1 Corintios 15:9 - Kashibo-Kakataibo Biblia

⁹ ꞌËx axa Jesucristomi catamëcë unicama bëtsi bëtsi ocë ꞌaish cana ꞌëx Jesusan aín bana ñuixunun caíscë uni raíribë sënë́nma ꞌaish acama meuraira ꞌain. Usa ꞌaish an caíscë uni ꞌiisama ꞌicëbi ca ꞌë aín bana ñuixunun cacëxa.

Nukën 'Ibu Diosan ain unikama 'inan ain bana

⁹ 'Ëx axa Jesucristomi catamëcë unicama bëtsi bëtsi ocë 'aish cana 'ëx Jesusan aín bana ñuixunun caíscë uni raíribë sënë́nma 'aish acama meuraira 'ain. Usa 'aish an caíscë uni 'iisama 'icëbi ca 'ë aín bana ñuixunun cacëxa.

1 Corintios 15:9 ပူးပေါင်းရင်းမြစ်များ

Hechos 8:3

Usa ꞌain ca Saulonën Jesucristomi catamëcë unicama cëñutisa tanquin xubucama oi atsínquin bëbu ꞌimainun xanuribi nirínbianquin sipuanuxun buáncëxa.

1 Corintios 10:32

Usoquin camina uinu ꞌicë unibi, judíos uni ꞌimainun judíosma uniribi, ꞌimainun axa Jesucristomi catamëcë unicamaribi, Nucën Papa Diosmi ꞌuchati sinánmitima ꞌain.

2 Corintios 11:5

Mitsúnmi, ꞌësamaira isa a unicama mitsun aín bana cuacë, ax ꞌicë quixun sináncëbëbi, cana ꞌën sináncëx ꞌëx atu meuma ꞌain.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

Gálatas 1:13

ꞌËn judíos unicama cuëëncësa oquin ñu ꞌaia unin ñuia camina cuacën. ꞌËn cana axa Jesucristomi catamëcë unicama ꞌaisamaira oquin bëtsi bëtsi ocën, Jesucristomi sinánti bana ënun quixun.

Gálatas 1:23

ꞌUnánquinmabi ca ësaquian ꞌë ñuicania cuacëxa: An nu bëtsi bëtsi o uni, an ca bërí Jesucristomi catamënun quixun unicama bana ñuixunia, ami catamëtia ënun quixun unicama bëtsi bëtsi o ꞌixunbi.

Filipenses 3:6

Judíos unicaman cuati Moisésnën cuënëo bana axëshi ca asábi ꞌicë quixun ñunshínquin sinánquin cana —axa Jesucristomi catamëcë unicamax ca ꞌaisama ꞌicë —quixun sinánquin atu bëtsi bëtsi ocën. Axa quicësabi oquin ꞌati Moisésnën cuënëo banacama quicësabi oquin cana ꞌën ꞌacën. Usa ꞌain ca a ñuiquian ꞌë ꞌuchoti ñubi ꞌaíma ꞌiacëxa.