1 Corintios 15:57 - Kashibo-Kakataibo Biblia

⁵⁷ Usa ꞌaínbi cananuna Nucën ꞌIbu Jesucristo cupí nun ꞌuchacama tërë́ncë ꞌaish bamatimi racuëtima ax utëcëncëbë baísquitancëx bamatëcëntimoi tsóti ꞌain. Usaquin ꞌunánquin cananuna cuëënquin Nucën Papa Dios —asábi ca —quixun cain.

Nukën 'Ibu Diosan ain unikama 'inan ain bana

⁵⁷ Usa 'aínbi cananuna Nucën 'Ibu Jesucristo cupí nun 'uchacama tërë́ncë 'aish bamatimi racuëtima ax utëcëncëbë baísquitancëx bamatëcëntimoi tsóti 'ain. Usaquin 'unánquin cananuna cuëënquin Nucën Papa Dios —asábi ca —quixun cain.

1 Corintios 15:57 ပူးပေါင်းရင်းမြစ်များ

2 Reyes 5:1

Anu ka achúshi uni Naamán kakë Sirianu ꞌikë ꞌapun suntárukaman kushi ꞌiakëxa a ka upíokin aín ꞌapun nuibakëxa, a unin ka Diosan ꞌakinkëxun Sirianu ꞌikë unikama axa ami nishkë unikaman ꞌaiabi an ira abámikin aín suntárukamabëtan ꞌakë uni ꞌiakëxa. Usa ꞌaínbi ka a unix an nami chëkimikë ꞌinsínñu ꞌiakëxa.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Hechos 27:35

Usaquin caquin ca Pablonën pán bixun, acaman ismainunbi —asábi ca —Nucën Papa Dios catancëxun, tucapaxun piacëxa.

Romanos 7:25

An nu ië́miti ax ca Nucën Papa Dios ꞌicën, Nucën ꞌIbu Jesucristo cupí. An ca nu ië́miti ꞌicë quixun ꞌunánquin cananuna —asábi ca —quixun cain. Usa ꞌain cananuna ꞌunanin, Nucën Papa Dios cuëëncësabi oquin ꞌati ꞌixunbi cananuna nun sinan upíma ꞌixun ñu ꞌatima ꞌain. Usaquin ꞌaxunma ꞌanun ca Nucën Papa Diosainshi nu ië́miti ꞌicën.

Romanos 8:37

Usa ñu ꞌicëbëtanbia Cristonën nu nuibaquin cushiocëx cananuna ami catamëti ëníma amiira cushiin, tëmëracëma pain ꞌaíshnu ꞌicësamairai.

1 Corintios 15:51

Unin ꞌunánma ñu cana mitsúnmi ꞌunánun quixun ësaquin ñuin, camáxira cananuna bamatima ꞌain. Bamacëma ꞌaíshbi cananuna camáxbi bëtsi ꞌiti ꞌain.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 9:15

¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti ꞌain? A sinánquin cananuna cuëënquin —asábi ca —caquin ꞌitsaira rabin.

Efesios 5:20

Nucën ꞌIbu Jesucristonan ꞌixun camina usoquian ꞌaquianan, an nu ꞌimicëcama, a sinánquin, Nucën Papa Dios —asábi ca —quixun caquin rabiti ꞌain.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Apocalipsis 21:4

An ca aín unicama aín bëunan mëscutia ini masá nuitutiabi nëtë́miti ꞌicën, aín bëun tërë́nquin. A unicamax ca bamatëcëntima ꞌicën, usai ꞌianan ca rarumatëcëntima ꞌicën, ꞌianan ca intëcëntima ꞌicën, acaman ca paë tantëcëntima ꞌicën. Bëráma usai ꞌiá ꞌaíshbi ca usai ꞌitëcëntima ꞌicën.