1 Corintios 14:16 - Kashibo-Kakataibo Biblia

¹⁶ Unin cuacëma banan banaquinmi Nucën Papa Dios rabiabi ca min bana cuaquinma an Nucën Papa Diosan bana upí oquin ꞌunáncëma unicaman mibëtan Nucën Papa Dios rabiti sinántima ꞌicën.

Nukën 'Ibu Diosan ain unikama 'inan ain bana

¹⁶ Unin cuacëma banan banaquinmi Nucën Papa Dios rabiabi ca min bana cuaquinma an Nucën Papa Diosan bana upí oquin 'unáncëma unicaman mibëtan Nucën Papa Dios rabiti sinántima 'icën.

1 Corintios 14:16 ပူးပေါင်းရင်းမြစ်များ

1 Reyes 1:36

Kia ka Benaías Joiadánën bakë bëchikë an ꞌapu kakëxa: —¡Usa ka ꞌiti ꞌikën, min nu kakësabiokin kananuna ꞌati ꞌain, uisakin ꞌanun kara ami min rabikë Dios kia usakinbi kananuna ꞌati ꞌain!

Nehemías 8:6

Usakin ꞌatankëxun ka Esdrasnën Dios kamabi kushiñu a rabiakëxa, ꞌimainun ka kamabi unikama timë́kë atun ka mëkën manámi oi mëshpati kikankëxa: “Asábi ka asábi ka.” Usakin ꞌatankëx aín bëmánanën me tikai tsóbukin ka Dios rabikankëxa.

Salmos 72:19

aín anë upíira ax ka xënibua ꞌaínbi sinánkë ꞌiti ꞌikën. ¡Usa ꞌain ka aín kushi ax xënibua ꞌaínbi kamabi menu ꞌikë unikaman ꞌunánkë ꞌiti ꞌikën! ¡Usa ka ꞌiti ꞌikën ashi!

Salmos 89:52

Dios ax ka chuámarua xënibua ꞌaínbi ꞌiti ꞌikën. ¡Usai ka ꞌiti ꞌikën!

Mateo 15:36

Usoxun ca páncamacëñun tsatsaribi bixun Nucën Papa Dios —asábi ca —catancëxun a piti ñu tucapaxun aín ꞌunánmicë unicama ꞌináncëxa. ꞌInáncëxun ca anu ꞌicë unicama pinun mëtícaquin ꞌináncëxa. Aín ꞌunánmicë unicaman a unicama ꞌináncëx cëñútisa ꞌaíshbi ca a piticamax cëñúama ꞌicën,

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Marcos 16:20

Usai ꞌian camabi menu cuanquin ca aín ꞌunánmicë unicaman —Nucën ꞌIbu Jesucristomi catamëti aín ꞌucha tërë́ncë ꞌaish ca uni Nucën Papa Diosnan ꞌiti ꞌicë —quixun bana ñuixuancëxa. Usaquin bana ñuixunia ca Nucën ꞌIbu Jesucristonënbi ꞌaquinquin, atúan ñuixuncë banax ca asérabi ꞌicë quixuan unin ꞌunánun, uni itsin ꞌacëma ñu ꞌamiacëxa. Ashi.

Juan 21:25

ꞌËn mitsu ñuixuncë bana ënë ꞌimainun ca bëtsi ñucamaribi Jesusan ꞌacëxa. A ñucama ñuiquin achúshi achúshi cuënëocëxbi ca a quirica camabi menu sënë́ntima ꞌicën. Ashi.

Juan 7:15

Ñuixunia cuati ca judíosnën ꞌapucamax ratuti quiacëxa: —¿Uisa ꞌixun cara ënë unin nun cushicaman ꞌacësaribi oquin quirica ꞌacë ꞌixúnmabi uisai cara cuënëo banacama quia quixun ꞌunanx?

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

1 Corintios 11:24

Bitancëxun ca aín Papa —asábi ca —catancëxun tëcë́npaxun mëtícaquin cacëxa: “Ënë ca pit. Mitsúnmi piti pán ënëx ca ꞌë ꞌicën, axa minun rabanan bamati a. Ësoquin piquin camina ꞌë sinánquin ꞌati ꞌain”.

1 Corintios 14:2

Axa Nucën Papa Dios rabi unin cuacëma banan banacë uni, ax ca unin uisai cara quia quixun cuanunmabi Nucën Papa Dios rabi an cuanun banaia. Nucën Papa Diosan Bëru Ñunshin Upitan ꞌimicëx ca ax unin cuacëma banan banaia.

1 Corintios 16:24

Mitsúxribimi ꞌësaribi Cristo Jesúsnan ꞌicë cana micama sinanin. Ashi, Pablo.

2 Corintios 1:20

Nucën Papa Dios quicësabi oi ca camabi ñu Cristo Jesús cupí sënë́oncë ꞌiti ꞌicën. Usaquin ꞌunánquin cananuna Jesucristo cupí, aín bana cuaquin —ca usai ꞌiti ꞌicë —quixun Nucën Papa Dios rabin.

Apocalipsis 22:20

An ënë ñucama ꞌë ismicë, an ca ꞌë caia: —Cana bënëtishi utëcënti ꞌain. Cacëxun cana cuëëinra cuëënquin —asábi ca, usai ca ꞌiti ꞌicën, ca ut —quixun, Nucën ꞌIbu Jesús cain.

Apocalipsis 5:14

Usaía cantaia ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman —usai ca ꞌiti ꞌicë —quixun caxa. Cacëbë rantin purúnquin ca a caniacëcë unicamanribi axa bamatimoi tsócë a rabiaxa.

Apocalipsis 7:12

Rabiquin ca caxa: Ësai ca ꞌiti ꞌicën. Mix cuëënun ca camabi unicama ꞌimainun ángelcamanribi mi rabiti ꞌicën. Camabi unicaman ꞌApu ꞌianan, camabi ñu ꞌunáncë ꞌicë cananuna —asábi ca —quiquin mi rabin. Min cushix ca chaira ꞌicën. Mixmi cëñútimoi usabi ꞌia cananuna xënibua ꞌaínbi mi rabiti ꞌain. Usaquin cananuna ꞌati ꞌain.