1 Corintios 14:30 - Kashibo-Kakataibo Biblia

³⁰ Usa ꞌaínbi ca an bana ñuixuncë uni, uni itsínribia bana ñuixuinsa tania isi, nëtë́ti ꞌicën.

Nukën 'Ibu Diosan ain unikama 'inan ain bana

³⁰ Usa 'aínbi ca an bana ñuixuncë uni, uni itsínribia bana ñuixuinsa tania isi, nëtë́ti 'icën.

1 Corintios 14:30 ပူးပေါင်းရင်းမြစ်များ

1 Corintios 14:26

ꞌËn xucë́antu, timë́ax camina ësai ꞌiti ꞌain. Raírinëx camina ꞌiisa tani cantati ꞌain, raírinën camina Nucën Papa Diosan bana ñuixunti ꞌain, raírinën camina añu cara Nucën Papa Diosan mitsu sinánmiaxa a ñuiquin cati ꞌain, ꞌiisa tani camina raírinëx unin cuacëma banan banati ꞌain, raírinën camina uisai quicë cara a bana ꞌicë quixun ñuixunti ꞌain. Timë́xun caramina uisa ñu ꞌai a ꞌai camina camáxbi ami upiti sinani Jesucristo cuëëncësabi oi ꞌinun sinánmiananti ꞌain.

1 Corintios 14:29

Usaribi oquin camina Nucën Papa Diosan sinánmicëxun aín bana ñuixuinsa tanquin rabë́xuinshi unicama ñuixunti ꞌain. Ñuixuanan camina rabë́ ꞌimainun achúshixuinshi ñuixunti ꞌain. Ñuixunia camina raírinën —a unin banax cara asérabi Nucën Papa Diosan sinánmicëxa quicë ꞌicë —quixun cuati ꞌain.

1 Corintios 14:31

Usoquin camina uicamax caramina Nucën Papa Diosan sinánmicë ꞌain, an achúshi achúshixun bana ñuixunti ꞌain. Usoquin bana ñuixuncëx camina camaxunbi upí oquin Nucën Papa Diosan bana ꞌunani ami cushicë ꞌiti ꞌain.

1 Corintios 14:6

ꞌËn xucë́antu, ësaquin cana mitsu cain. Mitsu isi cuanx Nucën Papa Dios rabi unin cuacëma banan banaquinbi, an ꞌë sinánmicë ñu mitsu ñuixuncëma ꞌianan usai ca axa Jesúsmi sináncë uni ꞌiti ꞌicë quixun caíma, ꞌianan Nucën Papa Diosan bana mitsu upí oquin sinánmiquin ꞌësëima, ꞌianan aín bana ñuiquin mitsu ꞌunánmicëma ꞌaish cana upitimi Jesúsmi sinánun mitsu ꞌaquincëma ꞌitsían.