1 Corintios 15:2 - Kashibo-Kakataibo Biblia

² ꞌËn mitsu ñuixuncë bana manucëma ꞌianan a bana quicësabi oi ꞌi camina min ñu ꞌatima ꞌacëcama ëni Nucën Papa Diosnan ꞌinun ië́micë ꞌain, asérabi cëmëima ami catamëcë ꞌaish.

Nukën 'Ibu Diosan ain unikama 'inan ain bana

² 'Ën mitsu ñuixuncë bana manucëma 'ianan a bana quicësabi oi 'i camina min ñu 'atima 'acëcama ëni Nucën Papa Diosnan 'inun ië́micë 'ain, asérabi cëmëima ami catamëcë 'aish.

1 Corintios 15:2 ပူးပေါင်းရင်းမြစ်များ

Proverbios 23:23

ꞌAisamaira ñu ꞌunámikin, ꞌësëkë ꞌixun kamina bëtsi ñu ꞌakin uisa ꞌixunbi a manutima ꞌain.

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 8:13

Usaía ꞌicëbë ca Simónribi a bana cuaxun, asérabi ca ax ꞌicë quixun sinani nashimicë ꞌaish Felipebë niacëxa. Abë nitsi ca Felipenëan uni itsin ꞌacëma ñu ꞌaia isi ratuti sináncasmacëxa.

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Romanos 11:22

Usa ꞌain camina ꞌunánti ꞌain, ax upí ꞌixun ca Nucën Papa Diosan unicama nuibaquin upí ꞌimianan axa aín ꞌucha ëni ami catamëcëma uni uisa cara oti ꞌicë usoquin ꞌati ꞌicën. Usa ꞌixun ca mitsúxmi a ëníma ax quicësabi oquin ꞌai, ami catamëtia oquin nuibaquin ꞌaquinia. Usai mitsux ꞌicësabi camina ꞌiti ꞌain. Usai ꞌima camina mitsúxribi judíos unibu ꞌicësaribiti ainanma ꞌiti ꞌain.

1 Corintios 1:18

Cristo ca unin ꞌucha cupí i curúsocënu bamacëxa quixun ñuicë bana a ca an Nucën Papa Dios cuëëncëma unicaman —a banax ca cëmë ꞌicë —quixun ñuiquin ꞌusania. Usa ꞌaínbi ca axa Nucën Papa Diosbë ꞌinux ië́ti unicaman a bana cuaquin, aín cushin ꞌimicëx cananuna nun ꞌuchacama tërë́ncë ꞌaish Nucën Papa Diosnan ꞌai quixun ꞌunania.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 11:2

ꞌËn xucë́antu, mitsun ꞌë manuquinma camina ꞌën mitsu ñuixuncë bana quicësabi oquin ꞌain. Usaími ꞌia cuaquin cana —asábi ca —quixun mitsu cain.

1 Corintios 15:14

Cristoa baísquiama ꞌain ca nun ñuixuncë bana cëmë ꞌitsíanxa. Mitsúxmi Jesucristomi catamëcë axribi ca ñancáishi ꞌitsíanxa.

2 Corintios 2:15

Nun Cristo ñuiquin aín bana unicama nuibaquin ñuixuncëbë ca Nucën Papa Dios cuëënia. Nun nu ñuixuncëxun cuatia raíri uni ainan ꞌinun ië́micë ꞌimainuan raíri unix ami sinántisama tani ië́micëma ꞌaínbi ca Nucën Papa Dios nun nu a unicama nuibaquin aín bana ñuixuncëbë cuëënia.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Gálatas 3:4

¿Ñancábi caramina cëmëishi tëmëraibi Jesucristomi sináncën? Mitsúxmi usai ꞌicë ax ñancábimi usai ꞌicëma ꞌitibi ca ꞌia.

Efesios 2:8

Nuibaquin ca asérabi cuëënquin mitsúxmi Cristomi catamëti cupíshi mitsu ainan ꞌinun ië́miaxa. Mitsúnmi ñu upí ꞌacë cupíma ca Jesucristo bama cupíshi Nucën Papa Diosan ax cuëënquinshi mitsu ainan ꞌinun ië́miaxa.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

2 Tesalonicenses 2:15

Nucën xucë́antu, usa ꞌain camina, mitsun Jesucristomi catamëti ëntima ꞌain. Ëníma ꞌianan camina nun nu mitsu ñuixuncë banacama ꞌimainun nun nu mitsu buánmicë quiricanu ꞌicë banacamaribi cuaquin manuima a banacama quicësabi oi ꞌiti ꞌain.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Hebreos 10:23

—Nucën Papa Diosan ca aín quicësabi oquin nu upí ꞌimianan nux aín nëtënu abë ꞌinun ꞌimia —quixun ꞌunánquin cananuna asérabi ami catamëquin aín bana ënquinma an nu cacësabi oquin ꞌaquin bëtsi uniribi —Nucën Papa Diosan ca ax quicësabi oquin, usoquin nu ꞌaquinia —quixun ñuixunti ꞌain.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

Hebreos 3:14

Anun nux aín nëtënu ꞌiti nëtë sënë́ntamainun cananuna ami catamëtabatínu ꞌiásabi ꞌi ami catamëti ꞌain. Usai ꞌi cananuna camabi nëtën Cristobë ꞌain.

Hebreos 3:6

Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

Santiago 2:14

ꞌËn xucë́antu, an “ꞌëx cana ami catamëti Jesucristonan ꞌain” quiquinbi, Jesusan bana quicësabi oquin upí ñuishi ꞌacëma uni ax ca aín bana ñancáishi ꞌicën. ¿Usa unix cara Jesucristonan ꞌaish ië́ti ꞌic? Ca ꞌitima ꞌicën.

Santiago 2:17

Usaribiti ca uni Jesucristomiisa catamëtia quiquinbi uni itsi nuibaquin ꞌaquincëma ꞌaish asérabi Jesucristomi catamëcëma ꞌicën.

Santiago 2:26

Cananuna ꞌunanin, bamatancëx ca bëru ñunshínñuma ꞌaish uni aín nami ñancáishi ꞌicën. Usaribi ca uni ax isa Jesucristomi catamëtia quiquinbi uni itsi nuibaquin ꞌaquincëma ꞌaish, aín banax ñancáishi ꞌicën.