1 Corintios 15:31 - Kashibo-Kakataibo Biblia

³¹ ꞌËn xucë́antu, Nucën ꞌIbu Jesucristonën ꞌamicëxun ꞌën micama a ñuiquin bana ñuixuncëx camina ami sinan. Mitsúxmi ami sináncë cupí cana cuëëinra cuëënin. Usa cupí cana cuëëni quixun ꞌunáncësaribi oquin cana ꞌunanin, ꞌëx Jesucristonan cupí cana uinu carana ꞌai, uinu carana cuani anuax sapi cana bamati ꞌai quixun.

Nukën 'Ibu Diosan ain unikama 'inan ain bana

³¹ 'Ën xucë́antu, Nucën 'Ibu Jesucristonën 'amicëxun 'ën micama a ñuiquin bana ñuixuncëx camina ami sinan. Mitsúxmi ami sináncë cupí cana cuëëinra cuëënin. Usa cupí cana cuëëni quixun 'unáncësaribi oquin cana 'unanin, 'ëx Jesucristonan cupí cana uinu carana 'ai, uinu carana cuani anuax sapi cana bamati 'ai quixun.

1 Corintios 15:31 ပူးပေါင်းရင်းမြစ်များ

Génesis 43:3

ꞌAínbi ka Judánën kakëxa: —Asérabi ka anu ꞌikë unin an nukama kaxa: Min xukë́n ꞌanáka bëíma kamina ꞌë isi ukantima ꞌain.

Hechos 20:23

An ꞌunánmicëxun cana ꞌunanin, uinu ꞌicë ëmanu carana cuani anuxun ca Nucën Papa Diosan Bëru Ñunshin Upitan ꞌë caia, anuax cana sipuocancë ꞌianan unían ꞌatimocëxun ꞌaisamaira oquin tëmëranuxun ꞌai quixun.

Romanos 8:36

Ësai ca Nucën Papa Diosan bana cuënëo quia: Nuxnu minan ꞌicë ca unin numi nishquin nuibaquinma nu bëtsi bëtsi oia. ꞌAracacë ñuinacama ꞌanuxun ꞌacësa oquin ca nu ꞌaisa tanquin bëtsi bëtsi oia.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Corintios 11:23

¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

1 Tesalonicenses 3:9

Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati ꞌai quixun ꞌunaniman.

1 Samuel 8:9

Usa ꞌain kamina, añu ꞌaxúnun kara mi kaia a ꞌaxúnti ꞌain; ꞌaínbi kamina ësokin pain atu kati ꞌain, axa atun ꞌapu ꞌiti uni an kara uisokin atu ꞌanuxun ꞌaia kixun ñukáti ꞌain.”