1 Corintios 15:14 - Kashibo-Kakataibo Biblia

¹⁴ Cristoa baísquiama ꞌain ca nun ñuixuncë bana cëmë ꞌitsíanxa. Mitsúxmi Jesucristomi catamëcë axribi ca ñancáishi ꞌitsíanxa.

Nukën 'Ibu Diosan ain unikama 'inan ain bana

¹⁴ Cristoa baísquiama 'ain ca nun ñuixuncë bana cëmë 'itsíanxa. Mitsúxmi Jesucristomi catamëcë axribi ca ñancáishi 'itsíanxa.

1 Corintios 15:14 ပူးပေါင်းရင်းမြစ်များ

Génesis 8:8

Usakin ñuina pëchiñu nónshiansa a xutankëx ꞌibaixanxun ka amiribishi, Noénën numakuru achúshi me kara ë́skibutia isnuxun xuakëxa;

Salmos 73:13

¡Usa ꞌaínbi ꞌën upiokin sinánkë ꞌixunbi atun ñu ꞌaia iskin, ꞌën sinánkë ax ka ñankáishi ꞌën usokin sinánti chukúmara pishinkë ꞌiaxa!

Isaías 49:4

ꞌËn kana sinánkë ꞌian: “Ñankáishi kana ñu binuxumabi tëmërai tëkin ꞌën kushi këñuin.” ꞌAínbi ka asérabi ꞌën ꞌakë ñukama ax Nukën ꞌIbunu ꞌikën, ꞌën biti ñukama ax ka kushi ꞌixun Diosan ꞌë ꞌinánkë ꞌiti ꞌikën.

Mateo 15:9

Nucën Papa Diosan bana isa quixun ca unínbi ñuicë banaishi unicama ñuixunia. Usa ꞌixun ca ñancábi ꞌë rabia. Isaíasnën cuënëo bana quicësabi oi camina mitsux ꞌin.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

1 Corintios 15:13

Bama ꞌaísha Jesucristo utëcëncëbë uni baísquitima ꞌain ca Cristo baísquiama ꞌitsíanxa.

1 Corintios 15:17

Cristo baísquiama ꞌain ca mitsúxmi ami catamëti ax ñancáishi ꞌitsíanxa. Usa ꞌain camina mitsun ñu ꞌaisama ꞌacëcama tërë́ncëma ꞌaish usabi ꞌitsían.

1 Corintios 15:2

ꞌËn mitsu ñuixuncë bana manucëma ꞌianan a bana quicësabi oi ꞌi camina min ñu ꞌatima ꞌacëcama ëni Nucën Papa Diosnan ꞌinun ië́micë ꞌain, asérabi cëmëima ami catamëcë ꞌaish.

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

1 Tesalonicenses 4:14

Jesús ax ca bamatancëx baísquiacëxa quixun ꞌunáncë ꞌixun cananuna, a ꞌimiasaribi oquin ca axa ami catamëcë ꞌaish bama unicama Jesucristo utëcëncëbëtan Nucën Papa Diosan baísquimiti ꞌicë quixun ꞌunanin.

Santiago 1:26

Ui unix cara —ꞌëx cana Nucën Papa Diosan bana cuacë ꞌai —quibi sinánxmaishi ꞌaisamairai banaia a unix ca Nucën Papa Diosan bana quicësabi oi ꞌíma cëmëia.

Santiago 2:20

¿Mix sinánñumasa ꞌixun caramina ꞌunaniman, Jesucristomi cana catamëti quiquinbi uni itsi nuibaquin ꞌaquincëma ꞌaish ca a uni Jesucristomi catamëcëmasa ꞌicën?