Bëru Ñumshin Upitan ꞌunánmicë ꞌaish niruquin anu ꞌicë unicama cacëxa, camabi menu ꞌicë unix ca pitiñuma ꞌiti ꞌicë quixun. Axa usai quicësabi oi ca Claudio cacë uníxa ꞌapu ꞌain ꞌiacëxa.

Hechos 11:30

Sinánxun achúshi achúshinën ꞌitsaira curíquiñu an ꞌitsa nanmainun ꞌitsamashi curíquiñu anribi ꞌitsamashi nantancëxun a curíquicama Saulocëñun Bernabé ꞌinánquin cacáncëxa: —Ënë curíquicama camina Judeanuxuan an Jesucristomi catamëcë unicama bana ñuixuncë unicama a ꞌinánti ꞌai —quixun.

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 18:23

Antioquíanu ꞌëora pain ꞌitancëx ca Galacia menu ꞌicë ëma ꞌimainun Frigia menu ꞌicë ëmacama oi cuanquin Pablonën axa Jesucristomi catamëcë unicama upiti Jesucristomi sinani ax cuëëncësabi oi ꞌinun quixun caquin atu ꞌësëacëxa.

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Hechos 9:13

Usaquian cacëxun cuaquin ca Ananíasnën cacëxa: —Itsaira unin ca ꞌë caxa, a unin ca ꞌaisama ñu ꞌaquin, axa Jerusalénuax mimi catamëcë unicama bëtsi bëtsi oia quixun.

Hechos 9:41

Usariashi ca Pedronën mëínquin biruacëxa. Birutancëxun ca axa Jesucristomi catamëcë unicamacëñunbi casunamëcë xanucamaribi cuënxun axa baísquicë xanu atu ismiacëxa.

Romanos 12:13

Axa Cristomi catamëcë uni ñuñuma ꞌaish ꞌaquinsa ꞌicë camina min ñu raíri ꞌinánti ꞌain. ꞌInánan camina axa min xubunu bëbacë uniribi pimianan anua ꞌuxtiribi ꞌinánti ꞌain.

1 Corintios 11:34

Usai ꞌiimi upiti timëtiama isquian Nucën Papa Diosan mitsu castícanti rabanan camina panancë ꞌixun mitsun xubunuxun piti ꞌain. Usa ꞌain cana mitsu isi cuanxun uisai caramina ꞌicani, a mitsu mëníoxunti ꞌain.

1 Corintios 16:15

ꞌËn xucë́antu, camina ꞌunanin, Acaya menu ꞌicë raírinëxa ꞌicëma pan ꞌain ca Estéfana ꞌimainun aín xubunu ꞌicëcamax Jesucristomi catamëacëxa. Ami sinánquin ca axa Jesucristomi catamëcë unicama ꞌaquinquin ñu ꞌaxunia. —Ësaquin nun ꞌati ënëx ca nun ñu mëëti ꞌicë —quixun ca sinánxa.

1 Corintios 4:17

Mitsúxmi ꞌëx ꞌicësaribiti ꞌinun cana Timoteo mitsu istánun xuan. ꞌËn bana ñuia cuati axribi asérabi Nucën ꞌIbu Jesucristomi catamëcë ꞌaish ca ꞌën nuibacë bëchicësa ꞌicën. Mitsunu cuanxun ca uisai carana ꞌëx Jesucristomi catamëcë ꞌaish ꞌi, a mitsu ñuixunti ꞌicën. Camabi ëmanuaxa timë́cë axa Jesucristomi catamëcë unicama a cana usai cana ꞌëx Jesucristomi catamëti ꞌi quixun ꞌunánmin.

Gálatas 1:2

Ënu ꞌicë axa ami catamëcë unicamabëtan cana Galacia mecamanu ꞌicë ëmacamanuaxmi Jesucristomi catamëcë ꞌicë, ënë quirica mitsu cuënëoxunin.

Gálatas 2:10

Canan ca ësoquinshi nu cacëxa, —camina ñuñuma uni ꞌaquinti ꞌai —quixun. Usoquin ꞌati cana sináncën.

Filemón 1:7

ꞌËn xucën, cana mi cain, axa anuax Jesucristomi catamëcë uni raírinëan masá nuitucë ꞌixunbi minmi nuibaquin ꞌaquincëxun upí oquin sinania ñuia cuaquin cana cuëënquin upí oquin sinan.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.