1 Corintios 15:20 - Kashibo-Kakataibo Biblia

²⁰ Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

Nukën 'Ibu Diosan ain unikama 'inan ain bana

²⁰ Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama 'aíshbi ax utëcëncëbë baísquinuxun 'aia.

1 Corintios 15:20 ပူးပေါင်းရင်းမြစ်များ

Hechos 2:24

Usoquian unin ꞌacëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira ꞌicëa uinu ꞌicë unínbi ashiquin bamamisama ꞌicë ca Nucën Papa Diosan aín Bëchicë baísquimiaxa.

Hechos 26:23

A banax ca ësai quia: Tëmëratancëx ca Cristo bamati ꞌicën. Bamatancëxa baísquia ꞌain ca usaribiti camabi uni bama ꞌaíshbi Cristo utëcëncëbë baísquiti ꞌicën. Usai baísquia ꞌixun ca Jesusan judíos unicamaishima judíosma unicamaribi sinanati ami catamëtía aín sinan upí ꞌinun ꞌimiti ꞌicën.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

1 Corintios 15:23

Nucën Papa Diosan mëníosabi oi ca Cristo pain baísquiacëxa. Baísquitancëx naínu cuan ꞌaísha ax utëcëncëbë ca aín unicama baísquiti ꞌicën.

1 Corintios 15:6

Usai ꞌitancëx ca ꞌaisamaira, quinientos uni timë́cë acamamiribi chiquiracëacëxa. A unicamax ca raíri bamacëxa. Aín patsanëx ca bamacëma paín ꞌaish tsotia.

Colosenses 1:18

Cristo axira ca axa ami catamëcë unicaman cushi ꞌaish amiira aín unicama catamëcë ꞌicën. Ësa ca Cristobë aín unicama ꞌicën. Mëcë́nñu, taëñu, xoñu, nuituñuribi ꞌaíshbi ca uni achúshi ꞌicën. Usaribiti cananuna Jesucristonan ꞌaish ꞌaisamaira ꞌaíshbi abë achúshisa ꞌain. Aín unicamaxa usaribiti ꞌiti oi axira pain bamatancëx baísquia ꞌaish ca an unio ñucamabë sënë́nmaira ꞌicën.

1 Tesalonicenses 4:16

Nucën Papa Dios axbi quicëbëtan, aín ángelcaman cushi an munuma banaquin aín manë banañu, anun Nucën Papa Dios rabiti, a bana obëtsinmainun ca Nucën ꞌIbu Jesucristo axbi naínuax unuxun ꞌaia. Usai ꞌicëbë ca axa Jesucristomi catamëcë ꞌaish bama unicamax pain baísquiti ꞌicën.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 14:13

Usai ángel banaia cuatancëxun cana naínuaxa ësaquin ꞌë cai banaia cuan: —Ënë bana ca cuënëot: Ax Nucën ꞌIbu Jesucristomi catamëcë unicamax ca bamatancëx chuámarua tani cuëënti ꞌicën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima ꞌicën. Añu ñucama cara Jesucristonan ꞌixun a ꞌaxuanxa, acama ca Nucën Papa Diosan manuquinma sinania. Usa ꞌain ca a unicama chuámarua tani cuëënti ꞌicën.