1 Corintios 14:20 - Kashibo-Kakataibo Biblia

²⁰ ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

Nukën 'Ibu Diosan ain unikama 'inan ain bana

²⁰ 'Ën xucë́antu, tuáratsunën sináncësa oquin camina sinántima 'ain. Ñu 'atima 'ati 'unáncëma 'aísha tuáratsu 'icësaribiti camina 'iti 'ain. 'Iananbi camina bëtsi ñucama sinánquin uni apanën upí oquin sináncësabi oquin sinánti 'ain.

1 Corintios 14:20 ပူးပေါင်းရင်းမြစ်များ

Nehemías 4:13

usakin ñuixunkëxun kana ꞌën unikama atun aintsibë aintsibë mëníokaxun anun ꞌakánanti manë xëtokë ꞌimainun masíbun aín kanti akama bitankëxuan, anun ëma kënëara kaxú aín kini tanainuxun, bërúanun kixun ꞌamiakën.

Salmos 119:99

Usa ꞌixun kana anua kuakin an ꞌë ꞌunánmikë unikaman ꞌunánkësamaira okin, ꞌunánkin min banakama upíokin ꞌitsaira sinanin.

Isaías 11:3

An ka ñu iskinshi uisa kara oti ꞌikë kixun aín kuëënkësa okinshi ꞌanan, ax ka usai ꞌiaxa, kixun unin ñuikë bana a kuakinshi usa ka ꞌiti ꞌikë kixun katima ꞌikën.

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 18:3

—Asérabi cana mitsu cain, mitsux cha ꞌiisa tanquin usaquin ꞌë ñucati camina sinanati ꞌain. Sinanacëma ꞌianan tuácamaxa cha ꞌiti sinanima an a bërúancë unimi catamëcë, usaribiti ꞌëmi catamëcëma ꞌaish camina mitsux Nucën Papa Diosnan ꞌitima ꞌain.

Mateo 19:14

Caiabi ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Mateo 19:4

Ñucácëxun ca Jesusan cacëxa: —Camabi ñu unioquin ca Nucën Papa Diosan bëbu ꞌimainun xanu uniocëxa. ¿Acama ñuiquin Nucën Papa Diosan bana cuënëo caina iscëma ꞌain?

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 18:17

Asérabi cana ꞌën mitsu cain, uix cara tuá xuratsua an a bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Romanos 1:13

ꞌËn xucë́antu, cuainsa taníbi cana cuancëma ꞌain. ꞌItsai cana mitsu isi cuainsa tan quixunmi ꞌunánti cana cuëënin. Mitsúxmi Jesucristomi catamënun, bëtsi menu ꞌicë unicama ꞌaquincësaribi oquin mitsu ꞌaquini cuainsa cana tan.

Romanos 16:19

Camabi unin ca mitsu, asérabi camina mitsux Jesucristo cuëëncësabi oi ꞌi quixun ꞌunania. Usaquian mitsu ñuicania cuati cana cuëënin. Usa ꞌain cana mitsúxmi ñu ꞌatima ꞌaquinma ñu upíshi ꞌanux upí sinánñu ꞌiti cuëënin.

1 Corintios 13:11

Xuratsu ꞌaish cana ꞌëx tuá xuratsu ꞌicësari banacën. Usa ꞌixun cana tuá xuratsunën sináncësa oquin sináncën. Xuratsu ꞌixun cana xuratsunëan cuacësa oquin cuacën. Usa ꞌixunbi cana canitancëxun xura ꞌaish ꞌëx ꞌiá acama ëancën.

1 Corintios 14:19

Usa ꞌaíshbi cana axa Jesucristomi catamëcë unicama timë́cë ꞌain, unin cuacëma banan ꞌitsaira banati cuëëncësamaira oi unían cuacë banan banati cuëënin. A banan ꞌitsamashi banaquinbi unicama atun cuaisabi oquin ꞌunánmiti ca asábi ꞌicën.

1 Corintios 2:6

Axa Jesucristomi catamëcë unicaman aín bana quicësabi oquin ꞌaia cananuna a unicama uisaira cara aín banacama quia quixun ñuixunin. Nun banax ca ënë nëtënu ꞌicë axa Cristomi catamëcëma unicaman ñuicë bana ama ꞌicën. ꞌIanan ca aín ꞌapucaman ñuicë bana ama ꞌicën. Acaman banaxa cushi ꞌicëbi ca xënibuquin unin sinanima.

Efesios 4:13

Usai ꞌaquianani cananuna nishánanima nuibanani uisa ñu cara ꞌicëbëbi asérabi ami catamëti ꞌain. Ainan ꞌixun Nucën Papa Diosan Bëchicë a asérabi ꞌunani cananuna an ꞌimicëx aín sinánsaribi ꞌiti ꞌain. Usa ꞌaish cananuna camáxbi nun sinan upíira upí ꞌaish ax cuëëncësabi oi ꞌiti ꞌain.

Filipenses 1:9

Usa ꞌain cana mitsu nuibaquin Nucën Papa Dios mitsu ñucáxunin, mitsúnmi ꞌacësamaira oquinmi upí sinánñu ꞌixun ax cuëëncësabi oquin ꞌati ꞌunánquin uni nuibanun.

Filipenses 3:15

Usaquin cananuna nun Nucën Papa Diosan bana asérabi ꞌati ꞌunáncë ꞌixun sinánti ꞌain. Usaquinmi mitsun sinaniama ca Nucën Papa Diosan mitsuribi usaquin sinánun ꞌunánmiti ꞌicën.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.