1 Corintios 15:56 - Kashibo-Kakataibo Biblia

⁵⁶ Aín ꞌucha cupí ca unicama chëquinux bamaia. Nucën Papa Diosan bana cuënëo anua ca unin ꞌunania, uisa ñu ꞌati cara ꞌucha ꞌicën, uisa ñu ꞌati cara upí ꞌicë quixun. A bana quicësoi ꞌima ca uni ꞌuchaia.

Nukën 'Ibu Diosan ain unikama 'inan ain bana

⁵⁶ Aín 'ucha cupí ca unicama chëquinux bamaia. Nucën Papa Diosan bana cuënëo anua ca unin 'unania, uisa ñu 'ati cara 'ucha 'icën, uisa ñu 'ati cara upí 'icë quixun. A bana quicësoi 'ima ca uni 'uchaia.

1 Corintios 15:56 ပူးပေါင်းရင်းမြစ်များ

Juan 8:21

Jesusan ca amiribishi unicama cacëxa: —ꞌËx cana cuantëcënin. Cuancë bariquinbi camina mitsun ꞌë mëraiman. Mëraima camina ꞌuchañu ꞌaish usabi bamati ꞌain. Anu ꞌëx cuanti anu camina cuantima ꞌain.

Juan 8:24

Mitsun, ui carana ꞌëx ꞌai quixun ꞌunani ꞌëmi sináncëma ꞌaish camina ꞌuchañu ꞌaish usabi bamati ꞌain. Usaquin sinánquin cana —ꞌuchañu ꞌaish camina usabi bamati ꞌai —quixun mitsu can.

Romanos 4:15

Cananuna ꞌunanin, usai ca uni ꞌiti ꞌicë quicë bana atúan cuati, a ꞌaíma ꞌain ca anun uni ꞌuchoti bana ꞌaíma ꞌicën. Usa ꞌaínbi ca usai ca uni ꞌiti ꞌicë quicë bana ꞌunáncë ꞌixunbi axa quicësabi oquin ꞌacëma ꞌaish uni ꞌuchocë ꞌiti ꞌicën.

Romanos 5:15

Adán cupía unicama ꞌuchañu ꞌaínbi ca Nucën Papa Diosan a ꞌuchacama tërë́ncë ꞌinun mëníocëxa. Adanëxa Nucën Papa Diosmi ꞌuchacë cupí ca ꞌaisamaira uni Nucën Papa Diosbë ꞌitimoi bamaia. Usa ꞌaínbi ca achúshi uni, Jesucristo, a cupía ꞌaisamaira uni cupíoima abë nëtë́timoi ꞌinun Nucën Papa Diosan mëníocëxa.

Romanos 5:17

Achúshi unia ꞌuchá cupí ca camabi uni ꞌuchañu ꞌaish Nucën Papa Diosbë ꞌitimoi bamaia. Usa ꞌaínbi ca uicama cara Nucën Papa Diosan nuibaquin atun ꞌucha tërë́nquin upí isia, acamax Jesucristo cupí bëtsi sinánñu ꞌixun, upí ñu ꞌatancëx Nucën Papa Diosbë nëtë́timoi aín nëtënu ꞌiti ꞌicën.

Romanos 5:20

Unían —nux cananuna ꞌuchañuira ꞌaish upíma ꞌai —quixun ꞌunánun ca Nucën Papa Diosan uisai cara uni ꞌiti ꞌicë quicë bana Moisés cuënëomiacëxa. ꞌUchañuira ꞌicëbi uni nuibairaquin ca Nucën Papa Diosan atun ꞌuchacama tërë́ncë ꞌinun mëníocëxa.

Romanos 6:23

Aín ꞌucha cupí ca uni ië́timoi bamati ꞌicën. Usa ꞌaínbi ca axa aín ꞌucha tërë́nun Nucën ꞌIbu Jesucristomi catamëcë unicama a abë xenibua ꞌaínbi ꞌinun Nucën Papa Diosan ië́mia.

Hebreos 9:27

Ënë nëtënu ꞌicë camabi unix ca achúshitishi bamati ꞌicën. Usa ꞌicë ca aín ñu ꞌacëcama ꞌunánquin Nucën Papa Diosan uicamax cara aín nëtënu abë ꞌiti ꞌicë quixun canan uicamax cara anu abë ꞌitima ꞌicë quixun cati ꞌicën.